Komunidade Husu Governu Foun Ne’ebe Povu Hili: “Kapital Nasaun Sai kapital Falta Bee Moos”

.

Notisia Husi TVTL - Segunda-Kalan, 13 Agustu 2012

Komunidade no Vendedores Merkadu Taibesi husu orjenti ba Governu hodi fornese bee moos ba sira nia Bairo.

Ezizensia ne’e hato’o husi vendedores no komunidade balun husi area taibesi ba ekipa TVTL segunda-feira semana ne’e, relasiona falta bee moos ne’ebe sira hasoru loro-loron, komunidade no vendedores sira laran triste ba ukun nain sira ne’ebe troka malu dala hira ona maibe sira konrinua susar ba asesu bee moos, liuliu iha kapital nasaun, Dili.

Ba problema ne’e, Komunidade sira loroloron tenki lori jerigen buka bee moos hodi atende ba nesesidade uma laran.

“Fulan 4 ka 5 ona bee moos la mai, iha merkadu ida ne’e bee haraska, ami ba kuru iha Aituri-laran, ami husu ba ukun nain sira atu tau matan ba ami,” dehan komunidade.

Komunidade sira mos senti moe wainhira loro-loron lalin Jerigen iha estrada no fatin publiku hodi buka bee no hadau bee moos, sira hein katak Governu foun ne’ebe povu hili bele tau matan ba sira nia moris, liuliu ba bee moos tamba falta bee moos bele afeta ba sira nia saude.

Ba kestaun ne’e, observasaun TVTL nota katak, Merkadu Taibesi ne’ebe Governu harii uma balun ba vendedores kontinua abandona, pior liu tan uma hirak ne’e odamatn estragus no uma laran soe nakonu foer, tamba falta atensaun husi parte kopotente.

.