“Banki Moon Sei Deskuti Mandatu ONU Iha TL”

.

Jornal Independente - Sesta-Feira, 10 Agustu 2012

Sekretariu Jeral Organizasaun Nasoens Unidas (ONU) Banki Moon Sei hala’o vizita mai Timor-Leste hodi deskute kona ba mandatu ONU ne’ebe sei remata iha fulan dezembru tinan 2012.

Sekretariu Jeran ONU sei hala’o nia vizita iha loron 15 fulan-Agusto tinan ida ne’e.

Prezidenti Republika Taur Matan Ruak dehan, iha asuntu rua importante maka sei deskute, Primeiru Misaun ONU ne’ebe besik remata ona, no misaun foun ONU ne’ebe mak sei kontinua iha Timor-Leste.

“Timor-Leste tenki preparadu iha linguazen ida de’it, hanoin ida de’it, bele espera ita nia vontade atu kontinua halo relasaun diak ho internasional atraves misaun ONU iha tinan lima mai,” dehan Prezidenti Taur iha Palasiu Nobre Lahane, Dili, Kurta foin lalais ne’e.

Forsa Stabilizasaun Australia (ISF) ninian mos sei remata iha tinan ne’e, tanba ne’e hodi estadu no povu Timor Leste nia naran agradese Australia ba apoiu sira durante ne’e.

Timor-Leste mos tenki kontinua kria relasaun amizade ho nasaun Indonezia hodi hametin paz no estabilidade atu bele dezenvolve ita nia rain.

Entertantu, Parimeiru Ministru xanana Gusmao dehan, Povu Timor-Leste sei asiste misaun UNMIT ne’ebe mak sei retira iha tinan ida ne’e, tanba ne’e, Xanana dehan, tempu ona Timor-Leste lao mesak no hamrik iha nia ain rasik nuudar nasaun ne’ebe komunga estadu de dereitu demokratiku.

.