"Konferensia Supremu Tribunal CPLP Sei Foka Prioridade Tolu"

.

Jornal Nacional Diario - Kuarta-feira, 12 Setembru 2012

Supremu Tribunal Comunidade Paizes Lingua Portugueza (CPLP) iha fulan outobru tinan ne'e sei realiza konferensia hodi koalia prioridades tolu.

Prioridade ne'ebe Supremu Tribunal CPLP sei koalia mak, Tribunal Internasional Global, Supremu Tribunal Justica no mos hametin independensia juis sira nian.

"Iha konferensia Supremu Tribunal CPLP ninian ne'e atu koalia kona ba tema tolu, ida kona ba Tribunal iha tempu interdependensiaglobal ne'ebe ita moris dadaun agora ne'e, ida fali kona ba supremu Tribunal Justisa nian Prezidenti hanesan orgaun ida ne'ebe importante iha Estado, orgaun ne'ebe funsiona mos hanesan orgaun soberanu ida iha Estado ida nia laran i depois ida fali kona ba oinsa mak bele hametin juis sira ninia independensia, tema tolu ne'e mak Prezidenti sira husi CPLP hotu-hotu sei koalia iha konferensia ne'e," Informa Prezidenti TR Claudio Ximenes ba Jornalista sira, Tersa (11/9) iha palasiu Prezidenti Republika, Bairo Pite Dili, hafoin hasoru malu ho Prezidenti Taur Matan Ruak.

Nasaun ne'ebe mak pertense husi CPLP kompostu husi, Timor Leste, Portugal, Mocambique, Guine Bissau, Sao Tome Principio, Brazil, Angola no Cabo Verde.

Nune'e mos, Claudio Ximenes haktuir tan katak, Konferensia ne'e sei partisipa mos sei Partisipa husi Prezidenti Tribunal Rekursu husi Nasaun Australia, Singapura no Indonesia nian.

.

Don Basilio do Nascimentno: “Bispo CPLP Hala’o Enkontru Hodi Koalia Kona Ba Fiar Maromak Nian

,

Notisia Husi TVTL - Sesta-Kalan, 07 Setembtu 2012

Bispo Baucaua Dom Basilio do Nascimento hateten, enkontru Bispo CPLP dirante loron 5 iha Dili hodi fahe esperensia balun kona ba dezafiu no prosesu ne’ebe ingreija katolika hasoru iha komunidade paizis Lingua Portuguesa.

Don Basilio do Nascimento fo lia menon hirak ne’e ba TVTL Kinta-feira ne’e iha Maloa Ailok-laran hafoin simu Bispo husi Paiz komunidade Lingua Portugues.

Tuir Bispo Dioseze Baucau ne’e katak, inkontru ne’e tinan 3 dala ida ho objetivu atu fahe esperensia ba malu no identifika planu prioridades ne’ebe presiza kopera hamutuk hodi responde ba futuru.

“Bispo sira ne’ebe mak pertensia ba rai sira ne’ebe koalia lian Portuguesa, iha mos organizasaun Bispo sira nian hodi tinan 3 tinan 3 halibur malu naran iha nasaun ida, liuliu nasaun sira ne’ebe koalia lian Portugues atu Bispo sira koalia oituan rpoblema uma kreda nian iha rai ida-idak, hafoin fahe esperensia ba malu atu hanoin hodi tau idea hamutuk ara ajuda malu kona ba fiar maromak nian,” dehan don basilio.

BIspo do Basilio reforsa liu tan katak, husi parte Timor Leste sei koalia liu kona ba papel dioseze Timor nian hodi rona mos esperensia ne’ebe Bispo ida-idak hato’o iha inkontru refere.

.