Aprovado o OR no debate final - Estanislau Aleixo disse que dívidas vão ter implicações no OGE

.

Jornal Timor Post - Quinta-feira, 18 de outubro de 2012 - Tradução de TIMOR HAU NIAN DOBEN 

O representante do povo da bancada da Fretilin, Estanislau Aleixo da Silva, declarou que as dívidas que este governo tem desde 2011 até 2012, vão ter grandes implicações no Orçamento Geral do Estado (OGE) para 2013. 

Estanislau informou que, esta questão está relacionada com o Orçamento do ano fiscal de 2012 que o Parlamento Nacional aprovou para o projeto " Tasi Mane" (Mar Homem) e agora o governo mudou outra vez no Orçamento retificativo e transferiu para as despesas recorrentes.

 O deputado da oposição considera que, esta decisão foi feita porque os membros do governo não têm capacidade para executarem (o Orçamento), e depois o dinheiro que não foi usado é transferido para uma outra área. 

" Isto significa que nós estamos a aumentar ainda as despesas, as implicações não são boas, nós aprovamos o Orçamento para reduzir as despesas correntes, mas na realidade não foi feito," disse Estanislau. 

 Ele afirmou que esta decisão do governo foi porque a estrutura do V Governo Constitucional é muito grande. Estanislau Aleixo acrescentou ainda que, as despesas ainda são muitas, por exemplo o orçamento para o setor privado, grande parte ainda não foi pago, bem como as outras dívidas e agora põem de novo no Orçamento retificativo. 

 " Enquanto as dívidas aumentam, estas vão ter implicações no OGE de 2012, isto impede o progresso e o desenvolvimento futuro, porque o Orçamento de Estado é pago de acordo com as dívidas do Estado," declarou Estanislau. 

De acordo com ele, este problema surge porque o governo não tem capacidade para fazer a gestão e então, só sabe é pedir, mas não tem a capacidade de execução.

.

OR Pasa Iha Debate Final; “Estanislau Aleixo: Tusan Implika OJE 2013”

.

Jornal Timor Post - Kinta-feira, 18 Outubru 2012 

Reprejetante Povu husi bancada FRETILIN, Estanislau Aleixo da Silva hateten, tusan hahu husi tinan 2011 to’o 2012 ne’ebe governu iha sei fo implikasaun boot ba orsamentu Jeral Estadu (OJE) 2013.

 Estanislau informa kestaun ne’e, relasiona ho orsamentu tinan fiskal 2012 nian neebe Parlamentu Nasional aprova ba projeitu tasi mane nian, oras ne’e dadauk governu muda fali iha orsamentu retifikativu nian ba despezas rekorente. 

 Deputadu opozisaun ne’e konsidera, desizaun ne’e tanba membru governu sira laiha kapasidade halo ezekusaun, to’o ikus mai osan ne’e la uza no muda fali ba fatin seluk. “Ida ne’e signifika ita haboot tan despeza korentis, ne’e ninia implikasaun la diak, katak, ita aprova orsamentu atu redus despezas korentis, maibe realidade laiha,” dehan estanislau. 

Nia hateten, desizaun governu nia ne’e akontese tanba estrutura kintu (V) Governu konstitusional ne’e boot tebes. 

Nia hatutan, despezas iha IV Governu sei barak, ezemplu orsamentu ba seitor privadu barak seidauk selu, seidauk tan tusan sira seluk, maibe ida ne’e seidauk selu agora ho fali orsamentu retifikativu. 

“Enkuantu tusan kontinua aumenta, no sei lori implikasaun ba orsamentu jeral 2013, ida ne’e bele impede progresu dezenvolvimentu iha futuru, tanba orsamentu jeral selu tuir tusan estadu,” dehan Estanislau. 

Problema hirak ne’e akontese tamba tuir nia, governu laiha kapasidade halo jestaun, entaun so hatene maka husu, maibe kapasidade atu halo ezekusaun laiha.

.

Deputadu Estanislau da Silva: “Maske Orsamentu Retifikativu Bo’ot Maibe Sei Laiha Benefisia Ba Povu Tamba Kiak Kontinua Aumenta”

.

Notisia Husi TVTL - Kinta-Kalan, 11 Outubru 2012 

Bancada FRETILIN Iha Uma Fukun Parlamentu Nasional (PN) konsidera orsamentu ratifikativu ne’ebe aprejenta husi kintu (V) Governu konstitusional la dun fo benefisiu ba povu tamba tinan-tinan nomeru kiak no dezempregu aumenta. 

Proposta orsamentu ratifikativu hau debate kinta-feira (11/10) iha Parlamentu Nasional, orsamentu retifikativu ne’ebe aprejenta husi Kintu Governu Konstitusional ba deputadus iha uma fukun, Bakcada opozisaun FRETILIN konsidera orsamentu ne’e rasik la dun fo benefisiu ba povu tamba numeru kiak no dezempregu kontinua aumenta. 

Tamba tuir deputadu FRETILIN katak, tinan-tinan governu kontinua aumenta orsamentu no parlamentu kontinua aprova mais nia benefisiu la senti husi povu kiik iha area rurais. 

 “Hatudu katak, kiak iha ita nia rain ne’e aumenta tan, aumenta liu ona 50%, ida ne’e hatudu katak, investimentu buat ruma sala iha governasaun liu ba i agora governu ne’ebe hatutan sei hatudu katak, sei la halo loos, sei laloos, ida ne’e sinal ida ne’ebe ke la diak e ami hein atu sira bele kurizi hodi halo investimentu ne’ebeke diak iha tinan oin mai para bele benefisia ita nia povu, se la’e ita mai ho promesas bobot, ho investimentu bobot, infraestrutura, maibe ita nia povu nia moris ita la tau matan ho diak,” deklara Deputadu Estanislau. 

 Iha fatin hanesan, deputadu husi Governu Bloku koligasaun kontinua tau esperansa ba V governu atu ezekuta orsamentu ho diak, amske atu haka’as an hodi hadia administrasaun no jestaun finanseira. Tuir agenda ne’ebe iha, debate orsamentu retefikativu iha uma fukun parlamentu nasional sei hala’o durante loron 5.

.

Estanislau da Silva: “Governu Bele Kontratu Advogadu Amerika Maibe Tenki Konsidera Advogadu Timor Oan”

.

Jornal Nacional Diario - Kinta-feira, 11 Outubru 2012 

Deputadu Bancada FRETILIN iha uma fukun Parlamentu Nasional, Estanislau da silva, hatan ba kestaun pozisaun Governu atu selu advogadu husi Amerika atu defende interese Estadu Timor Leste, nia hateten, iha dalan atu ba husu advogadu husi rai liur maibe, tenki mos konsidera advogadu Timor oan tanba sira mak hatene nia kondisaun real kona ba lei nian iha Timor Leste. 

 Tanba bainhira iha kolaborasaun entre parte rua ne’e, bele defende estadu Timor Leste nia interese ho diak liu, realidade Prokuradoria Jeral da Republika Ana Pessoa mos uluk salva ona osan balun husi kompania, bainhira hala’o intervensaun. 

Hanesan Reprejenta povu Estanislau da Silva konkorda ho Politika governu nia kontratu advogado internasional, tanba tuir nia politika ne’e bele intensivu liu iha antendementu kazu bas a advogadu Timor oan hetan apoiu husi advogadu internasional e aproveita oportunidade transfere hela matenek. 

“Tratamentu kazu mak tenki haree didiak, tuir duni kompetensia juridiku,” Estanislau da Silva rekomenda. Antes ne’e, Procurador Geral da Republika Ana Pessoa Pinto, hateten katak, Advogado Amerikanu ida ne’ebe maka oras ne’e governu TL hasoru Conocophilips iha Tribunal, ne’e dezastre tebes tanba advogado Amerimanu ne’e la hatene lei Timor Leste.

 Iha sorin seluk, parte konfirmadu hateten katak Governu lakon konfiansa ba advogadu Timor oan tanba durante ne’e iha pratika advogadu Timor oan maioria mak defende liu interese kompania nia duque estadu Timor Leste ho povu Timor Leste nia interese. 

 “Faktu kona ba kazu rai nian, ita nia advogadu sira ne’e defende liu ema estranjeirus maka’as liu duque nia maluk kulit metan,” fontes ne’e kestiaona. Ba kestaun ne’e.

 Antes ne’e, Primeiru Ministru Kay Rala Xanana Gusmao hateten katak, nia sei ba hatan iha Tribunal kona ba keixa 28 ne’ebe maka husi Conocophilips hato’o tiha ona ba PGR. Kompania Conocophilips husi Amerika ne’ebe exprora mina rai iha Tasi Timor ne’e, PM Xanana koalia katak, sira la selu tiha ona taxa ba estadu hamutuk US$3 biloens, nune’e halo kompania refere la satisfeitu hodi hatama keixa ba PGR.

.

Programa V Governu La Determina Tempo: "Bancada Opozisaun FRETILIN Konsidera Programa Borong"

.

Jornal Nacional Diario - Sesta-feira, 14 Setembru 2012

Haree ba aprezentasaun programa V Governu Konstitusional nia neebe la determina tempu ba kurtu prazu no mediu prazu, Bancada Opozisaun FRETILIN konsidera Programa borong.

Deputada Josefa Pereira, iha nia intervensaun ba Programa V Governu konstitusional, nia hateten, programa Kintu (V) Governu nia ne'e kuaze laiha tempu determinadu, iha programa ida no rua deit mak termina nia tempu.

"Programa sira ne'e ita haree hanesan programa borong hotu deit, tanba la determina nia tempo no laiha kurtu prazu no mediu prazu," dehan Josefa.

Nia esplika, Governu la estabelese programa saida-saida deit maka atu halo iha kurtu prazu no mediu prazuneebe sei sai hanesanalisersa ida ba planu asaun anual determina, toó iha loron ikus tama ba tinan lima sei mosu projetu emergensia bar-barak no difisil atu halo fiskalizasaun neebe diak hodi hatene balansu kona ba programa V Governu nian ne'e lao oin sa.

Nune'e mos deputadu Estanislauda Silva dehan katak, ho laiha determinasaun tempu kona ba programa V Governu ne'ebe fo impaktu gasta osan makaas.

"Projetu ida ne'e kuandu ita la determina nia tempo ba kurtu prazu, maka ita haree programa raut deit, la hare ba nia tempo, maibe mai sapu rata hotu," komenta Estanislau.

.

Deputadu Bancada FRETILIN Kestiaona; "Desde 2011 To'o Agora Estudante Medisina Simu Deit Subsidiu Fulan 6"

.

Jornal Nacional Diario - Tersa-feira, 11 Setembru 2012

Estudante Medicina iha Universidade Nacional Timor Leste (UNTL) infrenta difikuldade boot iha sira nia nesesidade eskolar nian, tanba desde tinan 2011 to'o agora, foin mak simu subsidiu fulan neen (6) nian.

Ho situasaun ida ne'e, obriga membru Parlamentu Nasional husi Bancada FRETILIN, Aurelio Freitas, levanta iha plenaria, segunda (10/9), hodi husu Ministeriu edukasaun ho Minsteriu saude atu loke matan no rezolve problema ne'ebe estudante medisina sira infrenta.

"Durante ne'e estudante sira eziji no husu bebeik, maibe Governu dehan hein lai, hein to'o agora mos seidauk selu," aktuir Deputado Aurelio.

Entertantu, Deputadu Estanislau da Silva husi bancada FRETILIN reafirma hikas katak, Governu tenki fo perioridade no tau atensaun ba estudante Medisina sira iha Timor, hodi nune'e labele presiza tan lakon osan haruka Timor oan ba eskola medisina iha rai liur.

"Ita nia Governu ne'e laiha panu duni, ita nia eskola medisina iha ona, nusa sei gasta osan haruka tan Timor oan balun ba eskola iha rai liur, hafoin ba tiha la kleur estudante sira komplain sira nia subsidiu," tenik Deputado Estanislau.
.