Vicente Guterres Deklara Riku Soin: “Prezidente PN Iha Karreta, Uma no Bancaria Rua”

.

Jornal Independente - Tersa-feira, 02 Outubru 2012 

 Prezidenti parlamentu Nasional Vicente Guterres horseik ofisialmente intrega deklarasaun de interese (aset) ba iha Prezidenti Tribunal Rekursu Dr. Claudio Ximenes. 

Prezidenti Parlamentu ne’e deklara iha kareta rua, uma rua no osan bankaria iha Timor no Portugal. 

“Ha’u inrega deklarasaun interese bens ba Prezidenti Tribunal rekursu,” dehan Prezidenti PN ba Jornalista sira horseik. Maske la temi detaillu maibe Prezidenti PN Vicente Guterres deklara riku soin ba TR mak hanesan, uma no kareta ida iha TL no Portugal no osan iha konta bankaria. 

 “Hau uma iha ne’e ida, iha Portugal ida i kareta ida iha Portugal karreta ida iha ne’e no konta bankaria iha ne’e no iha Portugal mos,” dehan Vicente. Prezidenti PN Vicente mos la temi numero osan iha Bankaria. Deklarasaun interese bens ne’e, Vicente dehan, hodi kumpri lei No. (7/2007) ho intensaun atu kobate korrupsaun Kolusaun no Nepotismu (KKN) iha TL. 

“Ita nuudar pais Independente ne’ebe maka foin tinan 10 ita tenki komprementidu atu kombate korupsaun no buat oi-oin ne’ebe bele estraga ita nia nasaun,” dehan Vicente. 

Ba Kestaun ne’e, Prezidenti Tribunal Rekursu Claudio Ximenes hatete, lei No.7/2007 la forte tanba lei ne’e la obriga titular ida atu deklara nia rikusoin, tamba lei ne’e hatete de’it atu deklara interese do bens.

 “Ne’e la’os deklarasaun kona ba riku soin, ne’e deklarasaun kona ba (nia nuudar titular ida) nia bele interese ruma i konflitu ptivadu ruma,” dehan Claudio. 

Tanba ne’e, Prezidenti TR dehan, tenki kria fali lei ida para kontrola rikusoin ne’ebe fo fatin duni ba entidade hotu atu kontrola rikusoin ne’ebe fo fatin duni ba entidade hotu atu kontrola ema ne’ebe servisu nu’udar kargu publiku.

.