Jornal Timor Post - Tersa - Feira, 15 Janeiru 2013
Sekretariu Estadu Kombatentes ba Libertasaun (SEKL) Meta Malik
hateten, dezenvolvimentu gastu osan maka’as laos mai husi ema seluk
maibe lista veteranus deit mak sai manipulasaun maka’as.
“Hau nia kolegas didiak de’it ne’ebe uluk assume pasta nuudar
koordenador sub reijaun, no adjuntu agora barak mak estraga
kredibilidade veteranus nian, naran veteranus agora sai rahun,” dehan
SEKL ba Timor Post, Sabadu (12/01) hafoin remata partisipa serimonia
juramentu mate restu 12 Novembru iha sede Suku Becora.
Nia hateten, iha mundu so advogadu deit mak iha kliente, maibe iha
Timor Leste, veteranus mos iha kliente hodi buka ema tama sai uma.
“Barak hanoin katak, ema balun mak bobar hodi halo veteranus ne’e sai
barak, maibe veteranus sira rasik mak sai bobar dor,” Meta-Malik
esplika.
Tanba ne’e, iha Atelari, SEKL hateten ba jeneral Lere Anan Timur
katak, 2013 kuandu harii ekipa mak la reforsa servisu komisaun
omenazen nian, nia husu ara veteranus iha F-FDTL tenki involve mos iha
ekipa refere.
“Hau husu veteranu sira iha F-FDTL tun ba hamutuk ho hau para bele
haree lisuk asuntu veteranus nian,” Meta Malik dehan.
Ne’eduni 2013 SEKL sei loke fila fali lista 2009 nian ne’ebe hetan ona
total husi 123 mil ba dadus veteranus ne’ebe mak seidauk loke.
“Hau la hatene sira atu simu osan hira mak iha laran,” dehan nia.
.
Sem comentários:
Enviar um comentário
Nota: só um membro deste blogue pode publicar um comentário.