“EUA Hakarak Timor-Leste Moos Husi Korupsaun”

.

Jornal Independente - Sesta-feira, 07 Setembru 2012

Estadus Unidus Amerika (EUA) hakarak Timor-Leste sai nasaun numeru um (1) ba tansparante no moos husi korupsaun iha reijaun ASIA.

"Hau rekomenda ba Governu, atu Timor Leste bele sai nasaun Primpeiru iha ASIA ne'ebe trasparante liu,"dehan Hillary Klinton iha konferensia da imprensa hafoin hasoru malu hon Primeiru Ministru xanana Gusmao iha palasiu Governu, Kinta (6/9).

Hillary mos hatutan, EUA nuudar nasaun ida ne'ebe iha poder liu iha mundu, hakarak hametin liutan relasaun bilateral ho nasaun foun Timor Leste.

Area rua mak nasaun rua ne'e hakarak sevisu hamutuk, hanesan, Kooperasaun militar, ajuda iha seitor justica, saude, agrikultura, hodi ajuda Timor leste sai nasaun ida forte no dezenvolve liu tan.

"Hau nia mensazen ba povu Timor Leste maka, EUA uluk hamutuk tiha ona ho imi durante imi luta ba Independensia, no agora ami hamutuk nafatin ho imi atu servisu hodi dezenvolve liu tan demokrasia ida ne'ebe forte, reforma instituisaun, lei sira no proteze Timor oan nia direitu," dehan Hillary Clinton.

.

“KAK Hakbesik ba PN Identifika Aktu Korrupsaun”

.

Jornal Independente - Sesta-feira, 07 Setembru 2012

Komisaun Anti Korupsaun (KAK) esforsu maka'as hodi hakbesik an ba parlamntu Nasional hodi rona diretamente informasaun kona ba kualker aktu ne'ebe deskonfia iha korupsaun.

Esforsu ne'e, KAK halaó kada fulan liu husi meus enkontru ho komisaun espesializada PN nian, liuliu Komisaun A (Trata asuntu Korupsaun) nian.

Komisariu KAK Aderito de Jesus hateten, sira sei halo enkontru rutina hamutuk ho komisaun A iha PN hodi hametin kooperasaun forte liu tan hodi kombate korupsaun.

"Sira deputado bele hato'o informasaun direta mai ami (KAK) atu ami bele identifika klean liu tan," haktuir Komisariu KAK ne'e hafoin enkontru ho Kimsaun A iha PN.

"Ami rona informasaun barak husi deputadu sira, mas ida ne'e ami sei investiga hafoin fo sai ba publiku," deklara nia.

.