“Prezensa Tribunal Militar Importante”

.

Jornal Nasional Diario - Sesta-Feira, 03 Agustu 2012

Organizasaun naun Govermental Fundasaun Mahein (FM) ne’ebe durante halo monitorizasaun kona-ba seguransa no defesa hare katak, Tribunal Militar iha rai ne’e importante tanba presiza duni.

Koordenador peskizador FM, Joao Almeida Fernandes hateten, Tribunal Militar importante, atu nune’e bele julga elementu F-FDTL ou PNTL ne’ebe komete iha kazu rime ruma.

“Agora ita seidauk iha Tribunal Militar, tanba ne’e mak kazu barak ne’ebe durante ne’e elementu F-FDTL sira komete Tribunal sivil ninian mak halo julgamentu,” esplika Joao Almeida ba JNDiario, Kinta (2/8) iha nia knar fatin, Balide, Dili.

Tamba ne’e, iha formasaun Governu foun, FM espera governu iha ona vintade atu harii Tribunal Militar.

Komentariu kona ba membru F-FDTL nain 10 hetan espulsa, nida dehan, kualker military iha ne’ebe de’it kuandu abandona servisu fatin ou kuartel, lei displina militar mak bele regula konaba elementu hotu-hotu.

.