Assanami!!!!! Ó lano todan ka moe la iha liu?

Maubere Tuba Rai Metin

Horseik Assunami, Horta no Xanana ninia mainatu ba ajuda sira halo kampana iha Oekussi no hau rona Assunami ne’e koalia ba povu no hau hanoin katak Assunami mainatu lano todan ka moe la iha liu?

Assunami trata no insulta ita nia Maun boot Taur iha palku leten bainhira nia koalia iha komisio ida, nia koalia Maun Taur no nia dehan “Ó” bainhira refere ba ita nia Primero Ministro, Maun Taur.

Mainatu ida ne’e ninia apa no ama la hanorin nia respeita ita nia katuas sira ka? Nia bele iha difrensa politika ho Maun Taur maibe labele refere ba Maun Taur ho “Ó”, mainatu malkriadu, la hatene respeita ema, maibe hau persebe tanba nia ema badiu no beik, nia mos la hatene ukun nia uma laran rasik, hola feto tun sae, joga no foin hetan servisu foun, sai mainatu ba Maun Xanana no Maun Horta. Moe la iha duni.

Lamentavel saida maka mainatu Assunami halo, maibe lamentavel mos katak Maun Horta tau iha ninia pajina Facebook.Ramos Horta devia respeitu ita ninia Primeiro Ministro no la tau iha nia pajina. Maibe hau hanoin la’os Maun Horta ke tau sassan aat sira ne’e iha ninia Facebook, hau foin rona katak ninia Facebook ema ke administra maka UDT ninia te’e rohan. Pajina ida ne’e hanesan pajina Hitler nian, sira blok ema ke la konkorda ho sira, sira la husik ema halo komentariu no bebeik tau publikasaun kontroversa no malkriadu.

Loron balun liu ba sira tau boletin votu no sira riska tun sae bandeira FRETILIN nomos Maun Lu nia foto. Maromak! Ida ne’e maka hakarak ita fo’o votu ba Maun Horta? La hetan boy! Imi iha Facebook la iha ona respeitu sa tan bainhira imi hetan poder! Ha’u ba vota ba estabilidade no demokrasia laos vota ba ema ditador no ema hakarak halo ditadura iha ita nia rai lulik. 

Vota Lu-Olo, vota ba estabilidade politika no demokrasia. 

Mainatu Assunami ne’e gaba Maun Xanana no Maun Horta nia ukun, hanesan hau dehan iha leten, karik nia lanu todan duni. Bainhira koligasaun AMP ukun no Ramos Horta sai Prezidenti saida maka imi halo ba povu? Hau hatene, imi lori assessor barak hosi rai liur, Prezidente semo aviaun tun sae la para, Assunami hola trator sira no abandona hela, povu presiza maibe sei husik povu nia sassan estraga deit. Maun Xanana fo’o kontratu milionariu ba ninia família nomos amigu sira. Halo uma ba povu estraga deit povu nia osan tanba balada sira maka moris iha neeba. 

Halo barak los ka lae? Foin imi hakarak povu vota dala ida tan ba imi nia grupu hodi imi ukun grupu ida kiik dala ida tan? Imi karik hanoin ita hotu beik ka? Maka lae liu.

Vota Maun Lu, vota ba demokrasia no estabilidade lalika vota ba ema ke hakarak halo krizi politika, hakarak hamonu governu hodi hetan diak ba grupo kiik ida. Maun Horta hakarak hamonu Maun Taur ninia governu hodi kria krizi institucional ida iha ita nia rai, ita tenke hapara nia no vota ba Maun Lu.

Keta fo’o poder ba ema ke hakarak fahe povu hodi sira ukun. Keta vota ba krizi! Keta vota ba Ramos Horta. 

Foto, Facebook.