“Politika Aumenta Osan Idozus La Realiza”

.

Jornal Independente - Kuarta - Feira, 16 Janeiru 2013 

Planu Primeiru Ministru Xanana Gusmao atu hasae osan idozus no invalidu husi montante U$30 ba U$50 seidauk realiza iha tinan 2013. 

Ministra Solidaridade Sosial (MSS), Isabel Guterres hateten, prosesu hadia dadus idozus no invalidu sira nian durante ne’e pendente hela, tanba balun nia tinan moris la apar ho kartaun eleitoral no sertidaun batizmu nian. 

“Ami halo rosamentu 2013 laos atu hasae osan idozus no invalidu sira, maibe nafatin tanba sei hadia dadus,” dehan nia iha uma fukun PN (15/01). 

 Entertantu, total numeru idozus no invalidu ne’ebe sai ona benefisiariu durante ne’e to’o 2012 hamutuk ema rihun 93 resin. 

.