“Universidade Indonesia Sei Fo Bolsu Estudu Ba Timor Oan”

.

Notisia Husi TVTL - Kuarta-Kalan, 17 Outubru 2012

Reitor Universidade Nasional Timor Lorosa’e (UNTL) asina nota intendementu ida ho reitor husi Universidade Indonesia hodi fasilita estudante Timor oan ba eskola iha Indoensia. 

 Serimonia asina nota de intendimentu entre Reitor UNTL Prof. DR. Aurelio Guterres ho reitor Universidade 11 Maret (Sebelas Maret) hodi hala’o kooperasaun iha area edukasaun. 

 Reitor Universidade 11 Maret hafoin de asina akordu ba TVTL hateten, liu husi governasaun ida ne’e sei fo bolsa de estudu ba estudantes Timor oan ne’ebe mak barak haruka husi Timor Leste. 

 Nune’e mos Reitor UNTL, Aurelio Guterres hateten, akordu ida ne’e importante tamba bele fasilita Timor oan iha area edukasaun iha Indoensia. 

Tuir planu programa ne’e sei implementa iha tempu badak hodi asesu ba Timor oan hodi eskola iha Indoensia.

.

Deputadu Bancada FRETILIN Kestiaona; "Desde 2011 To'o Agora Estudante Medisina Simu Deit Subsidiu Fulan 6"

.

Jornal Nacional Diario - Tersa-feira, 11 Setembru 2012

Estudante Medicina iha Universidade Nacional Timor Leste (UNTL) infrenta difikuldade boot iha sira nia nesesidade eskolar nian, tanba desde tinan 2011 to'o agora, foin mak simu subsidiu fulan neen (6) nian.

Ho situasaun ida ne'e, obriga membru Parlamentu Nasional husi Bancada FRETILIN, Aurelio Freitas, levanta iha plenaria, segunda (10/9), hodi husu Ministeriu edukasaun ho Minsteriu saude atu loke matan no rezolve problema ne'ebe estudante medisina sira infrenta.

"Durante ne'e estudante sira eziji no husu bebeik, maibe Governu dehan hein lai, hein to'o agora mos seidauk selu," aktuir Deputado Aurelio.

Entertantu, Deputadu Estanislau da Silva husi bancada FRETILIN reafirma hikas katak, Governu tenki fo perioridade no tau atensaun ba estudante Medisina sira iha Timor, hodi nune'e labele presiza tan lakon osan haruka Timor oan ba eskola medisina iha rai liur.

"Ita nia Governu ne'e laiha panu duni, ita nia eskola medisina iha ona, nusa sei gasta osan haruka tan Timor oan balun ba eskola iha rai liur, hafoin ba tiha la kleur estudante sira komplain sira nia subsidiu," tenik Deputado Estanislau.
.