Luis de Oliveira: “Ema Hotu Laran Metin Ba Opozisaun FRETILIN”

.

Jornal Timor Post - Sesta-Feira, 03 Agustu 2012

Iha biban ida, Diretur Judisial Sisitema Monitorizasaun Programa (JSMP), Luis de Oliveira Sampaio hatteten, la kanek buat ruma kuandu CNRT halo konsultasaun ho FRETILIN hodi hetan lideransa ida ne’ebe proporsional hodi reprejenta partidu iha Parlamentu nasional.

“Hau hanoin sira laos reprejenta Governu maibe reprejenta povu Timor Leste, la sala no la kanek buat ruma kuandu presiza konsulta hodi halao sira nia dever no diak liu sira iha proporsionalidade iha reprejentasaun iha Parlamentu nasional, liu-liu reprejenta partidu sira,”nida hena ba Timor Post iha nia knaar fatin, kinta (2/8),

relasiona ho bancada FRETILIN ne’ebe kestiaona meza parlamentu Nasional la balansu jeneru no proporsionalidade.

Nia mos esplika, nu’udar politiku, sira la aprenjenta interese politiku maibe reprejenta povu Timor Leste tomak, tan ne’e, nia dehan, respeita sira (FRETILIN) nia desizaun politika atu halo retirasaun husi plenaria.

“Ita hotu fiar agora uniku FRETILIN maka halo opozisaun iha parlamentu, hau hanoin sira nia papel iha prosesu kontrola Governu boot, tanba ema hotu laran metin ba sira, ho razaun lejitimidade ne’ebe iha hodi reprejenta iha PN,” Luis akresenta.

Nia espera, atu tau iha estrutura Parlamentu nasional balansu jeneru, nune’e hatudu korazen politiku hodi fo fatin ba reprezetante feto atu tuur hanesan lider.

.