Turiscai, 9 Abril 2022: Prezidente PLP, BB Taur Matan Ruak ba militantes Partidu FFRETILIN, PLP-KHUNTO no Os Verdes inklui Partido seluk hanesan CNRT no PD, diakliu iha loron 19 fulan abril ne'e hili kandiadtu Nr. 2, Dr.Francisco Guterres Lú Olo ba segunda mandatu, tanba nia sei serviço hamutuk nafatin ho VIIIGC hodi hametin paz no estabilidade, enkuantu Ramos-Horta hakarak atu sobu Parlamento no Governu atu hamosu tan krize foun iha Timor.
Tanba Lú-Olo mós iha nka kompromisu sei apoiu programa Governu nian kona-bq gazi 13 ba populasaun sira iha fulan Dezembru ne'e, enkuantu Ramos Horta hateten ona nia kontra programa ida ne'e.
Lu Olo mós sei apoia programa Governu kona-ba kriasaunn Fundu kapitalizasaun $1 billaun ba Veteranus sira nebe seidauk simu pensaun, ho objetivu atu hakotu ona sirkulu problema Veteranus ne'ebe la'o ona tinan barak to'o ohin seidauk resolve hotu. Ho fundu ne'e Veteranus sira hotu ne'ebé rezistadu no hetan aprovasaun hosi KKLN iha direitu ba asesu fundu ida ne'e hodi hadiak sira nia moris.
Lu Olo mós sei apoiu programa Governo hari uma ba povu UKL no ba tinan oin aumenta UKL+ nebe sei fo material konstrusaun ba populasaun kbit naton atu hadia sira-nia nia uma, no apoiu zinku ba uma kain nebe zinku feruzen ona.
Tanba ne'e Eis Xefe Estadu Maior FALINTIL ne'e husu populasaun atu labele hili Kandidatu Ramos-Horta ne'ebé iha hela intensaun at atu kria krize rai laran, tanba nia sa'e sei la koopera ho Governu ainda mais nia hakarak atu sobu Parlamento no sobu Governu, mas avisa ba nia katak se nia haksoit lutu arbiru la tuir regara Konstitusionais ne'ebé atu adota iha Nasaun ne'e, Horta rasik mak hakarak buka merik.
"Iha kandidatu rua ne'e, kandidatu Lú-Olo mak di'ak Liu tanba hakarak serbisu hamutuk ho Governu tau matan ba ita nia povu. Agora kandidatu Dr.José Ramos Horta, nia hakarak lori problema mai nasaun, nia seidauk sa'e hakarak atu sobu uluk ona.
Imi nia Primeiru Ministru ne'e bulak oituan, mai hatun arbiru la liu hosi regras Konstitusionais, ne'e nia mak buka merik mak ne'e. Timor la presiza ema ida hanesan ne'e, ke gosta sobu tun sobu sa'e (pasang bonkar) nasaun tuir nia gostu) tanba ne'e diak liu ita hili Nr. 2 ajuda halo nasaun hakmatek".
Eis Xefe Estado Major Jenerela F-FDTL ne'e hatutan : "sira dehan, ha'u mak halo krize iha 2006, pois matebian Alfredo la buka tiru ha'u, mas ba tiru kuak fali mak Kandidatu Nr 1, Dr. Horta.
Sorin Seluk Jenerál TMR mos esplika, kona-ba Monumentu saudozu Proklamador Avo Xavier nian iha nia rai moris fatin Turiscai, ne'ebé hetan ona lansamentu iha fulan hirak kotuk, i Povu Turiscai agradese tebebs ba Xefe Governu ba insiativa harii Monumentu ne'e.
Atu taka, Jenerál TMR dehan Francisco Xavier do Amaral mak Proklama RDTL no Francisco Guterres Lú Olo mak Restaura RDTL. HOTU
Sem comentários:
Enviar um comentário
Nota: só um membro deste blogue pode publicar um comentário.