“RI Deskonfia Grupu Intresante Mak Kria Kazu Iha Naktuka”

 .

Jornal Independente - Kuarta - Feira, 16 Janeiru 2013 

Embaixador Republika Indoensia ba Timor-Leste, Primanto Hendrasmoro, deskonfia oknum balun mak kria kazu iha naktuka, Distritu Ambeno foin lalais hodi benefisia sira nia a’an. 

Tanba, tuir nia katak antes ne’e koperasaun bilateral entre TL no RI lao kondusivu, maibe Indonesia mos senti triste tebes ho kazu ne’ebe hamate lia nain Finsen Falo iha loron 31 fulan Dezembru 2012 no mos uma kain lubuk ida hetan estragus. 

“Ami mos senti triste tebes ba kazu ne’e, ita deskonfia kazu ne’e dala ruma iha oknum balun mak kria situasaun ne’e hodi benefisia sira nia a’an, maibe hau fiar PNTL mak sei deskobre lia loos iha kazu ne’e, liu husi sira nia investigasaun,” hateten embaixador Hendrasmoro ba Jornalista iha Embaixada Ondoensia, farol Dili, Tersa (15/01).

 Indoensia iha fiar metin katak, Problema iha lina Fronteira sei iha mudansa, maibe dehan embaixador ne’e depende ba governu rua atu oinsa bele serbisu hamutuk hodi halo sosializasaun ba povu rua iha area fronteira. 

 “Aban sei iha reuniaun Joint Border Committee ba dala rua iha bandung ne’ebe sei deskute problema tekniku fronteira ne’ebe seidauk rezolve, ita espera katak, ho reuniaun ne’ebe bel fo solusaun diak ba nasaun rua ne’e,” nia hateten. 

.