Dalan Protokulu Foin Hadia At Fila Fali Ona: “Komunidade Husu Governu Foun Lalika Fo Tan Projeitu Ba Kompania Ne’ebe Kaer Obra Ne’e”

.

Notisia Husi TVTL - Segunda-Kalan, 13 Agustu 2012

Dalan Protokolu iha parte Kolmera, Dili ne’ebe foin hadia iha loron 8 fulan Agustu foin lalais ne’e hatudu rejitadu at fila fali, komunidade sira husu ba kintu (V) Governu konstitusional atu toma atensaun ba problema ne’e, tamba sei estraga osan povu nian.

Dalan Kolmera sai nuudar dalan importante, maibe kompania ne’ebe kaer obra ne’e la hala’o servisu ho kualidade.

Durante semana ida ona dalan ne’e at maibe governu ka Ministeriu Obras Publiku seidauk toma atensaun ba problema ne’e, populasaun sira informa katak, kintu Governu konstitusional tenki tau atensaun diak ba problema ne’e, tamba projeitu ne’e gastu osamentu estadu ne’ebe boot maibe laiha kualidade.

Populasaun sira mos husu ba Governu atu lalika fo tan projeitu ba kompania ne’ebe hala’o projeitu ho laiha kualidade, tamba povu maka sai vitima husi projeitus hirak ne’e.

.