Governu La Tau Atensaun: “Polisia BOP Hela Iha Lona Okos”

.

Notisia Husi TVTL - Segunda-Kalan, 01 Outubru 2012 

Batalaun Orden Publiku (BOP) husi Polisia Nasional Timor Leste (PNTL) hasoru problema ba fatin, tamba fatin ne’ebe uluk sira okupa iha Fatuada sei uza husi FALINTIL-Forsa Defesa Timor Leste (F-FDTL). 

Oras ne’e dadaun, membrus Polisia batalaun Orden Publiku balun hela iha lona okos hodi hala’o servisu. 

Problemas ne’ebe durante ne’e, infrenta husi Polisia Nasional Timor Leste durante tinan hirak nia laran, realidade ne’e Polisia Unidade espesial Batalaun Orden Publiku oras ne’e hasoru problema ba hela fatin, tamba fatin ne’ebe durante ne’e sira uza tenki intrega ba Foca sira, tamba fatin ne’e oras ne’e dadaun pertensia ona ba Defeza nian. Wainhira TVTL observa iha fatin refere, oras ne’e kompania ne’ebe kaer obra tun hala’o ona konstrusaun iha fatin ne’e. 

 Fatin provizoriu ne’ebe governu prepara iha Bairo-Pite, maibe nafatin laiha kondisaun, tamba ne’e sira tenki hela de’it iha lona okos, situasaun ida ne’e halo membru sira senti la ba hela no refere atu hela deit iha ida-idak nia uma, tamba fatin refere la kondis.

 Ba kestaun ida ne’e segundu komandante PNTL Afonso de jesus informa katak, husi parte komando reokinese ba problema ne’ebe sira infrenta, nune’e sira la obriga membru sira atu ba hela iha fatin ne’ebe la kondis.

.