Falta Bee Moos: “Komunidade Tasitolu Konsume De’it Bee Masin”

.

Notisia Husi TVTL - Segunda-Kalan, 13 Agustu 2012

Komunidade Bairo foun Aldea 12 de Outubru Tasitolu durante ne’e infrenta difikuldade konaba bee moos, komunidade balun iha bee possu hodi konsumu bee masin.

Komunidade ne’ebe hela iha Bairo foun ne’e kuaze uma kain 200 resin durante tinan hirak nia laran infrenta kona ba bee moos no problema ne’e hato’o ona ba SAS Distritu Dili, maibe seidauk rejolve.

Tuir Albano nuudar komunidade ne’ebe hala iha Bairo refere hateten, ho difikuldade bee moos ne’ebe komunidade infrenta halo sira tenki ba kuru ho distansia Kilometru ida resin iha parte Terminal Comoro.

“Bee mos iha ne’e la’o lobuk ida, lao dook mak kuru, ami uza de’it bee meer” dehan Komunidade Albano.

Husi observasaun TVTL uma kain balun asesu ba bee posu no bee Sanio maibe sira uza deit nesesidade hanesan fase roupa no hariis, maibe labele uza ba konsumu loro-loron tamba bee masin.

.