Mericio Akara: “Governu Bloku Koligasaun Viola Lei Jestaun Finanseira”

.

Jornal Independente - Tersa-feira, 02 Outubru 2012 

Governu Bloku Koligasaun (BK) halo violasaun hasoru lei, tanba halo transfarensia orsamentu husi item ida ba item seluk, ne’ebe proivi iha lei jestaun finanseiru. 

 Tuir lei jestaun Finanseiru artigu 38, alinea 3 no 4 hateten, Orsamentu Jeral Estadu (OJE) labele halo transpferensia husi kategoria kapital dezenvolvimentu ba bens no servisu. 

Maibe, Governu la tau kestaun ne’e nuudar violasaun ruma, tanba kontinua halo nafatin transferensia maske klaramente lei la fo dalan. Diretor Organizasaun Naun-Govermental Luta Hamutuk (LH), Mericio Akara hateten, orsamentu retifikativu ne’e irregularidade, tanba retifikativu ne’e governu halo transferensia orsamental husi kategoria despezas salariu vensimentu no kapital dezenvolvimentu ba bens serbisu. 

Tuir nia, redusaun alokasaun orsamentu fundu infraestrutura hamutuk tokon U$ 49,2 hatudu momoos katak, governu inkapasidade ba planeamentu no ezekusaun orsamentu.

 Akara dehan, tuir dokumentu (draft retifikativu) orsamentu audisional ne’e redus pirsentu 29 (%) husi projetu Tasi mane ne’ebe ho alokasaun inisiu hamutuk tokon U$ 173.0. 

 Projetu ne’ebe hetan redusaun orsamentu mak hanesan estrada no ponte hamutuk tokon U$ 30 no projetu petroleum no gas tokon US$ 20 no husi orsamentu sira ne’ebe aloka ba kategoria despezas hamutuk tokon US$ 1.3, maibe laiha esplikasaun klaru husi Governu.

.