Fretilin akuza Prezidente timoroan tenta "fahe hodi ukun"

.

Sapo.tl ho Lusa

Komité Sentrál Fretilin, partidu daruak  timoroan, iha ohin  akuza xefe Estadu, Taur Matan Ruak, kria "instabilidade polítika" no hakarak "fahe hodi ukun" ho deklarasaun ne’ebé halo iha Parlamentu Nasionál semana kotuk.

"Ho señór Prezidente nia prezensa iha Parlamentu Nasionál hein katak iha intervensaun ida prolongadu no esklaresedór  kona-ba ezonerasau ba  jenerál Lera Anan Timur [chefe das forças de Defesa], ne’ebé desizaun hos nia. Ida ne’e maka hotu-hotu hein ", hatete iha ohin hosi  prezidente Fretilin (Frente Revolucionária de Timor-Leste Independente), Francisco Guterres Lu-Olo.

"Laós ida ne’e maka  akontese. Hanesan , ita hatene iha fali tentativa atu desviu atensaun ba  asuntu seluk. Hanesan estratéjia diversaun ida hodi evita ninia  responsabilidade konstitusionál", nia afirma.

Iha  konferénsia imprensa, ne’ebé fó sai liuhosi komunikadu  Komité Sentrál partidu,Lu-Olo, ne’ebé sai primeiru prezidente iha Parlamentu Nasionál, konsidera katak  diskursu xefe Estadu hanesan " tentativa ba instabilidade polítika" ne’ebé  " ninia finalidade imediatu no médiu prazu hakarak fahe hodi ukun".

Kinta-feira, xefe Estadu kritika, iha Parlamentu Nasionál, lider timoroan sira hanesan Xanana Gusmão (à frente do Congresso Nacional para a Reconstrução de Timor-Leste, CNRT), Lu-Olo no Mari Alkatiri, hosi Fretilin, hodi kestiona maka’as kona-ba aprosimasaun entre forsa polítika rua ne’e.

"Apelu ba señor Prezidente: labele hafahe. Hanesan xefe Estadu dignu ho responsabilidade tomak", afirma Lu-Olo iha ohin.

Timor-Leste moris iha tensaun polítika ba desizaun Prezidente Repúblika nian koba-ba komando forsa Defeza (F-FDTL), ne’ebé latuir proposta Governu nian, maka defende renovasaun ba iha mandatu.

Xefe Estadu deside ezonera Xefe Estadu-Maior Jenerál Forsa Armada (CEMGFA), major-jenerál Lere Anan Timur, no nomea nia susesór brigadeiru-jenerál Filomeno da Paixão de Jesus.

Nia manifesta " totál ninia diskordánsia no insatisfasaun" hosi diskursu Taur Matan Ruak, rokorda líder Fretilin iha ohin katak xefe Estadu hanesan "símbolu ba unidade nasionál no laós elementu jeradór ba instabilidade polítika  ne’ebé bele iha konsekuénsia nível nasionál".

Lu-Olo insiste katak unanimidade iha tinan sira ikus ne’e  entre forsa ho reprezentasaun parlamentar hakarak "trava osan ne’eb’e gasta arbiru deit(...) no laós atu hetan  priviléjiu", hanesan akuzasaun  Taur Matan Ruak nian.

"Bele nota katak relasionamentu  di’ak  entre partidu  boot rua ne’e , hanesan moos nia  líder sira, iha signifikativu tebes maibé señor Prezidente koko atu harahun ", hatete Lu-Olo.

Iha nia intervensaun, Lu-Olo kestiona karik  Prezidente Repúblika " hakarak kria krize institusionál ida  entre partidu boot rua" Timor-Leste nian ka " halo baralla tiha ema seluk nian uma laran hodi lalika haree ba nia uma rasik ka partidu", halo  referénsia ba possibilidade Taur Matan Ruak ne’ebé atu kandidata-an iha eleisaun lejislativa 2017.

" Objetivu  señor Prezidente nian hira? señor Prezidente maka iha konsiénsia ba sala ne’ebé nia halo?", nia kestiona.

Lu-Olo hatutan tan katak  nia partidu seidauk  deside, hafoin mandatu Prezidente termina, maka hakotu ho imunidade kompara ho  goza, sei haree atu avansa ka la’e keixa kontra Taur Matan Ruak.

" Prezidente Repúblika iha imunidade maibé laadmite ema ruma haksumik-an iha  imunidade hodi  insulta ema ",nia hatutan.

"Ida ne’e laós diskursu no menus liu mensajen xefe Estadu ida ba nasaun. Prezidente Repúblika falla iha oportunidade ida no uza fatin ida inapropriadu hodi halo  mensajen polítika ida a favor ba nia  partidu rasik ", nia afirma.

SAPO TL ho Lusa

Nota: Bele lee mos:"Maun Lu  hananu fali FRETILIN muzika tuan:Fahe Hodi Ukun"

.

Austrália lakohi negosia fronteira marítima ho Timor-Leste

.

Sapo.tl ho Lusa

Governu australianu lakohi halo negosia ho Timor-Leste kona-ba fronteira tasi no insiste katak atuál akordu atu fahe rekursu iha Tasi Timór nian ne’e kumpri ona obrigasaun internasionál, hatete ohin hosi primeiru-ministru Rui Maria de Araújo.

Rui Maria Araújo informa ba Lusa katak pozisaun ida ne’ebé maka nia omólogu australianu, Malcolm Turnbull, transmite liuhosi karta ba iha resposta hosi pedidu timoroan nian atu hahú halo negosiasaun.

"Ho forma ida jenérika, bele halo negosiasaun maibé laós kona-ba fronteira tasi. Hatete katak atu halo negosiasaun ho forma jenérika, kona-ba asuntu bilaterál", nia esplika ba Lusa.

"Maibé mantein nafatin pozisaun kona-ba fahe rekursu sira, maka halo tiha ona liuhosi CMATS [Tratado sobre Determinados Ajustes Marítimos no Mar de Timor], ne’e hanesan kumpre ona direitu internasionál", nia hatutan.

CMATS hetan assinatura entre Díli no Camberra, maibé Timor-Leste deklara inválidu tamba atividade espionajen hosi parte Austrália nian.

Akordu ne’e prevé katak 'royalties' no reseita seluk iha zona abranjida, inklui riku kampu gás naturál Greater Sunrise, tenki fahe ho hanesan entre nasaun rua. Karik fronteira tasi nia defini ona , kampo ne’e bele hela totalmente iha bee timoreoan nian.

Xefe Governu hakerek ona ba ninia omólogu australianu atu afirma hikas pozisaun timor-oan nian no konvida Austrália hala’o hikas negosiasaun kona-ba delimitasaun hosi fronteira.

Maski ho pozisaun Austrália nian, maibé Rui Araújo "fi’ar", Timor-Leste sei "tenta uza meiu hothotu" hodi lori Kambera "ba meza negosiasaun nian".

Rui Araújo ko’alia lia hirak ne’e ba Lusa bainhira halo aprezentasaun ba pájina foun ida hosi Gabinete Fronteira Marítima, ne’ebé Governu kria hodi akompaña negosiasaun ho Austrália kona-ba fronteira iha parte sul Timor-Leste, hanesan prosesu ida ne’ebé ninia negosiadór prinsipál maka Xanana Gusmão, atuál ministru ba Planeamentu no Investimentu Estratéjiku nomós eis-primeiru.

Bainhira iha diskursu aprezentasaun, Rui Araújo dehan katak halo delimitasaun ba fronteira maritime Timor-Leste ho ninia nasaun viziñu rua Austrália ho Indonézia, laó objetivu atu fahe rekursu ba malu.

"Ami ko’alia kona-ba rekursu hirak ne’ebé defini ona no parte idaidak ho ninia rekursu. Ida ne’e tenke klaru", nia dehan.

"Halo delimitasaun la’os atu fahe rekursu. Ida ne’e la’os problema. Problema maka soberania ida", hatutan tan, no duun Austrália hakarak atu Timor-Leste fahe rekursu ne’ebé iha.

Governu konsidera kestaun ne’e hanesan “prioridade nasionál”, tenik Rui Maria Araújo, no esplika iha pájina 'web', ho lian tétum, portugés no inglés, atu nune’e bele fó sai informasaun kona-ba prosesu negosiál ne’ebé bot ka barak.

"Ita presija defini kestaun ne’e hodi kompleta ita-ninia soberania, faze daruak no ikus hosi luta ba libertasaun Timor-Leste", nia dehan.

Xefe Governu hatutan tan katak Timor-Leste kontinua serbisu ba dezevolvimentu ekonómika, nu’udar “Estadu frájil ida” ne’ebé luta ho difikuldade ekonómika iha rai-laran, tanba ida laiha maka sei labele afirma kona-ba soberania marítima.

"Ladefini fronteira, maka sei iha inserteza ba ita-ninia soberania. Inserteza ne’e maka kria problema ba iha kestaun oioin: seguransa, imigrasaun, peska no uza rekursu marítima nian", nia dehan.

Pájina 'web' ne’ebé lansa ohin, fó sai informasaun istórika nomós kona-ba lei internasionál ne’ebé relevante, mapa no dadus sira seluk.

Xanana Gusmão lansa ofisialmente portál, no simbolikamente publika mensajen iha pájina gabinete nian ba iha Facebook.

.

FRETILIN TENKI PARA “SONA” EMA IHA FACEBOOK

.

Foto:GPM

Kai Buti

Ita hotu hatene katak ita nia rai doben ohin loron infrenta problema politiku ida, ne’ebe hau mai husu ba lider Fretilin sira hodi tur hakmatek no tenta rezolve situasaun ida ne’e ho ulun malirin no ho sentidu Estado, tau aas liu  nasaun no povu nia intrese boot invez de tau aas liu imi nia intrese politiku ka partidariu.

Saida lolos ke Sr. Prezidente ba hatoo iha Parlamentu, tuir hau nia haree laos buat ida  atu estraga ita nia nasaun, hau sei hanoin katak liafuan Chefe Estadu nian bele sai hanesan reflesaun ida ba ita hotu nomos halo ita hader ba problema sira ke ita nia nasaun doben infrenta.

Problema nepotismu ke Sr. Prezidente koalia laos foin mak ita hatene, ita ba deit ba blogue Fretilin media nian no ita bele haree katak dala barak partidu ida ne’e mos hatoo preokupasaun ida ne’e ba ita hotu.

Ezemplu ida diak atu ita analiza mak ida ne’e no laos tuan, akontese iha tinan 2015 no bele foti deskonfiansa boot iha povu nia leet. Haree dokumentu iha kraik: Nilton Gusmão, Xanana ninia sobrinhu simu kontratu ida hosi Governu maibe OJE seidauk hetan aprovasaun, invez de ataka Prezidente da Repúblika, tanba sa PN no Governu la ba investiga alegasaun ida ne’e.

.

Iha Gabinete Primeiru Ministru iha mos alegasaun katak iha pratika Nepotismu no foin hetan investigasaun. Imi labele hanoin deit katak Prezidente imi nia notário ka imi nia “Yes, man”, Taur Matan Ruak iha obrigasaun hodi tau matan ba hahalok iha orgaun soberania nian, tuir ita nia Konstituisaun ida ne’e sai hanesan dever Prezidente nian. Karik Taur haree imi la’o sala no la halo buat ida, ida ne’e mak violasaun grave ba ninia knaar.

Rui Araújo mos sala ona, bainhira Sr. Prezidente hatoo ninia preokupasaun kona ba kontratos ba Xanana no Mari Alkatiri nia familia sira simu, nia husu deit “Hakarak investiga”, ida ne’e nia la kumpri ona ninia obrigasaun hanesan Chefe de Governu, laos Prezidente mak tenki investiga, tanba Rui “Primus Inter Pares”, nia iha dever atu loke kedas investigasaun ida ba preokupasaun Prezidente nian. Lolos se mak la halo ninia knaar iha asuntu ida ne’e? Tanba sa Rui Araújo la loke kedas investigasaun ida? Lei klaru kedas katak familiares husi ukun nain sira labele hetan benefisiu hosi kontratus Governu nian.Lolos iha ita nia rai lei ida ne’e la kumpri, ukun nain sira tebe tun sai lei no uza deit ba sira ninia benefisiu rasik.

Rui Araújo bainhira simu pose nia dehan katak hakarak Governu ida transparente no toleransia zero ba korupsaun, entaun to’o ona tempu hodi investiga ema ke deskonfia uza  osan Estadu nian hodi hetan privilégios ba sira nia aan rasik. Ida ne’e mak transparência, soe rai rahun ba povu nia matan laos transparensia, ne’e ita bolu lohi  povu, kometi krimi hasoru Estadu no la kumpre ninia juramentu bainhira toma posse.

Taur Matan Ruak hili fatin ida diak tebes hodi hatoo ninia preokupasaun sira, Parlamentu Nasional, ida ne’e mak “povu nia uma” tanba deputadus sira ke tur iha ne’eba sira povu nia reprezentante, sira tenki servisu ba povu, la’os halo servisu ba A, B, C. Karik sira la halo sira nia knaar, to’o ona tempu hodi dissolve Parlamentu no konvoka eleisaun foun. Parlamentu laos fatin hodi halo politika ho interese privadu, fatin ida ne’e tuir Konstituisaun,  deputadus sira tenki servisu hodi tane aas povu nia intrese. Maibe ida ne’e sai mehi deit ba povu, tanba seidauk akontese.

Sr. Prezidente la hili media hosi rai liur hodi hatoo ninia preokupasaun ka “fase ita nia roupa foer” hanesan Mari Alkatiti halo iha tinan balun liu ba. Taur la hili Facebook hodi hatoo ninia preokupasaun ba povu nomos ukun nain sira. Ida ne’e mak diferensa entre líder ida no oportunista sira.Taur Estadista duni.

Hau haree saida mak Mari Alkatiri nia oan hakerek iha Facebook no hau tenke louva duni mane ida ne’e tanba nia mai defende ninia aman, ne’e la sala, tanba karik ema ida ataka hau nia oan sira nia aman, sira mos ba defende nafatin sira nia aman, ida ne’e obrigasaum hosi oan ida. Hau nia oan mane karik imi koalia aat nia inan, kuidadu nia besik sinturaun metan iha jiu jitsu, no hau lakohi nein hanoin saida mak nia ba halo. ;)

.

Maibe reasaun hosi ita nia primeiru-ministru Rui Araújo hanesan Chefe de Governu tuir hau nia hanoin mak sala boot ida. Deklarasaun ne’e tanba reaje iha Luke nia artigu ne’ebe ita bele hanoin katak koalia kona ba ita nia Prezidente. Rui bolu lolos se caluniador (ema ke hatoo lia bosok), se mak iha raiva (hirus boot) iha ninia fuan? Tanba sa mak mai sona ema ho liafuan ida ne’e? Prezidente mak ema caluniador no iha raiva iha ninia fuan? Ida ne’e Rui Araújo sala kedas, ema ke funu tinan 24 no la simu osan nein ida hosi Estadu Timor labele iha raiva iha ninia fuan, tenki iha deit domin BOOT tebes ba ninia povu nomos ba ita nia nasaun. Lalika mai ho propaganda baratu ida ne’e tanba ita povu hatene ona se mak hadomi povu no se mak uza povu nia naran hodi hetan kadeira no hatudo oin maibe servisu ba povu mak zero! Hanesan primeiru-ministru diak liu ba servisu ba povu duke sona iha Facebook hodi hetan povu nia simpatia…

Dr. Mari hau senti katak nia mos iha direitu atu defende ninia aan, maibe diak liu ba fatin próprio lalika tun sae hakerek iha Facebook tanba Mari laos ema kualker, nia mos lider importante hosi ita nia nasaun no laos diak hodi hatoo liafuan hanesan ema dezesperadu iha rede sosial ida ne’e.

.

“TIMOR-LESTE. JÁ NÃO SERÁ NUNCA MAIS VITIMA DOS FALSOS MESSIAS. DAQUELES QUE PROCURAM CHEGAR AO PODER A GOLPE DE MARRETA OU COM JOGO DE CINTURA . CABIDES JÁ PERDERAM. BENGALAS JAMAIS TERÃO. A LUTA CONTINUA.” - Mari Alkatiri, Facebook.

Se mak falsu Messia Dr. Alkatiri? Se mak hakarak halo golpe hodi hetan poder? Taur ba halo povu terus dala ida tan, tanba hakarak hetan poder? Ai, Dr. Alkatiri!? Ida ne’e mak la loos ona. Senhor ne’e funu tinan 24, terus la halimar hodi ita ohin loron sai nasaun independente, oinsa nia ba halo golpe ida hodi hetan poder no halo povu ke nia hadomi terus tan? Hau la fiar ida ne'e, la fiar liu! Hau husu ba Dr. Alkatiri: Bainhira hakerek “Já não será nunca mais...”, entaun ita-boot akuza ema ida iha pasadu halo golpe ida hodi hetan poder no halo povu sai vítima? Se lolos mak asalta poder no halo povu sai vitima? Hau lalika hatan ba pergunta ida ne’e ita ba deit tinan balu ba kotuk haree Mari Alkatiri ninia deklarasaun sira ba ita hotu hatene se....Maibe amnésia mak sai problema boot ida…

Fretilin ataka beibeik Taur Matan Ruak, maibe “o feitiço vira contra o feiticeiro” no invez de hatun Taur, sira nafatin hatun sira nia aan rasik. Hahu kedas iha 2011 bainhira Prezidenti hasai ninia kandidatura, sira mos uza Facebook hodi ataka tun sae, sira dehan katak Timor atu sai ditadura karik Taur sai Prezidente, katak la kumpre lei tanba hatais farda, tanba Taur atu sai Xanana nia boneka no ba halo deit tuir Xanana nia hakarak.

Maibe hotu-hotu la akontese, Taur la sai Xanana nia boneka, Taur la sai ema ditador. Taur sai ema ida ke tane aas tebes demokrasia no ami iha blog ida ne’e mak sai sasin ida ke boot, bainhira ami ataka makaas Sr. Prezidente, nia ignora ami deit, nia la tau polisia ba investiga ami, nia la amiasa ami, nia la amiasa atu taka media online hanesan Rui Araújo nia governu amiasa fulan balun liu ba.

Afinal de kontas se mak Xanana nia boneka, afinal de kontas se mak alerjia ba kritikas no hakarak instaura rejime ditadura iha Timor-Leste? Hmmmmmm…
.

PR Taur fakar frakeza Governu, PN loke ibun

.

Jornal Nacional Diário

Prezidenti Repúblika (PR) Taur Matan Ruak, Kinta (25/02) horseik, lekar frakeza Governu nian ne’ebé durante ne’e Governu komete hodi halo dezenvolvimentu dollar iha fatin, no povu kontinua sai vítima.

“Enkuantu ita esbanza osan, MDG iha tinan 2012 kuandu ha’u vizita Aileu, ha’u haree MDG ladi’ak, ha’u ko’alia ho maun Xanana, maun projetu ida ne’e ladi’ak, nia dehan di’ak, maibé ohin hanesan kankru ida, gasta milloens para nada,” katak Taur Matan Ruak bainhira hetan oportunidade husi Parlamentu Nasionál (PN) hodi esplika ninia desizaun hodi ezonera Jeneral Lere Anan Timor.

Xefi Estadu ne’e kontinua lamenta katak, Portu Hera halo iha tempu nia sei Jeneral, Estadu gasta US$ 9 milloens, seida’uk inaugura, monu tuun tasi laran iha soldadu sira nia oin.

“Soldadu matanben monu nia dehan, tanba saida mak osan ne’e la fó mai ha’u, tenke hakoi ba tasi laran?,” katak Taur Matan Ruak.

Xefi Estadu ne’e afirma katak, iha eskola balun, profesores partilla sala, professor ho nia ferik oan toba iha sorin, hanorin labarik sira iha sala sorin, iha fatin seluk, professor sira fila sintina sai sira nia eskritóriu, no 45 alunus tuur hamutuk iha sala ida.

Taur Matan Ruak esklarese, iha Timor Leste (TL) agora ne’e, opozisaun laiha, Prezidenti Repúblika mak sai fali opozisaun.

“Iha Agostu 2015, ha’u hasoru kongretista Amerikana sira no sira husu, Prezidenti, demokrasia iha Timor Leste funsiona oinsa, sé laiha opozisaun. Ha’u nia resposta ba sira, Timor iha dalan rua de’it, ida mak demokrasia klasiku maioria no minoria, no ida reforsu koezaun polítika no sosial, hetan estabilidade, para dezenvolve Timor,” relata Taur Matan Ruak.

Taur Matan Ruak dehan, TL hili ida ne’e, tanba demokrasia la’os fin, maibé demokrasia meiu. Prinsípiu baze demokrasia nian, iha konfiansa, i konfiansa asenta iha dalan atu rona ema seluk.

Karik dalan laiha, demokrasia mós labele funsiona, no konfiansa laiha, demokrasia mós labele funsiona.

Taur Matan Ruak fundamenta katak, nia labele sai pozisaun ida i rekonsiliada, maibé atu ultrapasa problema sira ho hanoin ida de’it, TL tenke ba oin.cos

.

Xanana Gusmão fó fali medalla ne'ebé nia simu hosi PR timoroan iha 2015

.

Sapo ho Lusa

Eis-primeiru-ministru timoroan Xanana Gusmão fó fali, iha loron-sesta ne'e, kondekorasaun ne'ebé nia simu iha loron 20 Maiu iha tinan liubá hosi xefe Estadu, laran-triste ho komentáriu sira ne'ebé prezidente halo iha Parlamentu iha loron-kinta ne'e.

"Kondekorasaun entrega ona iha serbisu sira korespondénsia nian iha Palásiu Prezidénsia Repúblika nian iha tuku 14:30 iha loron-sesta ne'e", konfirma ona ba Lusa hosi gabinete Xanana Gusmão nian ne'ebé agora hanesan ministru hosi Planeamentu no Investimentu Estratéjiku.

Fonte hanesan konfirma ona katak kondekorasaun akompaña ho karta ida ne'ebé Xanana Gusmão esplika motivu devolusaun nian, ne'ebé akontese liutiha oras 24 hafoin intervensaun polémiku ida hosi xefe Estadu timoroan, Taur Matan Ruak, iha parlamentu.

Prezidente kompara ona benefísiu sira ne'ebé dirijente sira nasaun nian hanesan Xanana Gusmão no sekretáriu-jerál Fretilin nian, Mari Alkatiri, fó nafatin ba "família no belun sira" ho hahalok sira hosi eis-ditadór indonéziu Suharto.

"Hahú tinan 2013, Xanana Gusmão, Mari Alkatiri, Lu-Olo [Francisco Guterres, prezidente Fretilin nian] uza unanimidade hodi halo sá? Sira la uza unanimidade no entendimentu hodi rezolve asuntu sira ne'ebé tenki rezolve. Sira uza ba poder no priviléjiu", hatete hosi xefe Estadu.

Iha karta ne'ebé haruka ba xefe Uma Sivil, no ne'ebé Lusa iha asesu, Xanana Gusmão esplika ona katak fó fali medalla tanba konsidera hanesan nia la merese, husu atu entrega ba ema sira ne'ebé merese liu.

"Ha'u Xanana Gusmão hakarak informa eselénsia xefe Uma Sivil katak ha'u la'ós veteranu. Tanba ha'u la halo prosedimentu hosi Lei Kombatente sira hosi Libertasaun Nasionál. Bele konsidera de'it veteranu sira ema ne'ebé rejista ona no nune'e hetan benefísiu sira ne'ebé lei hatete", nia hatete.

"To'o agora ha'u seidauk senti katak ha'u merese no nune'e ha'u labele konsidera aan nu'udar veteranu", Xanana Gusmão hatete senti nervozu oituan hosi desizaun ba medalla ne'e sai hanesan konferidu.

Ministru timoroan hatete katak senti "obrigadu" hosi ema barak hodi simu kondekorasaun maibé nia senti "inkomodadu" tanba simu medalla.

"Nune'e ha'u hakarak informa eselénsia katak, ho laran humilde ha'u husu atu aseita devolusaun ba medalla ne'e hodi bele entrega ba ema sira seluk ne'ebé merese liu", nia esplika.

"Ha'u despede no husu deskulpa tanba interfere iha ita nia serbisu", hakotu hosi eis-primeiru-ministru.

Iha loron-sesta ne'e Xanana Gusmão, iha intervensaun ida iha Fórum Ekonómiku Globál dahuluk CPLP nian, halo ona referénsia ba diskursu ne'e maibé la temi diretamente.

"Iha tinan 10 liubá, tinan 2006, ema hatete katak Timor-Leste hanesan nasaun falladu. Ha'u fiar katak señór sira hatene kona-bá dezenvolvimentu hosi polítika interna atuál nasaun nian", hatete hosi atuál ministru ba Planeamentu no Investimentu Estratéjiku timoroan nian.

"Ha'u hakarak garanti katak ne'e la'ós hanesan ba daruak ma komunidade internasionál sei bolu ami hanesan Estadu falladu ka posibilidade ba Estadu falladu", nia hatutan.

Iha nia komentáriu públiku dahuluk kona-bá deklarasaun sira, Xanana Gusmão ko'alia ona ba emprezáriu sira ne'ebé marka prezensa iha Díli, hodi halo ironia ho deklarasaun sira hosi Prezidente Repúblika nian.

"Ha'u nia esperiénsia úniku ho ekonomia maka fó kontratu ba ha0u nia família sira. Profisaun ida ne'ebé agora koñesidu", nia hatete.

Xanana Gusmão simu kondekorasaun hosi Taur Matan Ruak iha loron 20 Agostu tinan liubá "tanba nia lideransa estraordináriu iha luta ba libertasaun nasionál", iha momentu ne'ebé selebra tinan 40 ba kriasaun Falintil nian, grupu armadu hosi rezisténsia timoroan nian.

"Hosi nia ezempli, iha momentu importante sira iha ita nia istória, no ba kapasidade lideransa nian, Xanana Gusmão sai hanesan aman fundadór ida Timor-Leste nian", Taur Matan Ruak hatete iha momentu entrega medalla nian.

"Nia vizaun - antes no hafoin independénsia - iha baze polítika rekonsiliasaun nian, dame no estabilidade ne'ebé ita nia nasaun no ita nia povu hili no implementa ho determinasaun maka'as no ho laran nakloke", nia afirma.

.

Fretilin bolu Xanana “koruptu boot” no kompara nia ho "Suharto", maibe amnésia ataka ona sira?

.

Kai Buti

Uluk liu buat hotu  hau hakarak foo hau nia parabéns nomos agradese ita nia Prezidente da Repúblika, Taur Matan Ruak, tanba ninia excelente intervensaun horseik iha Parlamentu Nasional. Matan Ruak hatudu dala ida tan ba Timor Oan hotu-hotu ninia postura hanesan Ema Estadu (Estadista) nomos hanesan politiku ida ke korajozu no la tauk koalia hodi defende povu kiik no kbiit laek ninia interese.

Bainhira hau rona liafuan ke ita nia Prezidente hatoo ba senhores deputadus sira, hau nia matabeen monu ho emosaun tanba hau nunka hanoin katak loron ida hau sei rona politiku Timor Oan ida koalia hanesan Taur koalia iha Uma Fukun. Presiza korajen hodi enfrenta “sira” no la tauk dehan saida mak ita nia Maun Boot dehan. Ami povu tenki basa liman ba ita nia Prezidente, tenke basa liman ba Senhor ida ne’e.

Dr. Lu-Olo, senhor ida ke hau respeita tebes no hau laiha nein buat ida hasoru senhor ida ne’e maibe nia hakerek liafuan ida iha Facebook ke halo hau hanoin barak. Sr. Lu-Olo hakerek  iha lia Português maibe hau ba traduz ba Tetun.

“Laos diskursu ida ka mensajen ba nasaun! Saida mak ami rona lolos mak lian hosi puru opozitor ida ba governasaun nasaun nian. Mau da fita (ema aat) ke la konsegue hatun ideia nein ida ba saida mak dalan loos ba TL hodi lori nasaun ba prosperidade no dezenvolvimentu. Karik la hatene dezenha buat nein ida diak ba TL, ninia liafuan hatoo deit ba anin no anin lori ona. La iha proveitu ba ema nein ida”.

Ópá! Mau da fita? Puru opozitor? Koalia ba anin? Ho haraik aan hau tenki dehan katak Dr. Lu-Olo “desesperado” duni no koalia sabraut tebes no haluha ona deklarasaun balun ke Fretilin halo iha tinan balun liu ba.. Tanba sa mak dehan katak Sr. Prezidente mau da fita? Tanba dehan katak imi ninia “unanimidade” ba hetan deit poder no privilegios? Hau sadik imi hotu hodi kontradiz liafuan ida ne’e. Sr. Prezidente los kedas. Puro opozitor? Dr. Lu-Olo, karik Fretilin halo ninia knaar hanesan opozisaun Sr. Prezidente lalika sai “opozisaun” no ba Parlamentu Nasional hanorin imi, imi nia knaar rasik. Karik Fretilin sei defende Povu Maubere nia direitu, Matan Ruak lalika “dada imi nia tilun”. Imi mak “mau da fita”, imi mak tur iha imi nia kadeira no lembra deit povu bainhira eleisaun besik ona, ne’e mak realidade tristi ida.Se lolos mak mau da fita? Laos Sr. Prezidente... Taur Matan Ruak la koalia ba anin, ema barak rona, basa liman no konkorda ho deklarasaun Jeneral  Ruak nian.

Reasaun seluk ba Prezidente ninia deklarasaun politika mos mai hosi sekretariu-jeral Fretilin nian, Dr. Mari Alkatiri. Lider Fretilin ida ne’e dehan ba ajensia Lusa katak:

“ ...konsidera katak  Prezidente Repúblika Timor-Leste  ne’ebé fó sai iha ohin hanesan "atu dezesperu" iha Parlamentu Nasionál ne’ebé haksumik- an iha imunidade hodi difama líder seluk iha nasaun.

"Halo ha’u sai hamanasa. Ida ne’e hanesan atu dezesperu ne’ebé  lamentável tebes tamba ida ne’e mai hosi Xefe Estadu", hatutan eis-primeiru-ministru Mari Alkatiri, iha deklarasaun ba Lusa.

"Xefe Estadu uza ninia poder atu halo difamasaun tamba hatene katak  nia bele haksumik-an  iha nia  imunidade", hatete  sekretáriu-jerál Frente Revolucionário de Timor-Leste Independente (Fretilin), hodi rekuza halo tan komentáriu.”

Ita-boot mos halo hau hamanasa Dr. Alkatiri, tanba Fretilin iha tinan balun liu ba mos halo akuzasaun barak, karik bele dehan “difamasaun” hasoru Xanana Gusmão no ninia governu AMP, ita-boot sira mos uza imi nia imunidade hodi halo akuzasaun barak hasoru primeiru-ministro Xanana iha tempu ne’eba. Imi sei lembra ka foin hetan kadeira moras amnésia ataka ona imi hotu nia ulun?

Dr. Mari ba dook liu tan ita nia Prezidente nia liafuan horiseik, ita-boot dehan katak “Xanana koruptor boot liu ema hotu iha Timor”, sei lembra ka lae Dr. Alkatiri? Karik amnésia ataka ona ita-boot hau ajuda lae, ita-boot halo deklarasaun ida ne’e ba Jornal i iha loron 17 de março de 2012 ho titulu: “Mari Alkatiri. "Xanana Gusmão é o maior corruptor deste país". Lembra ka lae Dr. Alkatiri? Karik ita boot mos uza imunidade hodi halo difamasaun hasoru Xanana Gusmão? Ka halo propaganda politika hodi manan opiniaun publika? Karik Xanana koruptor boot liu iha Timor, ita boot hatene no la lori ba justisa? Se mak halo difamasaun Dr. Alkatiri? Imi hotu uza imi nia imunidade hodi dehan saida deit ke imi hakarak, maibe Taur Matan Ruak tan deit ba hatoo ninia preokupasaun imi dehan katak “ato desespero”, entaun hau husu imi nia ato ne’e ita ba hanaran saida loos? Oportunista ka moras todan amnésia?

"Ha’u lamenta kona-ba maun Xanana ho maun Mari nia familiár no belun sira hetan benefísiu barak hosi kontratu sira Estadu nian. Señór primeiru-ministru husu mai ha’u karik ha’u hakarak halo inspesaun", nia hatete.

.

Hau hakarak dehan ba Sr. Mari katak Fretilin mos bainhira la hamutuk ho Governu imi mos halo insinuasaun barak kona ba Xanana foo kontratu ba ninia família, ida mak Sr. Nilton Gusmão no seluk mak senhora Zenilda Gusmão , ida tanba kontratu mina ho governu no seluk tanba kontratu fos. Hau triste tanba moras amnésia ataka ema barak iha lideransa Fretilin nian, karik partidu ida ne’e presiza lideransa foun ida, tanba lider atual sira hotu-hotu moras ho amnésia.

Vise-Prezidente Fretilin nian, Arsenio Bano, iha 20 Janeiro de 2010 kompara Xanana ho ditador Suharto ka lae? : "The de facto Prime Minister is behaving more like the dictator Soeharto, who is his self-confessed hero of national economic development. Is it any wonder that he does not have the moral or political courage to refer evidence that he has regarding trafficking of influence by MPs in his own alliance to the Prosecutor General's

office?" Mr Bano asked.”.

Entaun hau tenki dehan ba imi katak diak liu imi nonok deit, tanba Sr. Prezidente iha direitu tomak hodi ba PN atu espresa ninia preokupasaun tanba chefe de Estado mak garante ba “normal funsionamentu instituisoens Estadu nian” ne’ebe ita tenki agradese ita nia Prezidente tanba halo ninia knaar. Imi nia knaar mak saida lolos? Insulta chefe de Estadu iha Facebook, bolu nia ema ganansioso ba poder, dehan katak nia laos Ema Estatu no halo komparasaun entre nia ho doutor Lu-Olo. Imi bele hotu, los ka lae?  Maibe bainhira ema ida fo kritika ba imi, imi nakdedar ho nervozu kedas no hahu hakilar katak ema ne’e inveja imi, hakarak vinga imi, laiha sentidu Estadu, la hatene halo ninia knaar no seluk seluk tan. Imi moe laiha ka? Imi nia partidu rasik imi la hatene maneja, sa tan Prezidente nia knaar? Demokrasia no liberdade de espresaun ba Fretilin deit ka? Imunidade ba ulun boot Fretilin nian deit?

Fretilin diak liu hadia imi nia uma laran, hahu halo imi nia knaar iha PN hanesan opozisaun, tanba imi simu osan Estadu nian hanesan membru opozisaun, no para ona ataka tun sae Sr. Prezidente ke felizmente hatene halo ninia knaar ho honestu no dignidade. Lalika tauk  Sr. Prezidente harii partidu ka la harii partidu, ba konkore ka lae atu sai PM ka lae? Ida ne'e laos Fretilin nia problema, ida ne'e direitu Timor Oan hotu hodi harii partidu no konkore iha eleisaun. Imi tauk ka? Hatene tanba saida mak imi tauk? Tanba imi karik hatene katak povu hatene ona imi nia jogadas foer no sei la foo fiar ba imi, jogada foer  ida mak ita hotu hatene mak Pensaun Vitalisia...

Dezesperu no laran moras mak bele sai inimigu boot ida ba partidu istoriku Fretilin. Diak liu kura lalais moras sira ne’e. Hela diak lalais…Lalika kria instabilidade iha ita nia rai, lalika hatudu liman ba malu, hau hanoin katak Sr. Prezidente laos imi nia inimigu, no iha direitu tomak hodi hatoo ninia preokupasaun, demokrasia hanesan ne’e duni. Não me digas katak Fretilin mos haluha saida mak demokrasia? Aiii, Maromak!

Dala ida tan hau hakarak agradese ba Sr. Prezidente ninia domin no dedikasaun ba povu no rain doben ida ne'e. Hau reza hodi Nai Maromak foo nafatin forsa no korajen hodi ita-boot defende nafatin povu doben ida ne'e.

Obrigado wain, Sr. Prezidente.
.

.

Unanimidade Xanana-Mari Alkatiri serve de’it atu hetan podér no priviléjiu - PR

.

Foto: Presidência da República de Timor-Leste.

Sapo.tl ho Lusa

Prezidente Repúblika kompara ohin benefísiu ne’ebé dirijente sira nasaun nian hanesan Xanana Gusmão no Mari Alkatiri fó ba "familiár no belun sira" ho prátika eis-ditadór indonéziu Suharto, iha intervensaun iha Parlamentu Nasionál.

"Horikedas 2013, Xanana Gusmão, Mari Alkatiri, Lu-olo [Francisco Guterres, prezidente Fretilin nian] uza unanimidade hodi halo sá? Sira la uza unanimidade no entendimentu hodi rezolve asuntu hotu mak ladauk rezolve. Sira uza ida ne’e ba podér no priviléjiu", nia afirma.

"Maun Xanana [eis-primeiru-ministru no atuál ministru] kaer Timor, maun Mari [antigu primeiru-ministru mós] kaer Oekusi. Ha’u sente triste. No vírus ne’e namkari ona. Prínsipiu báziku demokrasia nian mak konfiansa. Sein konfiansa, demokrasia la funsiona", tenik Taur Matan Ruak.

Intervein ba nia pedidu iha Parlamentu Nasionál, iha momentu krize polítika iha Timor-Leste, Taur Matan Ruak rekorda diálogu ida iha inísiu fulan ne’e ho primeiru-ministru, Rui Maria de Araújo.

"Ha’u lamenta kona-ba maun Xanana ho maun Mari nia familiár no belun sira hetan benefísiu barak hosi kontratu sira Estadu nian. Señór primeiru-ministru husu mai ha’u karik ha’u hakarak halo inspesaun", nia hatete.

"Ha’u hatán ba nia katak la’e. Ha’u ko’alia de’it kona-ba deskontentamentu ne’ebé sente kona-ba priviléjiu sira. Ho Suharto mós akontese", nia hatete.

Taur Matan Ruak ko’alia iha plenáriu Parlamentu Nasionál nian, ba nia pedidu, iha altura ne’ebé Timor-Leste hasoru krize polítika kona-ba desizaun Prezidente Repúblika nian kona-ba komandu forsa Defeza (F-FDTL), ne’ebé la tuir proposta Governu nian, iha ne’ebé defende atu renova mandatu Lere Anan Timur nian.

"Ha’u la iha problema ho Governu. Maibé Governu uza argumentu Lere [Anan Timur] nian hodi atinje PR. Prezidente kontinua disponível hodi diskute iha Parlamentu Nasionál hodi hetan solusaun ba kazu ne’e. PR lakohi sai adversáriu, hakarak sai paseiru. Ha’u fó nota ba ha’u-nia komportamentu ba prinsípiu ne’e", nia hatutan.

"Ha’u lakohi sosiedade ne’ebé haree liu bapodér no priviléjiu. Sosiedade ne’e, iha ne’e no iha fatin sira seluk, konta hela ona sira-nia loron", nia  afirma.

Taur Matan Ruak afirma katak ohin loron Xanana Gusmão no Mari Alkatiri iha "relasaun kumplisidade totál", ne’ebé reflete ba nível respetiva forsa polítika, CNRT no Fretilin, iha Parlamentu.

Maibé, nia konsidera, unanimidade ne’e la serve hodi rezolve problema sira nasaun nian.

"Estadu Timor-Leste ne’e sentralizadór tebes. Sentraliza kompeténsia, podér no priviléjiu. Gasta rekursu barak. No kria sidadaun primeira no segunda klase", nia afirma.

Iha intervensaun ne’ebé menus hosi minutu 30, sein hakerek diskursu, defende nia opsaun hodi altera komandu forsa Defeza, maibé maiór parte hosi diskursu dirije ba líder polítiku balun no ba deputadu sira ne’ebé iha tinan barak aprova orsamentu Estadu ho unanimidade, no akuza sira hanesan "kúmplise esbanjamentu Estadu".

"Hasai osan barak ba projetu hirak ne’e. No eskola, agrikultura, saúde la iha kondisaun. Parlamentu Nasionál permite esbanjamentu ne’e", nia hatete.

Kritika projetu sira ne’ebé "gasta millaun hodi la halo buat ida", nia akuza mós Governu la aprezenta estudu viabilidade ba planu boot sira ho dezenvolvimentu iha súl Timór nian (Tasi Mane) no enklave Oekusi ne’ebé lidera hosi Mari Alkatiri.

Matan Ruak defende hikas nia veto ba Orsamentu Estadu ba tinan ne’e, "la’ós hanesan dezafiu ba unanimidade" maibé ba "laran-luak hodi promove no ajuda povu".

Relasiona ho komandu forsa Defeza, Taur Matan Ruak hatete katak nia atua no hanoin iha transisaun nasaun nian " Estadu Orden ida ba Estadu lei", no akuza Governu la f ó opsaun   seluk hodi rezolve problema ne’e.

Dirije ba populasaun, Taur Matan Ruak sauda "serenidade" ne’ebé sira akompaña iha semana hirak ikus ne’e polémika no agradese ba militár sira ba "komportamentu".

"Imi mantein hanesan ne’e, Timór presiza imi hanesan ne’e. Dame no estabilidade, demokrasia forte, importante tebes ba futuru Timór nian", nia hatete.

Iha loron-kuarta, Governu timoroan avansa ho providénsia kautela no rekursu kontensiozu hodi anula desizaun PR nian hodi demite xefe forsa Defeza.

.

Unanimidade Xanana-Mari Alkatiri só serve para terem poder e privilégios - PR timorense

.

Foto de: Presidência da República de Timor-Leste

Díli, 25 fev (Lusa) - O Presidente da República timorense comparou hoje os benefícios que dirigentes do país como Xanana Gusmão e Mari Alkatiri têm dado a "familiares e amigos" com práticas do ex-ditador indonésio Suharto, numa intervenção no Parlamento Nacional.

"Desde 2013, Xanana Gusmão, Mari Alkatiri, Lu-olo [Francisco Guterres, presidente da Fretilin] usam a unanimidade para quê? Não usam a unanimidade e o entendimento para resolver todos os assuntos que há por resolver. Usam-na para poder e privilégio", afirmou.

"O irmão Xanana [ex-primeiro-ministro e atual ministro] toma conta de Timor, o irmão Mari [também antigo primeiro-ministro] toma conta de Oecusse. Eu fico triste. E este vírus está a espalhar-se. O principio básico da democracia é a confiança. Sem isso a democracia não funciona", disse Taur Matan Ruak.

Intervindo a seu pedido no Parlamento Nacional, num momento de crise política em Timor-Leste, Taur Matan Ruak recordou um diálogo do início deste mês com o primeiro-ministro, Rui Maria de Araújo.

"Eu lamentei que familiares e amigos do irmão Xanana e do irmão Mari tenham beneficiado tanto dos contratos do Estado. O senhor primeiro-ministro perguntou-me se eu queria fazer inspeção", disse.

"Eu disse-lhe que não. Que estava apenas a falar do descontentamento que se sentia sobre os privilégios. Com o Suharto também acontecia", disse.

Taur Matan Ruak falava no plenário do Parlamento Nacional, a seu pedido, numa altura em que Timor-Leste vive uma crise política em torno da decisão do Presidente da República (PR) sobre o comando das forças de Defesa (F-FDTL), que não seguiu a proposta do Governo, o qual defendia a renovação do mandato de Lere Anan Timur.

"Eu não tenho problemas com o Governo. Mas o Governo usa o argumento do Lere [Anan Timur] para atingir o PR. O Presidente continua disponível para discutir no Parlamento Nacional para encontrar uma solução para o caso. O PR não quer ser adversário, quer ser parceiro. Pautei o meu comportamento por este princípio", disse ainda.

"Não quero uma sociedade na base do poder e dos privilégios. Essa sociedade, aqui e noutros sítios, tem os dias contados", afirmou.

Taur Matan Ruak afirmou que Xanana Gusmão e Mari Alkatiri têm hoje uma "relação de cumplicidade total", que se reflete a nível das respetivas forças políticas, CNRT e Fretilin, no Parlamento.

Mas, considerou, essa unanimidade não serviu para resolver os problemas do país.

"O Estado de Timor-Leste leste é excessivamente centralizador. Centraliza competências, poderes e privilégios. Excessivamente esbanja recursos. E cria cidadãos de primeira e de segunda classe", afirmou.

Numa intervenção de menos de 30 minutos, sem discurso escrito, defendeu a sua opção de alterar o comando das forças de Defesa, mas a maior parte do discurso foi dirigido a alguns líderes políticos e aos deputados que há vários anos aprovam os orçamentos do Estado por unanimidade, acusando-os de serem "cúmplices do esbanjamento do Estado".

"Tanto dinheiro nestes projetos. E as escolas, a agricultura, a saúde sem condições. O Parlamento Nacional permite este esbanjamento", disse.

Criticando projetos que "gastaram milhões para nada", acusou também o Governo de não apresentar estudos de viabilidade para grandes planos com o do desenvolvimento do sul de Timor (Tasi Mane) e o do enclave de Oecusse, liderado por Mari Alkatiri.

Matan Ruak voltou a defender o seu veto ao Orçamento do Estado para este ano, "não como desafio à unanimidade" mas por um "sentimento genuíno de promover e ajudar o povo".

Em relação ao comando das forças de Defesa, Taur Matan Ruak disse que atuou pensando na transição do país "de um Estado de Ordem para um Estado de lei", acusando o Governo de não dar outra opção para solucionar o problema.

Dirigindo-se à população, Taur Matan Ruak saudou a "serenidade" com que acompanharam nas últimas semanas esta polémica e agradeceu aos militares pelo "comportamento".

"Mantenham-se assim, Timor precisa de vocês assim. A paz e estabilidade, uma democracia forte, são essenciais para o futuro de Timor", disse.

Na quarta-feira, o Governo timorense avançou com uma providência cautelar e um recurso contencioso para anular a decisão do PR de exonerar o chefe das forças de Defesa.

ASP // MP

Lusa/Fim
.

Problema ezonerasaun Lere nian vingansa Governu no PN hasoru Taur

.

Opiniaun hosi Arnaldo Fretilino

Aban, kinta-feira, ita nia Prezidente  ba koalia iha Parlamentu Nasional no iha ita nia sosiedade nia le’et mosu ona espekulasau barak. Balun dehan katak TMR ba aprezenta ninia demisaun, seluk dehan katak ba defende Meno Paixao ninia nomeasaun.

Ita seidauk hatene lolos saida mak atu akontese aban iha Uma Fukun ne'eba maibe tuir ha’u nia hanoin polemika ida ne’e mosu tan de’it Governu no PN hakarak halo vingansa ida hasoru ita nia Prezidente. Vingansa tanba sira hakarak estende Maun Lere ninia mandato mesmo ke la tuir lei tanba sira iha Governu no PN tauk katak Maun Lere wainhira nia ba vida sivil nia bele fila ba vida politika no estraga ema balun ninia estratejia foer.

Wainhira Maun Lere dehan katak wainhira reforma nia sei fila ba nia partidu FRETILIN, ida ne’e direitu tomak Maun Lere nian tanba nia mos ema FRETILIN no kaer bandeira FRETILIN hodi funu hasoru inimigu indonezio durante tinan 24. Direitu tomak duni, maibe Alkatiri no ninia matros sira aseita karik Maun Lere hakarak kaer lideransa partidu istoriku no ba demokratikamente sadik lideransa FRETILIN nian atual? Ita labele haluha katak Maun Mari no Maun Lu beibeik halo manipulasaun kongresu FRETILIN nian, dala ruma sira inventa votasaun foti liman no iha ultimu kongressu sira inventa “lista uniku”.

Maibe karik Maun Lere hakarak fila ba FRETILIN ha’u fiar katak nia ba hetan suporta boot hosi militantes FRETILIN nian tanba militantes mos baruk ona Maun Mari no Maun Lu ninia lideransa tanba ita haree momos katak sira neneik lori partidu istoriku ba rai kuak. Karik sira hakarak eleje Rui ba lider FRETILIN maibe karik Rui ba halo kompetisaun ho Lere, militantes barak karik fo suporta ba Maun Lere no rejeita Rui. Kazu akontese ida ne’e Maun Mari nia “kurita” rahun hotu kedas no ninia matros sira (inklui Rui)  ke tabele ba nia hodi uza naran boot FRETILIN hodi hetan benefisiu ba sira nia aan rasik, nomos sira nia belun no familia ba hotu halo to’os no natar tanba ha’u la fiar katak Maun Lere sei hakarak servisu ho oportunista sira ne’ e, oportunistas ke mai Timor hodi susu Maubere nia ran no ruin.

Governu no PN preokupa tebes ho nomeasaun ke Maun Taur halo, maibe sira la preokupa katak proposta governu nian la tuir lei? Katak Governu la foo naran seluk tan hodi Prezidente hili? Katak Maun Lere tanba Governu nia inkompetensia asume hela ilegalmente kna’ar hanesan CEMGFA tanba nia mandatu ramata tiha ona fulan balun liu ba? Entaun Governu komete ilegalidade ida ka lae? Sim. Parlamentu la investiga Rui nia Governu ninia hahalok tanba sa?

Imi lori lai ita nia Prezidente ba Tribunal no depois mak ita haree se mak sala se mak la sala. Diak liu tan tanba balun tur iha Parlamentu sira beik liu kuda ne’ebe lee Konstituisaun susar tebes ba sira no sira hatene deit mak dehan, “Yes, sir!”.

Ironia mak Governu de facto Rui nian povu la foo fiar  ba sira ukun, Rui simu knaar PM nian hanesan prezente ida hosi ninia patraun sira, Maun Xanana no Maun Alkatiri, no foin hahu kokotek hasoru ita nia Prezidente ke povu eleje iha eleisaun demokratika ida no manan kandidatu FRETILIN nian ho votus barak liu tan. Rui nia Governu ninia lejitimidade hodi ukun Timor kiik liu kompara ho ita nia Maun Taur.

Rui Araujo karik devia preokupa ho problema boot iha ita nia nasaun, foin selebra tinan ida ke Governu de facto ida ne’e simu pose, maibe imi nia servisu iha ne’ebe? Povu hahu moris diak ka sei mate tanba laiha ambulansia, tanba sei hamalaha? Emprego ba joven imi kria posisaun balun ka lae? Ka joven sira sei tur iha dalan ninin hodi haree imi pasiar iha kareta luxu ke imi sosa ho povu nia osan?

Sai PM laos deit atu sai bintang iha Facebook ka Twitter ka rede sosial seluk, imi manan osan hodi dezenvolve ita nia nasaun doben nomos hadia povu doben nia moris. Laos halo rezolusaun hodi oho ema, laos lori PR ba tribunal, laos halo vingansa hasoru ema ke la konkorda ho imi nia politika naokten, deslutu, festa iha ain badak nia territoriu, sama povu nia direitu no medidas aat seluk tan. Imi servisu ba se lolos? Ida ne’e mak sai pergunta boot ida.

Governu no PN hakarak halo vingansa hasoru Maun Taur maibe ha’u sei fiar katak lei iha TMR nia sorin ne’ebe Governu no PN  halimar ho “ahi”, no sira nia “ahi” rasik sei “sunu” sira! Otonomista no integrasionista nia oan sira sei la manan ita nia herois nasional, sei la manan………………………………

VIVA MAUN TAUR!

VIVA FALINTIL!

VIVA POVU MAUBERE!

.

Governu Mantein Kontra Desizaun PR Taur

.

;) 

Suara Timor Lorosae - 23 de fevereiro de 2016

DILI – Sestu governu konstitusional kontinua mantein pozisaun hodi la simu desizaun Prezidente Republika Taur Matan Ruak, neebe mak foti desijaun hodi nomeia Brigadeiru Jeneral Filomeno Paixao ba kargu Maijor Jeneral troka Lere Anan Timur.

Deklarasaun nee fo sai husi Ministru Defeza, Cirilo Cristovao, ba jornalista sira iha Palacio Governu Tersa (23/02/2016) wainhira remata inkontru Konsellu Ministru.

Parlamentu mak hatene atu lori ba tribunal tanba Parlamentu mos levanta hela mais governu nia pozisaun mak nee katak la simu Prezidente nia desizaun, tanba artigu 74 dekreitu lei numeru 7/2014 hatete iha pontu primeiru hatete katak nomeasaun ou ejonerasaun Xefi Estadu Maijor Jeneral Forsas Armadas I Vise SEMFA nee tenke so proposta husi governu no bajeia ba ida nee mak governu la simu desijaun Prezidente da Republika nian,” dehan Cirilo.

Nia hatutan wainhira Prezidente Republika mos la konkorda ho proposta neebe mak hatoo husi governu maka Prezidente tenke halo karta hodi manda ba governu, atu nunee governu bele propoin fila fali ema seluk ou nafatin. Laos nee deit nia dehan wainhira laiha solusaun husi orgaun kompatente rua nee maka orgaun kompatente neebe atu halo interpretasaun maka Tribunal Rekursu.

.

Nunee mos Prezidente Komisaun B Parlamentu Nasional Asuntu Defeza, Seguransa no Negosiu Estranjeiru David Dias Ximenes katak Parlamentu ho governu koalia hodi buka Solusaun neebe mak diak tamba ida-idak iha ninia pozisaun. Thomas Sanches

.

Presidente timorense faz declaração no Parlamento Nacional na quinta-feira

.

Foto:Presidência da República de Timor-Leste

Díli, 23 fev (Lusa) - O Presidente da República timorense intervém na quinta-feira no Parlamento Nacional, numa declaração que deverá abordar o atual momento de crise política no país, segundo disse à Lusa fonte da Presidência da República.

A intervenção no plenário foi solicitada pelo próprio chefe de Estado na segunda-feira e o discurso de Taur Matan Ruak deverá ser transmitido em direto pela televisão e rádio nacionais.

Timor-Leste vive um momento de crise política em torno da decisão do chefe de Estado de exonerar o chefe do Estado-Maior General das Forças Armadas (CEMGFA), o major-general Lere Anan Timur, e nomear como seu sucessor o brigadeiro-general Filomeno da Paixão de Jesus.

Taur Matan Ruak não seguiu a proposta do Governo, que defendia a renovação do mandato de Lere Anan Timur.

O caso assumiu contornos políticos, com as forças parlamentares a estudarem um eventual processo contra o Presidente da República por violação das suas obrigações constitucionais que, caso avance, poderia levar à destituição de Taur Matan Ruak.

Para que este processo avance falta ainda que seja publicado no Jornal da República o decreto presidencial 3/2016, datado de 09 de fevereiro, em que Taur Matan Ruak confirma a sua decisão.

Esse decreto foi enviado para publicação pela Presidência da República mas a publicação ficou suspensa por acordo entre Taur Matan Ruak e o primeiro-ministro, Rui Maria de Araújo, num encontro entre ambos a 11 de fevereiro.

Numa carta datada de 12 de fevereiro, a que a Lusa teve acesso, Rui Araújo confirma a suspensão da publicação até que se encontre uma "solução concertada entre o PR e o Governo".

Fontes da Presidência da República explicaram à Lusa que o chefe de Estado mantém a sua posição nesta matéria, estando preparado para assumir as consequências dessa decisão.

Poderá ser esse o enfoque da sua declaração no plenário, estando a intervenção a ser redigida pelo próprio Taur Matan Ruak, segundo fontes próximas ao chefe de Estado.

O Governo e o Parlamento Nacional timorenses parecem manter também a sua posição.

A iniciativa de um processo contra o Presidente do República por "violação clara e grave das suas obrigações constitucionais" está determinada no artigo 79 da Constituição.

Para avançar, o processo tem de ser proposto por pelo menos um quinto dos 65 deputados e a deliberação aprovada por maioria de dois terços.

O acórdão é proferido pelo plenário do Tribunal de Recurso no prazo máximo de 30 dias e "a condenação implica a destituição do cargo e a impossibilidade de reeleição".

A Constituição timorense prevê que em caso de impedimento do Presidente da República, as suas funções sejam assumidas interinamente pelo presidente do Parlamento Nacional.

Nessa situação, caberia ao atual presidente do Parlamento, Vicente da Silva Guterres, convocar as eleições para a Presidência da República, previstas para 2017, mas que teriam de ser antecipadas para este ano.

A outra alternativa seria Taur Matan Ruak aproveitar o discurso de quinta-feira no Parlamento Nacional para renunciar ao cargo, algo previsto no artigo 81 da constituição.

ASP // MP

Lusa/Fim

.

Organizasaun sivil timoroan sira halo protestu hasoru postura australianu iha Tasi Timór

.

Foto: Gerasaun Povu Kiak, Facebook.

Sapo. tl ho Lusa

Organizasaun sira hosi sosiedade sivil, estudante universitáriu sira no grupu sira veteranu timoroan sira partisipa iha loron-tersa ne'e iha protestu ida iha Díli hasoru pozisaun australianu nian relasionadu ho fronteira marítimu sira iha Tasi Timor-Leste nian.

Juvenal Dias, porta-vós ida hosi organizasaun sira protestu nian, esplika ona ba Lusa katak manifestasaun, previstu ba loron-tersa dadeer iha embaixada australianu nian oin iha Díli, "hanesan kontra okupasaun Tasi Timór nian".

Manifestante sira hakarak atu Governu australianu "respeita soberania hosi Timor-Leste", ne'ebé "tuur hamutuk, ho laran di'ak, hodi halo negósiu ba fronteira marítimu sira nian" no respeita jurisdisaun hosi tribunál internasionál sira.

"Ami husu mós ba Austrália atu labele uza nia poder hodi presiona Timor-Leste. Austrália iha kbiit, ekonómiku no polítika, iha rejiaun, maibé labele uza kbiit ne'e hodi hanehan Timor-Leste", nia esplika.

Konvokatóriu hosi protestu ne'e halo ona Governu australianu hasai alerta ida ba nia sidadaun sira iha Timor-Leste, hodi fó hanoin katak "evita manifestasaun sira, protestu sira no enkontru públiku sira seluk ho eskala boot".

Maski nune'e, garanti hosi governu, embaixada sei loke iha horáriu baibain.

.

Prezidente timoroan husu atu ko'alia iha Parlamentu Nasionál iha loron-kinta

.

Prezidente Repúblika timoroan hakerek ona ba Prezidente Parlamentu Nasional hodi husu halo intervensaun iha plenáriu loron-kinta oinmai, haktuir hosi fonte Prezidénsia nian ba Lusa.

Fonte sira hosi Parlamentu Nasionál konfirma ona ba Lusa katak prezidente parlamentu simu ona, iha loron-segunda loraik, karta ida hosi xefe Estadu maibé seidauk hatene konteúdu loloos hosi karta ne'e.

Timor-Leste hasoru daudaun krizi polítiku ida relasionadu ho desizaun hosi xefe Estadu ne'ebé demiti xefe Estadu-Maior Jenerál hosi Forsa Armada (CEMGFA), majór-jenerál Lere Anan Timur, no hili brigadeiru-jenerál Filomeno da Paixão de Jesus hodi troka.

Taur Matan Ruak la tuir proposta hosi Governu ne'ebé defende renovasaun ba mandatu Lere Anan Timur nian.

Kazu ne'e halo forsa parlamentár sira hodi estuda prosesu ida hasoru Prezidente Repúblika tanba violasaun hosi nia obrigasaun konstitusionál sira ne'ebé, karik akontese, bele halo demisaun hosi Taur Matan Ruak nian.

Atu avansa ho prosesu ne'e presiza de'it atu publika iha Jornál Repúblika dekretu prezidensiál 3/2016, ho loron 09 Fevereiru, ne'ebé Taur Matan Ruak konfirma nia desizaun.

Dekretu ne'e haruka ona ba publikasaun hosi Prezidénsia Repúblika maibé publikasaun hetan suspensu liuhosi akordu entre Taur Matan Ruak ho primeiru-ministru, Rui Maria de Araújo, iha enkontru ida loron 11 Fevereiru nian.

Iha karta loron 12 Fevereiru nian, ne'ebé Lusa hetan asesu, Rui Araújo konfirma suspensaun ba publikasaun ne'e to'o hetan "solusaun di'ak ida entre PR ho Governu" ba problema ne'e.

PR ho Governu la muda opiniaun no mantén intolerante.

Inisiativu hodi hahú prosesu ida hasoru Prezidente Repúblika tanba "violasaun loloos no todan hosi nia obrigasaun konstitusionál sira" determina iha artigu 79 hosi Konstituisaun nian.

Atu avansa, prosesu tenki propostu pelumenus hosi 1/5 hosi deputadu na'in 65 no deliberasaun aprovadu hosi maioria tersu rua balun.

Rezolusaun hanesan proferidu hosi plenáriu hosi Tribunál Rekursu iha prazu másimu loron 30 no "kondenasaun implika demisaun hosi kargu no imposibilidade reeleisaun nian".

Konstituisaun timoroan hatete katak iha kazu impedimentu hosi Prezidente Repúblika, nia funsaun sira tenki asumi tomak hosi prezidente Parlamentu Nasional.

Iha situasaun ne'e, atuál Prezidente Parlamentu nian, Vicente da Silva Guterres, konvoka eleisaun sira ba Prezidénsia Repúblika, ne'ebé ajenda ona ba tinan 2017 maibé tenki antesipa ba tinan ne'e.

Alternativu seluk maka Taur Matan Ruak aproveita diskursu hosi loron-kinta nian iha Parlamentu Nasionál hodi sai hosi nia knaar, ne'ebé previstu iha artigu 81 hosi Konstituisaun.

Sapo.tl ho Lusa

Nota do blogue: Bele haree Prezidente Taur Matan Ruak deklarasaun balun iha vídeo iha ne'e.

.

Presidente timorense pede para falar no Parlamento Nacional na quinta-feira

.

Foto: Presidência da República de Timor-Leste, Facebook.

Díli, 22 fev (Lusa) - O Presidente da República timorense escreveu ao Presidente do Parlamento Nacional pedindo para intervir no plenário na próxima quinta-feira, disseram hoje à Lusa fontes da Presidência.

Fontes do Parlamento Nacional, por seu turno, confirmaram à Lusa que uma carta do chefe de Estado foi recebida a meio da tardede hoje pelo presidente do parlamento, desconhecendo-se para já o conteúdo exato da missiva.

Timor-Leste vive um momento de crise política em torno da decisão do chefe de Estado de exonerar o chefe do Estado-Maior General das Forças Armadas (CEMGFA), o major-general Lere Anan Timur, e nomear como seu sucessor o brigadeiro-general Filomeno da Paixão de Jesus.

Taur Matan Ruak não seguiu a proposta do Governo, que defendia a renovação do mandato de Lere Anan Timur.

O caso assumiu contornos políticos, com as forças parlamentares a estudarem um eventual processo contra o Presidente da República por violação das suas obrigações constitucionais que, caso avance, poderia levar à destituição de Taur Matan Ruak.

Para que este processo avance falta ainda que seja publicado no Jornal da República o decreto presidencial 3/2016, datado de 09 de fevereiro, em que Taur Matan Ruak confirma a sua decisão.

Esse decreto foi enviado para publicação pela Presidência da República mas a publicação ficou suspensa por acordo entre Taur Matan Ruak e o primeiro-ministro, Rui Maria de Araújo, num encontro entre ambos no dia 11 de fevereiro.

Numa carta datada de 12 de fevereiro, a que a Lusa teve acesso, Rui Araújo confirma a suspensão da publicação até que se encontre uma "solução concertada entre o PR e o Governo" para o impasse.

Nem o PR nem o Governo mudaram de opinião desde essa altura, mantendo-se intransigentes.

A iniciativa de um processo contra o Presidente do República por "violação clara e grave das suas obrigações constitucionais" está determinada no artigo 79 da Constituição.

Para avançar, o processo tem de ser proposto por pelo menos um quinto dos 65 deputados e a deliberação aprovada por maioria de dois terços.

O acórdão é proferido pelo plenário do Tribunal de Recurso no prazo máximo de 30 dias e "a condenação implica a destituição do cargo e a impossibilidade de reeleição".

A Constituição timorense prevê que em caso de impedimento do Presidente da República, as suas funções sejam assumidas interinamente pelo presidente do Parlamento Nacional.

Nessa situação, caberia ao atual presidente do Parlamento, Vicente da Silva Guterres, convocar as eleições para a Presidência da República, previstas para 2017 mas que teriam de ser antecipadas para este ano.

A outra alternativa seria Taur Matan Ruak aproveitar o discurso de quinta-feira no Parlamento Nacional para renunciar ao cargo, algo previsto no artigo 81 da constituição.

ASP // MP

Lusa/Fim

.

UKUN AN BA POVU NIA MORIS DIAK IHA UNIDADE NO PAZ

.

Fidelis Magalhaes

Por: Fidelis Leite Magalhaes - 17 de Fevereiro de 2016

Ukun An Ba Povu Nia Moris Diak Iha Unidade No Paz

Agora dadauk ne’e Timor-Leste ultrapassa prosesu importante ida iha evolusaun ba ninian Konstituisaun ho Exonerasaun ba General Lere Anan Timur no nomeasaun ba General Filemeno Paixao hodi troka.

Maske Deputadu iha parlamentu deklara katak situasaun ne’e hanesan polemika bo’ot, Prezidente da Republika Taur Matan Ruak dehan foin lalais ne’e atu komunidade sira lalika preokupa. Iha sorumutu ho komunidade Suco Odomau iha Maliana, Prezidente da Republika dehan “assuntu ida ne’e ba politiku sira mak diskute malu”. Imi “preokupa maka imi nia saude atu bele servisu ho diak”.  Iha Prezidente nia hanoin, problema ne’e laos komplikadu hanesan deputadu sira levanta iha parlamentu. Maske, ita kompreende nune duni maka knar no dever politiku sira nian. Politiku tenke diskute duni no iha direitu tomak atu levanta pontu hirak nebe’e sira hanoin bele lori vantajen politika ba sira nia partidu. 

Balu dehan kultura politika hanesan ne’e ladiak. Lae, pelu kontrariu ida ne’e diak. Diskusaun hirak ne’e hanesan folin ida nebe’e ita tenke selu duni hodi nune’e demokrasia bele buras. Diskusaun hirak ne'e nudar teste ida nebe'e se ita liu ho diak sei halo forte liu tan ita nian demokrasia. Senhor Prezidente da Republika rasik dehan: 

“Hau mantem hau nian desizaun, no sei prontu atu simu konsekuensia politika hotu nebe’e sei tuir mai. Tanba ita laos ukun aan atu Lere ba General no Matan Ruak ba Prezidente. Ba hau aas liu mak povu nia moris diak no paz. Hau sei simu". Hau hanoin hanesan Prezidente da Republika veta ona ba OGE 2016 nebe’e la refleta populasaun nian moris no nesesidade, Parlamentu mos iha direitu tomak atu lori assuntu ne’e ba oin se sira hanoin la los. 

Ida ne'e resposta positivu tebes, hanorin ita katak nune'e duni maka ita sei lori nasaun ne'e ba oin.

Hau sik katak Prezidente Taur Matan Ruak mos haksolok katak no fin politiku sira mos preokupa ho Konstituisaun e Konstitusionalidade. Desta vez sira hakarak lori duni ba Tribunal no la’os responde deit ho Rezolusaun. 

Nune’e mai ita hotu hare’e klean liutan saida mak deputadu sira bele halo. Hau husu imi taka matan no imagina ho hau…Taka matan...Loke ba no agora ita hakat neneik!

Saida maka “sob-proposta”? Sob-proposta katak ita bo’ot haruka proposta mai, no se hau la simu ita tenke muda. La bele obriga hau. Tanba no fim hau mak tenke deside. Se ita bo’ot haruka fali mai nafatin deit ba hau, nebe’e mak iha kompetensia rasik hodi halo nomeasaun, klaru que hau bele la simu. Ita bo’ot nudar proponente tenke halo fali proposta foun. Se la halo karik ne’e neglizensia. Los kalae?  Sa tan tanba ita boot haruka proposta ida deit nebe'e uniku no la fo opsaun  ba hau atu hili. Susar liu atu konkorda wainhira kandidatu nebe’e ita bo'ot nomeia nee rasik husu reforma tiha ona.

Tanba haruka mai nafatin deit, entaun hau dehan. To'o ona. Hau sei konkorda fo exonerasaun no husik nia Vice mak sa'e fali. Lembra katak, proposta haruka mai tiha ona, agora iha hau nia liman ona no haree ba faktu hau bele halo desizaun nebe'e la presiza tuir lolos ho ita boot nian proposta. Se hau obrigatoriamente tuir ita bo'ot nian proposta karik, hau nian KBIIT RASIK BA HALO NOMEASAUN LA IHA. Simu proposta no'o tenke halo tuir proposta nudar buat rua la hanesan.

Iha kontextu ida ne’e, hau halo desizaun la tuir lolos ita boot nia hakarak karik hau nian erru ka sala iha nebe’e? 

SE ERRU KA SALA KARIK, sera que erru ne’e grave ka todan?

Nune’e mai ita hare’e hamutuk wainhira los maka bele hasai Prezidente da Republika ida husi nia knar. 

Ba ida ne’e kaer delek deit artigu 86 husi Konstituisaun la to’o. Ita haree ba Artigo 79.º (Responsabilidade criminal e obrigações constitucionais)   nebe’e koalia kona ba ida ne’e:

Prezidente da Republika hatan ba Supremu Tribunal de Justisa ba “krime hirak” nebe’e nia halo iha exersisiu ba nia funsaun e ba violasaun momos no todan ba nia obrigasaun Konstitusional sira. Iha artigu ne’e bele fahe ba parte rua:

A) Se wainhira nia komete krime; B) Wainhira halo violasaun momos no todan ba nia obrigasaun Konstitusional.  

Kona ba ida ne’e ita husu: sera que Prezidente da Republika halo exonerasaun ba General Lere no halo nomesaun ba nia Vice General Filomeno Paixao ne’e konsidera hanesan krime? Sera que Prezidente halo nomeasaun no susesaun natural hodi resolve vacuum ka mamuk iha lideransa hodi assegura bem funsionamentu Forsas Armadas, nebe’e mos nudar exersisiu ba Prezidente nia obrigasaun Konstitusional nudar Komandante Supremu das Forsas Armadas, ne’e konsidera hanesan violasaun grave ba nia obrigasaun Konstitusional? Hau la presiza hatan. Hau husu atu ita bo’ot leitores sira hatan rasik!

Tuir mai, se parlamentu hakarak hasai Prezidente da Republika karik nia dalan oinsa? 2/3 husi 65, ka 43 deputadus tenke aprova hodi lori ba Tribunal Supremu de Justisa. Imagina deputadu 65 sira vota hotu dehan SIM lori ba Tribunal. Tribunal tenke haree fali Konstituisaun no sei konsidera pontu hotu nebe’e temi ona. Sira laos politiku, nebe’e certeza katak sira nia hanoin legal sei difere bo’ot ho ida nebe’e maka Deputadu sira temi dala barak iha Parlamentu.

Solusaun mak saida? Susar saida ba governu konkorda deit ho desizaun nebe'e sai tiha ona ou, hanesan Dr. Filipe Rodrigues Pereira fo naroman mai ita foin dadauk ne’e liu husi nia artigu ida iha Forum Haksesuk, atu halo fali nomeasaun foun halo tuir desizaun nebe'e hola ona. Ida nee bele halo lalais se dekretu nomeasaun seidauk sai iha Jornal da Republika.

Se parlamentu lori ba nafatin karik, hanesan rumores hirak nebe'e semo-ba-mai, atu ba oin ho objetivu atu hetan impugnasaun ka “impeachment” ba Prezidenti, ne’e hanesan halimar ho be merak deit. Sira hatene sei la konsege no sei la manan buat ida. Halo analiza ba kustu no benefisiu sei la bele konvense. 

Prosesu ida agora interesante tebees no halo ita hanoin fila-fali kona ba ita nian Republika ida ne'e nian sistema rasik, ohin no iha futuru.

.

LAIHA AMBULÁNSIA, TULA MORAS IHA KAROSA TO’O MATE

.

Foto GPM, Facebook

Jornal Nacional Diário - 19 de fevereiro de 2016

Prezidenti Repúblika Taur Matan Ruak Segunda feira (15/2) kontinua hala’o diálogu aberta ho komunidade sira, iha Suku Taraco, Postu Administrativu Railaco, Munisípiu Ermera.

Diálogu komunitária ne’e kontinuasaun husi programa vizita Prezidenti Repúblika (PR) nian iha suku sira iha territóriu Timor Leste (TL) tomak ne’ebé mak nia halao tiha ona iha tinan hirak kotuk ne’e.

Ho vizita Xefi Estadu nian iha suku sira iha Ermera ne’e hamutuk sukus 400 mak nia vizta ona. Maibé liu husi nia vizita ne’e, komunidade sira levanta problema nukleu sira ba Xefi Estadu, hanesan la asesu ba eletrisidade, laiha beemos, laiha Estradas, laiha fasilitadades no profesional saude, problema edukasaun no selu-seluk tan ne’ebé mak sai lor-loron komunidade sira infrenta iha baze.

Iha suku Taraco, Postu Administrativu Railaco, Munisípiu Ermera, komunidade levanta problema konaba laiha kareta ambulánsia atu tula pasajeirus, nune’e komunidade obrigadu tula moras ida iha karoxa, maibé tuir dalan, seidauk to’o iha sentru saude moras ne’e mate tiha ona iha dalan klaran.

“Ami iha ne’e, iha tempu liu ba, bainhira inan sira atu partus, ami tula ho gerobak, tanba iha ne’e ambulansia laiha. Maibé to;o iha dalan klaran inan feton ne’e mate iha dalan klaran”, informa Rizanto Lekiloe Soares husi suku Taraco ne’e iha diálogu komunitária Prezidenti Repúblika iha Suku Taraco.

Rizanto Lekiloe Soares haklaken katak, distánsia suku Taraco ba sentru saude iha Postu Administrativu Railaco ne’e kuaze kilometru rua, wainhira la’o ain atu bele halo tratamentu.

Nia hatutan tan katak, triste tebes ba sira, tanba dala barak ona mak sira obrigadu tula pasiente iha karosa hodi lori ba sentru saude, maibé ida konsege mate iha dalan klaran.

Maibé Rizanto Lekiloe dehan, depois akontesimentu ne’e, Governu foin estabelese postu saude ida iha suku refere, maibé triste nafatin maka laiha fatin ba pesoal saude atu hela.

Hatán ba preokupasaun ne’e, Prezidenti Repúblika Taur Matan Ruak hateten katak, saúde no edukasaun sai problema bo’ot iha territóriu Timor laran tomak.

“Iha Suku 392 ne’ebé ha’u vizita ona, hot-hotu levanta problema hanesan, li-liu kona-ba saúde no edukasaun,” dehan Taur Matan Ruak.

Maibé Taur Matan Ruak dehan, Governu agora dada’uk esforsu atu halakon problema saúde nian ne’e, liu husi programa saúde iha familia.

PR Taur Matan Ruak hateten katak, uluk buat hotu kaman tanba liafuan ita, agora buat hotu todan tanba liafuan ha’u, ita la presiza ona.

PR Taur Matan Ruak dehan, dezenvolvimentu ne’e, Estadu labele halo Suku balun anak emas, no suku balun anak tiri, dezenvolvimentu tenke la’o hanesan.

Xefi Estadu ne’e dehan, komunidade sira iha nia rai moris fatin (Baguia), protesta katak, Prezidenti Repúblika ema Baguia oan, Prezidenti Parlamentu ema Baguia oan, Prezidenti CNE mós ema Baguia oan, maibé estrada ba Baguia, loke taka.

Maibé Taur Matan Ruak esplika katak, dezenvolvimentu ne’e, tenke la’o hanesan ne’e, tanba Estadu labele halo buat hotu dala ida.cos

.