“Populasaun Kapital Dili Halerik Ba Bee Moos, Funsionariu Halerik Ba Kareta”

,

Notisia Husi TVTL - Tersa-Kalan, 15 Janeiru 2013

Populasaun kapital Dili halerik ba bee moos, funsionariu departementu abastamentu Distritu Dili mos halerik transporte kareta operasaun servisu nian.

 Xefi departementu Abastementu Distritu Dili hateten, sira iha kareta 8 maibe komesa aat ba dadaun, tamba ne’e funsionariu sira la bele hala’o operasaun ba servisu bee moos iha kapital Dili. Kareta hirak ne’e oras ne’e dadaun balun tau hela iha ofisina no balun tau iha edifisiu Kaikoli, Dili.

Tuir xefe departementu ne’e katak, kareta hirak ne’e hahu husi temu UNTAET to’o oras ne’e, tamba ne’e kondisaun la diak ona.

“Operasaun baa mi nia atendementu ne’e to’o Hera, maibe ami nia kareta 8 mak at hotu ona,” dehan Xefe departementu ne’e.

Oras ne’e dadaun halerik nafatin ba bee moos, funsionariu SAS mos halerik ba kareta operasaun, populasaun sira informa katak, maske iha kareta maibe dala barak populasaun sira sei susar nafatin ba bee moos.

.