Dr. Mari Alkatiri: “Filosofia Dom Bosco Nian Mak Eduka Joven Sira Atu Sai Ema Iha Sociedade Laran”

.

Jornal Timor Post - Sesta - Feira, 18 Janeiru 2013

Sr. Mari Alkatiri nudar ei-oratoriano Salesiano nian hatutan katak, Dom Bosco nia filojofia mak atu eduka jovem sira iha sistema edukasaun tomak hanesan iha parte displina, estudu no moral, no filosofia ne’e importante tebes tamba bele eduka joven sira atu hatene oinsa forma ka hanorin iha sosiedade nia laran.

Mari Alkatiri mos hatutan katak, uluk nia estuda iha eskola privadu ida maibe iha loron sexta ka sabadu maka nia ba vizita eskola salesiano iha balide, no objetivu mak atu aprende no hola parte iha organizasaun eskolante no joven sira nian, tanba eskola privadu refere iha ligasaun ho eskola salesiano.

Nia dehan tan, organizasaun ne’ebe nia partisipa mka organizasaun joventude, haree ba religaun, maske nia laiha relasaun ho religaun katolika nian, maibe nia hola parte nuudar estudante salesiano nian no nia rasik iha inisiativa atu aprende religaun katolika iha kongresaun salesiano, hanesan atu parende no iha konesemetnu balun kona ba biblia.

“Baseia ba observasaun mundial, kongresaun Salesiana nia esforsu mak atu eduka didiak joven sira, iha tempu uluk eskola iha Timor ne’e hahu ho misoes katolikas, misao boot liu mak salesiano ne’e, tanba ne’e make ma barak iha Timor hahu ho edukasaun salesiano no inklui mos husi hau nia jerasaun,” hatutan Mari Alkatiri.

Mari Alkatiri Hatutan tan katak, ohin loron dezafius boot ne’ebe mak eskola salesiano hasoru maka kompetisaun entre eskola seluk tanba agora iha mos eskola publiku ka forma husi estadu no iha tan kongresaun seluk-seluk.

 Nune’e, misaun importante Salesiano sira nian maka tenke mantein nafatin kualidade eskola salesiano nian. Agora ema halo kompetisaun bar-barak, tan ne’e eskola salesiano tenke tuir nafatin ninia Filozofia ne’ebe Don Bosco husik hela no mos nia hanorin tomak, hodi nunee bele lao ba oin ho matenek ho mos moral.

 “Atu mantein nafatin kualidade salesiano nian mak tenki displina barak, solidaridade, ajuda malu, estuda no buka atu sai ema ida ke diak, liu husi sosiedade nia laran, diak liu ne’e la’os matenek deit maibe buka atu ajuda no tulun ema seluk iha displina,” Mari Alkatiri hatutan.

.