“Komandu ‘Black List’ Elementu F-FDTL Nain 10”

.

Jornal Nasional Diario - Kinta-Feira, 02 Agustu 2012

Xefi Estadu Maior F-FDTL Brogadeiru Jeneral, Filomeno Paixao de Jesus informa katak, instituisaun ‘Black List’ elementu F-FDTL kuaze nain 10 husi instituisaun F-FDTL, tanba abandona kuartel iha tempu barak nia laran sein justifikasaun.

Tanba tuir estrutura militar katak, elementu ida kuandu abandona kuartel liu 24 oras tenki informa razaun abandona ka la tama servisu nuudar ema ne’ebe ho vida militar. Maske informasaun ne’e fo sai, maibe kona ba ema nain 10 ne’e, Brigadeiru la fo identidade kompletu publiku.

 Filomeno Paixao mos realsa katak, instituisaun komando deside prosesu legalizasaun hodi hasai sira tanba durante sai husi instituisaun laiha informasaun ruma husi membru F-FDTL nain 10 ne’e. Nia hateten, kuandu elementu ne’ebe que abandona kuartel iha loron barak nia laran liu 24 oras, entaun kontra regra displinar militar ninian.

Filomeno Paixao haktuir katak, husi elementu hirak ne’e balu fo informasaun kona-ba sira nia an, maibe elementu balu la fo informasaun mai komando forsa ninian. Entertantu, instituisaun ne’e identifika mos katak elementu balu oras ne’e dadaun servisu tiha ona iha instituisaun Governu sira seluk.

.