Feto Rezistensia : “Husu PR no PM Atu Esplika Kona Ba Problema Maria Domingas Alves ‘Mikato Nia Funsaun Iha V Governu Konstitusional”

.

Foto, Rede Feto

Notisia Husi TVTL - Sesta-Kalan, 10 Agustu 2012

Feto dadur no rezistensia klandestina no jerasaun foun husu ba Prezidenti da Republika no Primeiru Ministru atu klarifika razaun hasai Domingas Alves ‘Mikato’ husi Ministra da Defesa e Seguransa.

Liu husi konferensia da imprensa organizasaun ne’e deklara, sira konsidera eis Ministra da Solidaridade Sosial Maria Domingas Alves ‘Mikato’ iha kapasidade no avilidade atu kaer pasta nuudar Ministra Defesa no Seguransa, sira konsidera desizaun husi Prezidenti da Republika no Primeiru Ministru ne’e la justu.

“Atu haree husi konstituisaun RDTL, ne’e diskriminasaun boot, ne’e primeiru, segundu ne’e violasaun direitus humanus, se Timor ne’e adpta Demokrasia entaun tenki implementa demokrasia ne’e tuir dalan loos, feto barak la bele ba tur hotu iha leten maibe reprejenta deto ida ou rua tur iha leten ba feto hotu-hotu iha Timor Leste ninia direitu, mais derepenti asai ami senti ami laran moras, tamba iha funu ida ne’e la’os mane deit mak halo, laos matenek liu ami feto lubuk ida ne’e mak halo, feto mateke ka feto beik hamutuk mak hotu-hotu halo funu, terus hodi ohin loron hetan ukun rasik an,” dehana Reprejetante feto.

Sira mos husu esklaresementu husi Xefe Estadu no Xefe do Governu ba desizaun ne’ebe sira foti.

“Senor Xanana Gusmao nudar Primeiru Ministru atu klarifika diferensas Senora Maria Domingas Alves ‘Mikato’ ho ema balun ne’ebe nunka hakarak independensia iha rai ida ne’e, husu mos ba Prezidenti da Republika hodi esklarese ho rajaun saida no sasukat saida maka Prezidenti Republika hateten katak, senora Maria Domingas Alves ‘Mikato’ laiha avilidade?, ami apela ba nain ulun sira ne’ebe senti an hanesan unikus herois atu bainhira foti desizaun, foti ho neon malirin hanesan ema politiku, labele uza imi nia poder no arogansia hodi omilia ema seluk, liu-liu feto ida nia dignidade,” deklara Markita Soares.

Organizasaun ne’e mos hatutan, Maria Domingas Alves iha ispiritu nasionalismu forte ne’ebe hatudu liu husi nia knaar ne’ebe durante tinan lima kotuk nia ezerse no Maria Domingas Alves ‘Mikato’ mos kontribui hodi luta ba independensia nasional.

.