Prezidente PN komete abuzu de poder no viola lei bainhira fo’o instrusaun ba PNTL halo atuasaun hasoru manifestantes

Timor Hau Nian Doben

Tuir ajensia Lusa numeru manifestante sira iha Parlamentu Nasional (PN) nia oin aumenta tan ohin hafoin polisia detein ema 37 horseik, maski simu  kritikas hosi dePUTAdu sira ke kontesta protestu ida ne’e.

Manifestasaun ida ne’e hahu  ho grupu naran  Aliansa Maubere Nasional (AMN) no ohin estudante sira hosi UNPAZ mos mai manifesta ho apoio rasik hosi reitor hosi universidade ida ne’e, Adolmando Soares Amaral, ke halo diskursu ida iha protestu ida ne’e.

Reitór  UNPAZ hateten: “ohin Universidade da Paz ba hato’o nia apspirasaun, relasiona ho parlamentu nasional ne’ebé oras ne’e hala’o hela diskusaun hela ba proposta orsamentu do estadu 2023 nian, ne’ebé ita haree diskusaun ikus ne’e katak, parlamentu sira la diskute ona atu hola kareta ba sira, maibe ita nia hakarak sira labele ko’alia de’it, maibe tenki asina faktu ruma kona-ba sira nia deklarsaun ida ne’e.”

“Universidade da Paz, ohin ba iha ne’eba atu hato’o aspirasaun katak duke hola kareta ka buat ne’ebé la urjente no nesesariu, di’ak liu maka deskute programa sira ne’ebé maka nesesariu hatan ba povu nia nesisidade, no seluk mak aselera lei ba pensaun vitalisia no halakon tiha lei kona-ba manifestasaun 100 metru husi fatin ne’ebé mak estudante sira halo manifestasaun”,dehan Reitór UNPAZ.

Aniceto Guterres, dehan tan ba ajensia Lusa ke nia la konkorda ho protestu ida ne’e no lamenta mos barullu no dehan katak ke nia “ sei fo'o instrusaun ba Polisia Nasional Timor-Leste (PNTL)  ba halo atuasaun hasoru manifestante sira”, maibe tuir lei  Aniceto Guterres laiha kompetensia hodi  fo’o orden ka instrusaun ba PNTL.

“Hau ba koalia ho honesto. Barullu xateia ami. Hau sei fo’o instrusaun ba PNTL hodi atua tuir Kodigo Penal 205, tanba sira halo perturbasaun ba funsionamento orgaun soberania ida”, dehan prezidenti PN ba ajensia Lusa.

Primeiro-Ministru, Taur Matan Ruak, ke akumula knaar hanesan Ministro do Interior dehan ba ajensia Lusa katak nia husu ona ba PNTL halo negosiasaun ho manifestante sira.

Molok sessaun plenária Aniceto Guterres kestiona katak karik presiza “halo lei foun ba injuria", no nia mos dehan katak ema ke halo protestu labele viola lei ke estipula ke manifestante sira tenke hela dook 100 metros hosi orgaun soberania.

Prezidente PN dehan katak Universidade Nacional de Timor Leste (UNTL) ne’ebe protestos akontese iha universidade nia oin “la devia tolera” partisipasaun estudante sira.

“Manifestasaun la’os ba insulta, ba halo akuzasaun bosok”, nia dehan.

“ Urjente tebes halo aprovasaun ba lei foun injuria nian, laos difamasaun. Ne’e krime. Karik merese revizaun Kodigu Penal ka halo lei foun ida? Ami maka lejislador (ema ke halo ka elabora lei) no ami tenki deside”, afirma Aniceto Guterres.

Manifestante sira promete kontinua halo protestos hodi halo “ asaun masiva kontra mahukun kanten-sira kontinua la'o daudaun hela”.

Fonte, Lusa no Aliansa Maubere Nasional, Facebook.