CPD-RDTL: “Ministru Justica Lalika Mehi Haruka Fila Fali Lei Rai Nian Ne’ebe Eis PR Jose Ramos Horta Kaduka Tiha Ona”

.

Notisia Husi TVTL - Sesta-Kalan, 12 Outubru 2012 

CPD-RDTL la konkorda ho planu Ministru da Justica Deonisio Babo atu haruka fila fali lei kaduka ne’ebe eis Prezidenti da Republika ne’ebe veta tiha ona, tamba la fo benefisu ba povu kiik sira. 

“CPD-RDTL FRETILIN Movimentu la konkorda planu Ministeriu Justica Senor Dionizio Babo atu haruka fila fali lei kaduka ne’ebe Prezidenti anterior Dr. Jose Ramos Horta Veta tiha ona, diak liu Ministru Justica halo lei foun hodi aprejenta ba Parlamentu Nasional no lalika mehi fali lei kaduka ne’ebe la fo benefisiu ba povu maubere nia moris diak, CPD-RDTL sei la rekoinesemos sertifikadu kolonial nian husi Governu Portugues no Indoensia sira nia ne’ebe husik hela, CPD-RDTL alerta ba autoridades kompotente RDTL nian atu fo atensaun ba membru PNTL balun ne’ebe servisu hamutuk fali ho mafiozu sira iha Tribunal hodi hasai ka hahalok pengusuran ba povu kiik sira, iha nia hela fatin, tanba dadaun ne’e estadu Timor rasik seidauk produs kona ba lei terras propriedades nian,” deklara Gil Alves. 

 CPD-RDTL mos husu ba Governu atu valoriza Direitu Povu kiik sira hodi hetan netik rai pedasku ida ba hela fatin.

.

Luiza Rezeita MJ Dionisio Babo Ninia Deklarasaun

.

Radio Liberdade - Thursday, 13 September 2012 -Written by Ekipa

Radio, online – Luiza da Costa nu’udar fen rezeita deklarasaun Ministru Justisa (MJ), Deonisio da Costa Babo Soares hanesan laen la baku nia fen, iha loron (5/9/2012) iha Gabinete Ministerio da Justisa to’o tama sala urjensia Hospital Nasional Guido Valadares (HNGV).

Hatan ba deklarasaun Dionisio Babo nian, Luiza da Costa liu husi karta resposta ba www.radioliberdadedili.com Kinta, (13/9) dehan katak, nu’udar fen oan sente moe, tamba hau (Luzia) nia laen hanesan ema bo’ot, servidor do estado wainhira la fo sai senora ne’e nia naran.

Karta resposta ne’e dehan, nudar fen (Luiza) deskonfia katak Deoniso Babo hanesan laen subar iha estado nia mahon no bele halo subar senhora seluk, ne’ebe la fo sai naran.

“Hau nu’udar feen iha direito husu tuir senhora ida nebe los, fo sai nia naran ba publiku tomak tamba hau nia laen ema bo’ot. Hau hakfodak oituan iha lororn 5/9/2012 kuarta feira foin lalais ne’e hau ho nia oan ho naran Melbem Emanuel da Costa Babo, (Sertidaun RDTL) ba visita nia aman, Deonisio Babo iha Gabineti Ministerio da Justisa tamba fulan haat nia laran nia la ba vizita nia feen ho oan,”dehan Luiza iha karta dekalarsaun ne’e..

Karta ne’e sita dehan, difikuldade barak mak mosu ba durante laen Dioniso Babo husik mak labarik moras, susu ben laiha, uma aluga ba aluga mai, la hela metin iha fatin ida no osan la iha. Ho difikuldades hirak ne’e obriga Luiza ho oan husi Dioniso Babo ba Gabinete Ministeiru da Justisa dia (5/9) tuku 12:45 otl.

Karta ne’e mos konta kronolojia ne’ebe mosu hodi obriga Luiza ba sala urjensia. “Iha momentu ne’eba hau nia laen simu hau no kous kedas ami nia oan, Melbem Babo. La kleur , Deinisio Babo hatete ba hau katak, hau simu deit ona, hau nia oan mane, e hau Deonisio la simu ona o fen Luiza. Hodi ne’e hau nervosu hasai (hadau) hau nia oan iha nia liman laran, (kous) ho nune’e mak nia Basa hau nia hirus matan, hau oian nakukun atu monu. Idepois hau kaer nia kamiza gola, e hau dehan ba nia o baku fali hau ga?,”dehan Luiza liu husi karta resposta.

Karta ne’e mos dehan, Deonisio Babo ho nervozu kumu liman hanesan ema atu halo tinju. Deonisio tuku Luiza la kona, konaba fali oan nia hirus matan.

“Hau hakilar makas, eskoltu nain tolu ho Deonisio hadau malu hau nia pasta monu tun ba rai namkari no hadau hau nia oan no sasan balun mak hanesan, kadiadu, kater (cutter) koa plastiku, tamba hau evakuasaun ba mai hela. Hau sente dadais la diak, hau ba besik sira nia meja hodi kaer metin hodi dada is, hau aguenta to’o Sekretaria nia sala, hau sente labele tiha ona,hau sai ba liur hodi tama hau nia kareta no hau dezmaia,”esplika karta ne’e.

Iha momentu neba, alin feto ida ne’ebe akompanha Luiza mak kous Melbem Babo. Tamba dezmaia eskoltu Dionisio Babo lori kedan HNGV hodi tama sala urjensia hodi tau ogsijenia.

Iha HNGV hetan vizita kedan advogado, Adelino da Silva husi Fundasaun Lialos ho Antonio Aitahan Matak.

Liu husi karta ne’e, Luiza da Costa husu ba Dionisio Babo hanesan laen atu fila fali ba nia ona no fen. Tamba tuir kultura, Igreja no lei estado la fo fatin no laiha razaun atu husik feen ho oan.

Karta ne’e hodi responde, deklarasaun Dionisio Babo ne’ebe publika iha media imprimi hanesan Timor Post, Independente, Jornal Nasional Diario no STL iha Tersa, (11/9) foin lalais ne’e dehan, rejeita totalmente notisia ne’ebé www.radioliberdadedili.com online no iha blogos no media eletronik nebe sirkula iha Dili no rai liur durante loron ha’at ka lima liu ba nebe alega no akuza katak nia halo agresaun fisika hasoru senhora feto ida iha Gabinete Ministru Justisa ( MJ) iha loron 5 Setembru 2012

“Hau rejeita total mente notisia ka alegasaun ne'ebe iha indikasaun halo akuzasoens falsu no tenta defama pesoál nu’udar Humanu no membru governu husi V Governo Konstitusiaonal,”dehan MJ Dionisio Babo ba jornalista.

Dionisio hateten katak nunka halo violasaun ka agresaun hasoru kualker ema ida inkliu senora Feto nebe refere nudar humanu Dionisio Babo sempre fo valor se -se deit, liu liu ba inan feto tanes aas respeitu feto maluk sira nia diretu no promove egualidade Jeneru iha nebe deit. Deklara Deonisio

Durante ne’e Radio Liberdade tenta dala barak ona atu hasoru Ministru Babo, maibe nia laiha tempu atu fo klarifikasaun.

www.radioliberdadedili.com mós koko telephone no sms nia hodi fo hak “jawab” ba nia, maibe nia dehan sei halo enkontru iha loron 7 Septembru. www.radioliberdadedili.com mos ba direitamente atu hasoru MJ Babo liu husi priense karta audensia iha sekretaria gabinete MJ, maibe to’o agora laiha resposta.

Iha loron 11-9-2012 Jornal STL, diaria Nasional, Timor Post no INDEPENDENTE, fo sai ba publiku kona-ba deklarasaun Ministru Justisa Deonisio Babo. ( Ekipa www.radioliberdadedili.com).

.

Agresaun Fizika Ba Lusia: "Babo Husu Investigasaun"

.

Jornal Timor Post - Tersa-feira, 11 Setembru 2012

Ministru Justisa (MJ), Deonisio Babo husu ba orgaun kompotente sira atu halo investigasaun ba nia an rasik kona ba akuzasaun katak, nia halo agresaun fizika hasoru Lusia Morais iha nia Gabinete, iha loron 5 Setembru foin lalais.

Babo rejeita total rumoris iha Facebook no notisia iha blog no media elektronika, ne'ebe sirkula iha Dili no iha rai liur durante loron hirak liu-ba.

Ba Timor Post, Segunda (10/9), Babo liu husi karta klarifikasaun afirma, nia nunka halo violensia ka agresaun hasoru kualker ema ida inklui Lusia.

Tanba ne'e, nia hateten, investigasaun ne'ebe nia husu atu proteje nia dignidade umanu no nuudar membru kintu Governu konstitusional.

Antes ne'e, http://radioliberdadedili.com fo sai katak, Babo baku Lusia iha edifisiu Ministeriu Justisa, no tenki obriga Lusia tama iha sala Urjensia, Hospital Nasional Guido Valadares (HNGV).

Blogu neé mos informa, iha momentu neéba eskoltu Ministru Babo nian rasik mak lori Lusia ba HNGV.

Kona-ba kronologia akontesementu, wainhira Timor Post husu ba Babo, nia hatan, nia hein deit investigasaun mak sei haktuir lia loos, no nia husu atu halo investigasaun ba parte kompotente tenke halo duni investigasaun maske vitima rasik la hato'o keixa.

Entertantu, to'o notisia ne'e publika, Timor Post seidauk konsege halo konfirmasaun ho Lusia Morais tanba laiha lina kontaktus.

Relacionado:"Ministru Justisa Baku Ninia Feen Tama Sala Urjensia"

"MINISTRO DA JUSTIÇA BATE NA MULHER E ELA VAI PARAR AO BANCO DE URGÊNCIA"

.

MINISTRO DA JUSTIÇA BATE NA MULHER E ELA VAI PARAR AO BANCO DE URGÊNCIA

.

Radio Liberdade - 6 de setembro de 2012 - Escrito por Albérico Júnior - Tradução de Timor Hau Nian Doben

Rádio online - O ministro da Justiça, Dionísio Soares Babo, bateu ontem na sua mulher, Luísa Morais, no edifício do Ministério da Justiça. O resultado desta agressão do ministro da Justiça foi o de mandar a sua mulher para o banco de urgência do Hospital Nacional Guido Valadares (HNGV).

O segurança do ministro Dionísio teve de levar a Luísa para o Hospital Nacional Guido Valadares, porque ela desmaiou depois de ter sido agredida, disse a amiga da vítima, Augusta Amaral.

"Eu estava lá naquele momento, a Luísa entrou com o filho pequeno deles e foi encontrar-se com o seu marido para falar mas, de repente o segurança de Dionísio traz a vítima desmaiada", disse ela.

" Naquele momento eu acompanhei a Luísa, mas eu fiquei apenas fora. Não muito depois, eles começaram a discutir entre si e eu pensei que se calhar havia já problemas", explicou Augusta.

Esta colega da Luísa disse também que, quando ele estava a bater na vítima, Dionísio também veio para fora para discutir com ela em relação a este caso.

Por outro lado, António Aitahan Matak, que também estava presente na sala de urgências do HNGV disse que, isto é um grande erro porque como ministro da Justiça ele tem de buscar um meio pacífico para resolver este caso, e não usar a violência.

Aitahan Matak explicou que, os casos de agressão física são categorizados como crimes, e por isso têm de ser resolvidos de acordo com a lei.

" Isto é um grande erro e é um caso criminal e tem de ser resolvido de acordo com a justiça", disse ele.

De acordo com informações dos familiares da vítima, Luísa foi encontrar-se com o seu marido porque há já muitos meses que ele abandonou a mulher e o filho, sem razões compreensíveis.

Até à publicação desta notícia a Radioliberdadedili.com tentou confirmar este caso com o ministro da Justiça, através de vários meios, contudo, não foi possível o encontrar.

Nota: VERGONHA,"SENHOR" MINISTRO, VERGONHA!

,

Ministru Justisa Baku Ninia Feen Tama Sala Urjensia

.

Radio Liberdade - Thursday, 06 September 2012 - Written by Alberico Junior

Radio, online – Ministru Justisa, Dionisio Soares Babo baku ninia feen, Luisa Morais iha edifisu Ministeriu Justisa nian, horseik (5/9) maizu menus oras 12:45 liu. Husi agresaun Ministru Justisa ne’e, tenki obriga ninia feen tama iha sala Urjensia, Hospital Nasional Guido Valadares (HNGV).

Ministru Dionisio ninia eskolto tenke lori Luisa ba Hospital Nasionál Guido Valadares (HNGV) tamba dezmaia hafoin hetan baku, vitima ninia kolega, Agusta Amaral hateten.

Momentu ne’e hau iha ne’ebá, Luisa tama ba ho sira nia oan ki’ik ne’e atu hasoru nia laen hodi koalia, maibe derepente Dionisio nia eskoltu lori sai vitima ho kondisaun dezmaia, dehan nia.

“Ha’u iha tempu ne’ebá akompaina hela Mana Luisa, maibe ha’u liur deit. Depois la kleur tan sira haksesu malu no ha’u senti karik iha problema ona,” Agusta esplika.

Luisa ninia kolega ne’e mós haktuir katak, bainhira baku vitima Dionisio mós sai mai liur hodi haksesuk malu ho nia kona-ba kazu baku ne’e.

Iha sorin seluk, Antonio Aitahan Matak ne’ebé mós marka prezensa iha sala urjensia HNGV ne’e hateten, ne’e sala boot tamba nu’udar ministru justisa nia tenke buka dalan pasifiku hodi rezolve kazu ne’e laos uza fali violensia.

Aitahan Matan esplika, kazu agresaun fiziku ne’e kategoriza hanesan kazu krimi tamba ne’e tenke rezolve tuir dalan legal.

“Ne’e sala boot no ne’e tama ona ba iha kazu krimi no tenke rezolve liu husi dalan justisa nia,” nia heteten.

Tuir informasaun husi familia vitima katak, Luisa ba atu hasoru ninia laen tamba kuaze besik fulan barak ona nia abandona hela nia feen ho oan ho razaun la klaru.

To'o notisias ne'e hatutn, Radioliberdadedili.com tenta halo konfirmasaun kazu ne’e husi Ministru Justisa, liu husi meus oioin maibe la hetan.

Relacionado:  THE "SINS" OF THE TIMORESE HEALTH MINISTER - IS SERGIO LOBO FIT TO BE IN CHARGE OF THIS PORTFOLIO?

.