Notisia Husi TVTL - Tersa-Kalan, 15 Janeiru 2013
Kuaze semana ida udan no mota tuun la para iha kapital Dili no mos iha
Distritu balun hodi estraga dalan Ponte no mos populasaun sira nia uma
ho ai-han iha to’os laran.
Estrada dirasaun Baucau no Distritu Lautem kotu tamba Ponte kiik ida
iha Seisal bee sobu.
Ponte kiik ida iha seisal distritu Baucau kotu ona iha loron 13 fulan
janeiru tinan ida ne’e, relasiona ba kestaun ne’e halo susar
populasaun sira ne’ebe hala’o viazen ho transporte publiku no mos
privadu liu husi dalan ne’eba.
Ponte kiik ne’e kotu tamba udan kuaze semana ida la para iha fatin
neeba, iha ponte ne’e, kareta kiik sei bele liu maibe kartea kameneta
ka kareta boot la bele liu ona tamba ponte ne’e besik monu remata.
Wainhira laiha atensaun orjenti, kareta kiik no motor mos sei labele
liu iha ponte ne’e, populasaun balun informa katak, aleinde udan
estraga ponte no estrada populasaun mos hetan susar tamba udan sobu
isra nia uma no mos ai han iha toos no natar.
.
Sem comentários:
Enviar um comentário
Nota: só um membro deste blogue pode publicar um comentário.