“Destinu Timor-Oan Servisu Iha UNMIT Namlele”

.

Jornal Independente - Kuarta-Feira, 15 Agustu 2012

Destinu Timor-oan sira ne’ebe apoiu mandatu Nasaun Unidas iha Timor Leste (UNMIT) hanesan mantolun iha dikur leten, tanba, ema sira ne’e sei sai dezempregu hafoin Misaun UNMIT nian remata iha fulan Dezembru mai.

Inacio Jose dos Santos, Funsionariu UN hateten, hafoin misaun UNMIT nian remata obstaklu boot ba Governu mak problema dezempregu sei aumenta, ne’e duni, presiza kria politika diak atu fo benefisiu ba Timor oan hirak ne’e.

Nia dehan tan, depois UNMIT ‘Lulun Biti’ nia hakarak sai fali staff lokal maske ho vensimentu ne’ebe kiik liu kompara ho salariu ne’ebe mak UN selu ba sira durante ne’e.

Liafuan hanesan mos hato’o husi, Rozito dias, Staff UNMIT, importante ba sira tenki iha serviso nafatin ba sira atu iha kontinuasaun ba sustentabilidade sira nia moris loro-loron nian.

Nune’e, Baptista da Cosecao, estudante UNTL agradese ba UNMIT nian iha Timor Leste durante tinan 12 hahu 1999-2012, maski nune’e, nia konsidera parte balun servisu UNMIT nian dala barak hamosu failnasu iha area seguransa hodi atua konflitu la ho professional.

.