Taur Preokupa Sala Eskola Menus Ba Estudante

.

Foto de Presidência da República de Timor-Leste, Facebook.

Jornal Independente - 13 de Agostu 2014

Liquidoe - Prezidente Repúblika (PR), Taur Matan Ruak, preokupa ho kondisaun eskola Bazika Primeiru Siklu too Terseiru Siklu Fahisoi Liquidoe ne'ebé kondisaun sala menus ba estudante sira hodi tuir prosesu aprendizajem.

Bazeia ba informasaun husi responsavel eskola, iha eskola ne'e barak mak okupa sala ida tuir prosesu aprendizajem.

"Problema ida ne'e imi hato'o ona ba governu ka la'e tanba presiza haree ida ne'e ho di'ak", husu Prezidente Taur, bainhira hala'o vizita ba eskola ne'e iha Liquidoe, Aileu, Tersa (12/08).

Diretór Eskola, Luís do Carmo husu atu aumenta sala eskola hodi bele responde ba númeru estudante ne'ebé barak.

Nia dehan, parte eskola hato'o ona proposta ba Ministériu Edukasaun maibe seidauk resposta pozitivu.

Estudante iha eskola ne'e hamutuk na'in 442 ho professor na'in hitu (7).

.