“Kadoras Mai TL Sei Hasoru Dezafius”

.

Jornal Timor Post - Kuarta - Feira, 16 Janeiru 2013 

Ministru Petroliu Alfredo Pires, Tersa (15/01), hasoru Primeiru Ministru Kay Rala xanana Gusmao hodi update negosiasaun atu dada kadoras mai Timor Leste. 

Hafoin inkontru, Alfredo Pires ba Jornalista sira hateten, maske hahu husi governu anterior halo esforsu maka’as atu dada kadoras mai Timor Leste, maibe to’o agora laiha rejultadu tanba hasoru dezafius hanesan rekursu umanus. 

Maibe, Pires dehan, dezafiu hirak ne’e la signifika katak estadu TL iha reseilus, tanba TL agora iha pozisaun halo estudu lubuk ida ne’ebe komprende area hirak ne’e no mos iha asistensia lubuk ida ne’ebe bele tama iha diskusaun iha nivel oi-oin. 

“Estadu Timor Leste estuda hela aspeitu hotu-hotu, tanba primeiru ita nia dalan loke ona, maibe agora ita haree aspeitu husi negativu no pozitivu no governu sei koalia hela ho governu Australia tuir buat ne’ebe estabelese ona,” Pires ba Jornalista sira iha palasiu Governu, Tersa (15/01). 

“Hau informa ba Primeiru Ministru katak, iha kada fulan ita koalia kona-ba asuntu greater sunrise iha nivel sunrise mition no mos joint mition,” nia esklarese. Realsiona ho akordu entre governu Timor Leste ho Australia, kona-ba negosiasaun kadoras mai TL ne’ebe sei remata iha 23 Fevereiru agora, tanba ne’e governu sei kontinua politika foun par abele kontinua hamoris fali Siemens. 

 “Iha 23 Fevereiru agora dalan loke ona governu Timor-Leste sei pronunsia buat ruma kona-ba Siemens tanba ita sei negosia hela ho Australia,” Pires Tenik. Kuandu governu TL la kontinua politika foun ruma, nia dehan, estadu TL sei lakon pursentu 50 (50%), nia esplika katak, ho ida ne’e maka governu sei tetu hela drows no const tanba akordu Siemens ne’e klaru pozisaun estadu TL iha faze negosiasaun hela. 

“Nu’udar ministru minarai hau sei proteje interese nasaun nian liu husi negosiasaun bele dada kadoras mai Timor-Leste,” nia promete. 

.