Impaktu Funu Timor Oan Fahe Malu, Lere Husu Hercules keta Nega Aan

.

Suara Timor Lorosae - Tersa, 15 Janeiru 2013

DILI- Impaktu Funu durante tinan rua nulu resin hat iha Nasaun Timor Leste halo Povu iha rai laran fahe malu, balun hela iha timor no balun ba ema nia rai maibe timor oan iha nebe deit labele nega aan katak laos timor oan tamba nasaun sei kontinua sura timor oan atu hamutuk hodi dezemvolve nasaun. 

Tuir xefi Estadu Maijor General Falintil Forsa Defeza Timor Leste (F-FDTL) Maior General Lere Anan Timor katak, Hercules laos ema seluk maibe ema timor oan, tamba funu mak halo timor oan fahe malu balun ba ema nia rai no balun hela iha Timor. 

“Ita nia maun alin Herkules, hau kontente tebes wainhira indonesia prekupa ita nia maun alin sira nebe mak hela iha Indonesia, ita hare ita maun alin timor oan iha Indonesia barak susar, sira hanoin indoensia laprekupa sira nia moris prekupa,” dehan Lere Liu husi Konferensia Imprensa ba Jornalista Tersa (15/01) iha Kuartel Jeral F-FDTL Fatuhada. 

Nia parte rona naran Hercules hanesan Timor oan maibe lakoinese Hercules, Lere mos koinese genderais Indonesia sira nebe tempu funu tiru malu, iha tempu funu bele hasoru Indonesia, maibe atu hasoru timor oan mak labele ne’e mak sai kestaun nebe boot. Timotio Gusmão/Tomas Sanches

.