“Maijor Jeneral Lere Anan Timor Husu Tenki Fo Rekoinesementu Ba Klandestina Sira Nia Luta Libertasaun Nasional”

.

Notisia Husi TVTL - Segunda-Kalan, 01 Outubru 2012

 Xefe Estado Maior Jeneral F-FDTL, Sekretariu Estadu Asuntu veteranus no fundador organizasaun sagrada familia fo sertifikadu ba nia membru sira iha atelari, Distritu Baucau hodi rekoinese ba sira nia luta liu husi klandestina. 

 Lere Anan Timor no L7 fo Sertifikadu ne’e, tamba membru organizasaun sagrada familia hirak ne’e sempre fo apoiu material ba sira nia luta durante subar iha Atelari hanesan fatin segredu. Xefe Estadu Maijor Jeneral F-FDTL, Lere Anan Timor partisipa iha serimonia fahe serfikadu ne’e ba nia membru sira, tamba hanesan rekoinesementu ba organizasaun ba sira nia luta klandestina durante tempu okupasaun Indoensia.

 Antes fahe sertifikadu, Lere Anan Timor hala’o uluk vizita ba semiteriu Saudozo Mateas Ximenes ne’ebe mate no hetan oho tamba kontra militar Indonesia. 

 Nune’e, Maijor Jeneral Lere Anan Timor hateten, Timor Leste hetan independensia liu husi funu naruk, tamba ne’e, tenki rekoinese klandestina nia luta ba prosesu libertasaun nasional. 

.