Conocophilips Lori Estadu TL Ba Tribunal: “PM Xanana Konsidera Ministeriu Publiku La Defende Estadu Timor Leste”

.

Notisia Husi TVTL - Sesta-Kalan, 05 Outubru 2012 

 Primeiru Ministru (PM) Kay Rala Xanana Gusmao hateten, Governu Timor Leste kontrata ona Advogada husi Norte Amerikanu ida atu defende estadu hodi hasoru Kompania ConocoPhilips iha Tribunal. 

 Primeiru Ministru Xanana Gusmao hateten, tuir loloos Prokuradoria Jeral da Republika maka tenki defende estadu, maibe sira rasik la halo kauza, wainhira kompania ConocoPhilips lori Governu Timor Leste ba Tribunal.

 Tuir Mai Transkrisaun Kumpletu deklarasaun Primeiru Ministru Xanana Gusmao Ne’ebe Fo Sai Iha TVTL:

 “Prokurador Geral, tamba fou-foun iha kazu 5 ne’ebe Conocophilips tau ita iha Tribunal, ohin loron kazu 28, hau maka sei ba responde nu’udar Governu (Xefe do Governu, ba kazu sira ne’e nein liu tan husi ami (Governu), neebe hau ba, sira tau tiha ona, hau sei ba responde, ami sei ba dehan katak, iha ne’e mos kuandu kompania sira la selu taxa, tamba hakarak simu projeitu foun, sei intrudus selu taxa ka la selu, se iha komisaun ida para simu Projeitu foun ne’e, diak liu selu lai maka imi mai, tamba ita nian U$500 ba leten uluk seluk ona taxa, la iha ema ida ne’ebe lakohi selu taxa. Ne’e duni maka nu’udar Xefe do Governu sei defende maka’as no buat ne’e sei la’o, ami hein hela bainhira maka Tribunal bolu, tamba sira hatama, Prokurador Geral mos hato’o tiha ona ba Tribunal, ho ida ne’e maka Governu kontrata Juis husi Amerika, Wasintong atu sai Advogadu ba kazu ne’e, tamba ita koalia kona ba buat ne’e ita seidauk diak, ita boot sira haree ona, iha hau nia diskursu tomada depose hau dehan katak, sei kapasita nafatin advogadu, Prokuradores neebe husi Timor oan, la’e, ita maka tergantung nafatin ba sira mai husi liur, la hatene, iha lei mos la kumpriende ita ninian, balun dehan Tribunal de’it mais buat seluk ne’e sira la hatene, tamba ne’e iha programa governu atu kapasita liu Juis, Prokuradores, Advogado, Asesores Timor oan nian atu prosesu sira tama Tribunal tuir dalan oituan, hau lee prosesu barak la los oituan, hau la’os Advogado, hau la hatene lei, hau la hasai direitu, mais haree ba, hanesan, ami Manatutu kuandu tau ikan Saboko ho Sukaer, ita han ba sei gostu, ne’e hau tenki dehan hanesan ne’e, tamba ita hare ba estadu, maibe tamba ita nia kbiit seidauk iha maka ami kontrata Advogadu husi Amerika ne’ebe ita fiar katak, sei iha kbiit para atu defende kazu ida ne’ebe ke husi Prokuradoria tau kedas ba (Tribunal), prokuradoria ne’e dehan katak, atu defende estadu, Ministeriu Publika defende estadu, ida ne’e mai kontra estadu haruka kedas ba tribunal, ida ne’e maka ita nia estadu sei fraku, frazilidade ne’e la’os frazilidade atu halo golpe de estadu, halo fali hanesan 2006 ou 2007, maibe frazilidade ita nia estadu rasik, frazilidade ne’e ita hare ba Timor oan sira iha interese nasionais ne’e, ita tuur hamutuk atu defende, ne’ebe hau sei ba defende iha Tribunal,” deklara PM Xanana Gusmao.

.