“UNMIT Simu Ban Ki-Moon Ho Bandeira Kesi Ho Plastik”

.

Jornal Independente - Kinta-Feira, 16 Agustu 2012

Bandeira Organizasaun Nasoens Unidas (ONU) nian ne’ebe kesi iha besi riin Aeroportu Komoro, Dili hodi simu Sekretariu Jeral ONU kesi ho Plasriku mutin, tanba bandeira ne’e kesi urjente.

Pbservasaun Jornalista INDEPENDENTE, Eugenio Pereira iha terenu haree katak, bainhira protokolu UNMIT nia hasae bandeira ne’e atu kesi iha besi riin, maibe bandeira ne’e laiha talin.

Tanba hela deit kuaze minutu 20 atu delegasaun Sekjer ONU Ban Ki-Moon atu tuun iha aeroportu, entaun protokolu UNMIT atrapalla hasae deit bandeira mutin hodi kesi bandeira ne’e ba tali ai-riin nian.

Laos ne’e de’it, fallansu seluk ne’ebe mak Jornal ne’e identifika, ONU nain ne’ebe dada mos la dun to’o iha besi riin nia tutun.

Akontesementu ne’e halo jornalista balun konsidera protokolu UNMIT no estadu la dun iha koordenasaun diak ba preparasaun, tanba, loloos bandeira ne’e tenki kesi loron ida antes delegasaun Ban Ki-Moon mai TL.

Enterantu, bandeira RDTL nian rasik ne’ebe protokolu estadu TL kesi diak liu fali protokolu UNMIT nian ne’ebe obriga aan kesi bandeira ONU ne’e ho plastiku.

.