“Meza PN Hetan Uluk Kareta Prado”

.

Jornal Nacional Diario - Tersa-feira, 02 Outubru 2012 I 

Vice Parlamentu Nasional Adriano do Nascimento hateten, Meza parlamentu Nasional, sei hetan uluk kareta antes deputadu sira hetan, tanba oras ne’e dadaun stok kareta prado limitadu tebes, tanba ne’e, kompanha sei la hatama kareta 65 iha tempo hanesan. 

“La’os atu sosa de’it 6, maibe sei haruka 6 uluk mai, tanba stok kareta prado ne’e limitadu depois maka 10 mai tuir tan, kareta ne’e sei mai fulan Janeiru, konforme sira nia orariu, tantu iha reuniaun bankada ami desidi ona atu fasilita uluk sira ne’ebe maka kareta laiha, kareta ne’ebe mai uluk sei fob a deputadu foun, i deputadu tuan sra nee kareta iha hela, maibe kona ba kareta 6 mai uluk ne’e, estrutura meza maka sei uza uluk,” Informa I Vice Prezidenti PN informa ba JNDiario, iha PN, segunda (01/10). 

 Tuir Aderito do Nasimento, kareta prado ba membru PN hamutuk 65, kompara osan US$ 1 miloens ital, maibe sei la to’o iha membru Parlamentu nia liman iha tempu hanesan tanba kareta refere nasaun barak mak presiza husi kompania hanesan, nasaun sira ne’e mak hanesan, Afeganistaun, Pakistan, no nasaun sira seluk ne’ebe nia produtu ne’e limitadu. 

 Hatan kona ba sosiedade sivil sira nia preokupasaun Adriano Nasimento argumenta katak, kareta foun imposivel hasai osan barak iha tinan tolu nia laran, tuir produtu ne’e katak, kareta ne’e sei uza ba tinan naruk, tan ne’e Parlamentu Nasional lapresiza tan hasai osan atu sosa kareta iha tinan lima mai.

 “Buat hoti depende ba konsensia halo tratamentu ba kareta, ami uza pazero deit to’o agora ami la hala’o manutensaun, so hadia mak rem no besi balun iha nia roda ne’e deit, kareta ne’e to’o tinan lima ona, diak nafatin,” haktuir Aderito do Nascimento.

.