PN Triste, Governu La Iha kapasidade Gasta Osan US$ 212,8 Milloens: “Aderito Hugo Husu Ministru Sira Lalika Gava Aan”

.

Jornal Nacional Diario - Tersa-feira, 02 Outubru 2012 

Reprezetante Povu iha uma fukun Parlamentu Nasional sente trsite, bainhira autpr exekutivo husi governu Bloku koligasaun iha tinan ida ne’e, la iha kapasidade atu gasta osan ho montante U$ 212,8 nilloens, iha Fundu Infra-estrutura. 

 “Hau senti triste rona justifikasaun osan iha fundu infra-estrutura ne’ebe sei iha osan ho montante U$ 212,8 milloens ne’ebe la uza, uluk kuandu ami debate orsamentu 2012 ema hotu preokupa tanba fundu infra-estrutura ne’e bo’ot liu, maibe to’o ikus fundu ne’e rasik la uza, se laiha kapasidade halo planu, lalika husu osan barak husi barak, husik osan funan iha fundu petroliferu ne’eba,” II Vice Prezidenti Parlamentu Nasional Aderito Hugo hato’o lamentasaun ne’e bainhira hala’o audensia ho Ministra financas (MF) iha Parlamentu Nasional foin lalais. 

Aderito Hugo salienta liu tan katak, osan husi fundu infraestrutura ne’ebe la uza hamutuk U$ 212,8 milloens tau tan transferensia US$ 50 milloen, MF mai justifika simples kompara ho diskusaun orsamentu 2012 ne’ebe hat tempu narun no ema hotu preokupa. 

 Aat liu tan mak projeitu Tasi mane ne’e, la halo tuir projesaun ne’ebe tuir orsamentu 2012 no tuir informasaun katak, projeitu tasi mane ne’e, uluk Sekretariu estadu Rekursu Naturais mak projeta tiha hotu, maibe Ministeriu Obras Publiku no Ministeriu Infra-estrutura lakohi implementa, tanba sei dada malu hela, se mak sai owner ba projetu ne’e. 

 “Se ita lahatene duni projetu ne’e atu la’o, ita lalika obriga an projeta orsamentu ida, tanba se lae ita halo diskusaun naruk halo publiku mos preokupa, nu fin nia rejultadu laiha, tau tan osan U$ 212,8 milloens ne’e la uza, entaun ita lalika halo kole-an hasai osan ne’e bar-barak, husik nia funan iha fundu petroliu ne’eba,” tenik nia. Nune’e Aderito Hugo sujere, iha futuru Ministru sira lalika gava-an, husu osan boot tau ba ministeriu bainhira laiha kapasidade atu ezekuta. 

 Ba kestaun ne’e, tuir Deputadu husi bancada FRETILIN, Inacio Moreira hateten katak, se Ministeriu maka laiha kapasidade atu halo planu no ezekuta osan, diak liu husu osan oituan deit para to’o tinan ikus nia bele ezekuta, se lae husu osan barak tiha la hatene osan ne’e atu halo ba saida. 

.