“Movimentu Estudante Manufahi Ezizi V Governu Hodi Rekoinese Dom Boaventura Hanesan Aman Ba Libertasaun Patria”

.

Notisia Husi TVTL - Kuarta-Kalan, 15 Agustu 2012

Movimentu Estudante Manufahi ezizi ba estadu Timor Leste atu halo kooperasaun estadu portugues hodi hatudu ruin no rate Heroi Dom Boaventura, estudante sira mos husu ba Parlamentu Nasional atu halo dekretu lei ida hodi mudan naran Distritu Manufahi ba Maafahe.

Ezizensia hirak ne’e, hato’o husi Movimentu Estudante Juventude tinan 1912 maafahe, relasiona ho komemorasaun tinan 100 funu maafahe ne’ebe sei realiza iha tempu badak.

Estudantes hirak ne’e mos ezizi orjenti ba estadu Timor Leste atu halo negosiasaun no kooperasaun ho estadu Portugues hodi hatudu ruin rate dom Boaventura neebe to’o oras ne’e seidauk hetan.

“Ami ezizi ba estadu RDTL, liu-liu Ministeriu negosiu Estranjeiru no kooperasaun atu halo nia servisu ho estadu portugues hodi hatudu ruin no rate ami nia heroi dom Boaventura mai povu Timor laran tomak, ami husu ba V Governu konstitusional atu rekoinese dom Boaventura hanesan aman ba revolusaun no heroi ba libertasaun patria povu maubere no ;oron 30 Agustu sai mos hanesan loron ba primeiru revolusaun Timor Leste” dehan Portavos Movumentu Estudante ne’e.

iha oportunidade ne’e, Movimentu estudante Joventude maafahe rekomenda mos ba Parlamentu nasional atu halo dekretu lei ida hodi muda naran distritu Manufahi ba maafahe bazeia ba naran orijin.

.