Deputadu CNRT sira akuza Aniceto Guterres ho “ hamate demokrasia” no iha komportamentu “hanesan ditador”

Timor Hau Nian Doben

Tuir ajensia Lusa membru opozisaun balun halo akuzasaun hasoru prezidente meza Parlamentu Nasional (PN), Aniceto Guterres,  katak nia “hanesan ditador” no kata “ hamate demokrasia” tanba koko impede intervensaun ida hosi deputadu CNRT nian iha sessaun parlamentar iha sessaun dadeer nian kona ba debate orsamental.

Deputadu balun hosi do Congresso Nacional da Reconstrução Timorense (CNRT) hakilar iha parlamentu: “ Nia hamate demokrasia. Nia oho estadu direitu demokratiku tanba impede intervensaun hosi deputadu ida hosi partidu CNRT dader ne’e durante debate orsamental. Ida ne’e asaun hanesan ditador ida. Asaun ne’e diskriminatoria nomos injusta. 

Polemika ne’e hahu iha inisiu deputadu  Domingos Lemos nia intervensaun ke hakarak koalia ba programa Uma Kbiit Laek ke hetan kritikas barak hosi partidu opozisaun.

Bainhira  deputadu Domingos Lemos hahu nia intervensaun Prezidente mesa, Aniceto Guterres Lopes, hapara kedas ninia intervensaum. 

“Karik ba koalia kona ba Uma Kbiit Laek hau hasai ita nia liafuan, ho konkordansia ho ponto 1.11 hosi Guião. La bele repete deklarasaun sira”, dehan Aniceto Guterres.

“Ponto 1.11 hosi Guião explika katak mesa “ maka jere uzu da palavra (...) no bele hasai palavra ba deputadu sira ke halo intervensaun ke laiha konkordansia ho debate no buka evita katak oradores (ema ke koalia) uza sira nia liafuan ho objetivu la hanesan ho autorizasaun nomos ba repete deklarasaun sira”.

Maibe deputadu CNRT nian insiste koalia no dehan katak nia hakarak aprezenta informasaun foun no prezidente mesa nian halo intervensaun no hasai deputadu nia palavra.

Aniceto Guterres nia desizaun hetan protestos barak hosi bankada CNRT no protestos  aumenta tan hafoin prezidente mesa nian suspende sessaun ida ne’e.

“ CNRT sei iha 21 minutos ba halo intervensaun, maibe mesa agora ba hasai tempu ida ne’e no ita ba halo intervalo” dehan Aniceto Guterros no ninia deklarasaun hetan hakilar no kritikas hosi bankada CNRT nian.

Fonte, Lusa.