“Universidade Indonesia Sei Fo Bolsu Estudu Ba Timor Oan”

.

Notisia Husi TVTL - Kuarta-Kalan, 17 Outubru 2012

Reitor Universidade Nasional Timor Lorosa’e (UNTL) asina nota intendementu ida ho reitor husi Universidade Indonesia hodi fasilita estudante Timor oan ba eskola iha Indoensia. 

 Serimonia asina nota de intendimentu entre Reitor UNTL Prof. DR. Aurelio Guterres ho reitor Universidade 11 Maret (Sebelas Maret) hodi hala’o kooperasaun iha area edukasaun. 

 Reitor Universidade 11 Maret hafoin de asina akordu ba TVTL hateten, liu husi governasaun ida ne’e sei fo bolsa de estudu ba estudantes Timor oan ne’ebe mak barak haruka husi Timor Leste. 

 Nune’e mos Reitor UNTL, Aurelio Guterres hateten, akordu ida ne’e importante tamba bele fasilita Timor oan iha area edukasaun iha Indoensia. 

Tuir planu programa ne’e sei implementa iha tempu badak hodi asesu ba Timor oan hodi eskola iha Indoensia.

.

“Embaixador Foun Indonesia Hato’o Karta Kredensial ba PR Taur Matan Ruak”

.

Notisia Husi TVTL - Kuarta-Kalan, 26 Setembru 2012 

Prezidenti da Republika Taur Matan Ruak simu karta kredensial husi embaixador foun Indonesia iha Palasiu Prezidenti Nicolau Lobato, Dili. 

 Kuarta-feira semana (26/9) ne’e, embaixador foun husi Indonesia intrega karat kresidensial ba Xefe do estadu Taur Matan Ruak iha palasiu Prezidenti Nikolao Lobato, Dili.

 Iha Diskursu, Taur Matan Ruak hateten katak, embaixador husi Indonesia ne’e, importante ba nasaun rua hodi hametin relasaun ne’ebe diak liu tan iha futuru.

Entertantu embaixador foun Husi Indoensia ne’e informa katak, nia sei esforsu maka’as hodi hametin relasaun entre nasaun rua ne’ebe durante ne’e estabelese ona. 

Taur Matan Ruak mos informa tan katak, Timor Leste ho Indonesia sei kopera hamutuk kestaun area fronteira ne’ebe durante ne’e lao diak hodi nune’e bele kontinua mantein paz no estabilidade iha futuru. 

.