“Governu Sei Prepara Lei Atu Ema Ne’ebe Halo Klandestina Tinan 3 Bele Hetan Direitu”

.

Notisia Husi TVTL - Tersa-Kalan, 02 Outubru 2012 

Sekretariu do estadu asuntu kombatentes da libertasaun nasional hateten, Governu sei prepara lei ida atu ema ne’ebe maka hala’o klandestina durante tinan 3 sei hetan sira nia diretu. 

 Atu rekoinese no valoriza sidadaun sira nia luta ba independensia, liu husi Governu Sekretariu Estadu Asuntu Kombatentes da libertasaun nasional sei prepara lista ba ema hirak ne’ebe luta durante tinan 3 iha ai-laran, sei hetan mos direitu. 

 “Ami iha ona asesor internasional atu prepara dekretu lei ida hodi bele fo dalan ba sira ne’ebe maka 3 anos iha ai-laran, pelomentu hetan netik sira nia diretu,” dehan Sekretariu Estadu antigos Kombatente da Libertasaun Nasional. 

 Nune’e mos, fundador organizasaun sagrada familia Kornelo Gama “L7” hateten, durante ne’e membru husi antigos kombatente durante ne’e hala’o mos sira nia luta durante tinan 3, tamba klendestina nia objetivu atu inimigu labele hatene FALINTIL sira nia abrigu subar fatin. 

Organizasaun Sagrada familia mos rekomenda ba governu atu harii semiteriu de Heroi iha Sub Distritu Laga, nune’e bele rekoinese no valoriza sira nia luta.

.