Kilat Boot PNTL Deskonfia Lakon Iha Fatin Protistuisaun: “Bancada FRETILIN Konsidera Governu Fraku Halo Regulamentu Interna PNTL”

.

Notisia Husi TVTL - Segunda-Kalan, 13 Agustu 2012

Bancada Opozisaun FRETILIN iha uma fukun Parlamentu Nasional konsidera Governu fraku halo regulamentu interna hodi kontrola utilizasaun porta de armas.

Kestaun ne’e hato’o husi Partidu FRETILIN Francisco Branco hato’o kestaun ne’e, relasiona ho kilat tipu FNC ne’ebe halakon husi ejente PNTL balun bainhira hala’o kna’ar nia servisu informasaun intelenjensia iha komando Geral.

Deputadu Bancada FRETILIN Francisco Branco hato’o kestaun ne’e, segunda-feira (13/8), iha Parlamentu Nasional, relasiona ho kilat tipu FMC ne’ebe halakon husi Ajente PNTL balun ne’ebe hala’o kna’ar iha serviso informasaun intelejensia iha komandu jeral.

Francisco Branco konsidera, Governu fraku tamba laiha regulamentu interna atu kontrola utilizasaun porta de Armas.

“Iha Governu ida ne’e, la hatudu kapasidade atu bele regula regra ba utilizasaun poru de armas, hodi nune’e bele prevene armas ne’ebe lakon foin dadauk ba ne’e,” dehan Francisco Branco.

Iha parte seluk, seputada bancada CNRT Carmelita Moniz hateten, maske la fo ameasa ba estadu maibe husu ba komandu Jeral PNTL atu halo investigasaun profunda ba kazu refere, tamba kazu ne’e, nia konsidera seriu no sa taan kilat refere monu ba sivil nia liman.

To’o oras ne’e komando Jeral PNTL kontinua halo investigasaun ba kazu refere no tuir informasaun ne’ebe TVTL hetan husi fontes konfirmadu kilat refere deskonfia lakon iha fatin Portituisaun.

.