 |
| Mericio Akara |
Jornal Timor Post - Kinta - Feira, 17 Janeiru 2013
Ho fasilidade estadu ne’ebe deputadu sira simu ona hanesan laptop,
kareta Luxu no seluk an, aumenta kualidade servisu hodi defende
interese povu, tanba ne’e, proposta orsamentu Jeral Estadu (OJE) 2013
ne’ebe governu aprejenta, seputadu sira tenki halo debate ne’ebe
kritiku.
“Debate OJE ne’e maka Parlamentu Nasional haree katak la kondis ho
nesesidade povu nian, di’ak liu tenki trava, para nune’e bele aloka
fali ba parte seluk,” Mericio Akara ba Timor Post, Kuarta (16/01) iha
nia servisu fatin farol, Dili.
Tuir Diretor ejekutivu organizasaun naun Govermentais Luta Hamutuk
(LH) nee, debate OJE ba tinan ida ne’e laiha diferensa ho debate
tinan-tinan, maibe, importansia atu haree maka kontiudu husi debate
ne’e rasik.
Agora kestaun ne’ebe mak Luta Hamutuk foti maka perioridade sira ne’e
durante tinan 10 nunka haree ninia rezultadu, agora OJE 2013 hamutuk
1.797,50 milooens dollars Amerikanu tenki iha indikador ne’ebe forte.
Nia dehan, OJE ne’ebe governu foti husi fundus minarai ne’e para atu
investe iha seitor tolu mak hanesan, Kapital umanu, dezenvolvimentu
umanu, ekonomia no mos infraestrutura, maibe se seitor hirak ne’e mak
laiha rejultadu entaun fundus minarai saugate deit, ninia impaktu maka
seitor non ekonomia sei hasoru problema.
.
Sem comentários:
Enviar um comentário
Nota: só um membro deste blogue pode publicar um comentário.