Kilat PNTL Ne’ebe Lakon Iha Ona Prosesu Investigasaun: “La Sama Husu Tenki Responsabliza”

.

Notisia Husi TVTL - Sesta-Kalan, 10 Agustu 2012

Komando Jeral Polisia Nasional Timor Leste (PNTL) hahu investiga ba kilat ne’ebe lakon iha servisu informasaun intelejensia.

Relasiona ba kazu kilat lakon iha instituisaun PNTL husi servisu informasaun intelejensia, Komando koalia ona ekipa ida hodi hala’o investigasaun ba kauza refere hodi hatene motivu husi akontesementu ne’e.

Komisariu Longuinhos Monteiro hato’o kestaun ida ne’e, wainhira partisia iha inkontru altu nivel iha palasiu Prezidensial Nikolau Lobatu.

Tuir Longuinhos katak, memebru ne’ebe alakon kilat iha tempu servisu oras ne’e suspende ona hodi submete ba investigasaun.

“Kilat ne’ebe lakon, komando PNTL loke ona prosesu ba iha servisu hein kilat nian, depois maka investigasaun sei termina, kilat ne’e ida mak lakon,” dehan Longuinhos.

Hatan ba asuntu ne’e, Vice Primeiru Ministru Fernando La sama hateten, kilat ne’ebe lakon seriu, tamba ne’e komando presiza investiga no buka tuir kilat ne’ebe lakon no tenki responsabliza.

“Kilat ida mos importante tebe-tebes, Pistola ida mos importante tebe-tenbes, se akontese hanesan ne’e komando tenki buka tuir i tamba saida mak lakon, sese mak besibesik ne’eba tenki responsabliza,” dehan la sama.

Kilat refere deskonfia lakon iha loron 30 fulan Jullu iha Parte Komoro, maibe komando garante katak, kilat ne’ebe lakon la fo impaktu ba estabilidade nasaun ida ne’e.

.