Julio Tomas: “Husu Diretur Jeral SED Rezigna An”

.

Jornal Timor Post- Segunda-Feira, 13 Agustu 2012

Sekretariu Estadu Defeza (SED) Julio Tomas Pinto, husu ba diretur sira iha SED atu brani foti desizaun hodi hadia kondisaun F-FDTL no wainhira laiha autoridade atu foti desizaun diak liu rejigna an.

“Se imi hotu mak laiha autoridade atu foti desizaun, diak liu imi rejigna an husi imi nia kargu, hanesan diretur ka jota, hau koalia ida ne’e, tanba, ne’e nesesidae forsa nian tenki tau iha prioridade,” Deklara Sekretariu Estadu Defesa Julio Tomas Pinto, iha kuartel Jeral Polisia Militar, Kintal Kiik, wainhira inagurasaun kazerna Polisia Militar.

Iha oportunidade ne’e, Julio Tomas mos husu mos ba diretur aprovizionamentu atu bele hare hodi halao preparasaun hola sasan ne’ebe forsa presiza hodi bele fasilita, tanba fasilidade importante ba forsa hodi hala’o servisu.

“Hau husu ba Disretur Aprovizionamentu husi SED nia atu bele prepara lalais fasilidade sira ne’ebe polisia Militar sira presiza atu uza,” haktuir nia.

Nia moa hatutan, masek kazerna ba Polisia Militar ne’e inagura ona, maibe sei malta meza, kadeira hodi hala’o servisu, tamba ne’e, nia husu ba Governu atu tau atensaun ba kestaun ne’e.

“Se ita husu PM, sira atu ba ajuda polisia sira hodi halo seguransa, mais fatin ba sira atu toba laha, ne’e susar oituan, tamba ne’e hau husu atu prepara lalais,” dehan Julio Thomas.

.