RAMOS-HORTA: “PORTUGAL LOHI TIMOR- LESTE IHA KAZU RÓ HAKSOLOK”

Timor Hau Nian Doben

Prezidente da Repúblika, José Ramos Horta dehan iha entrevista ida ba ajensia Lusa katak iha prosessu konstrusaun nomos aquizisaun ró Haksolok Timor-Leste hetan enganu (bosok) no aquizisaun estaleiros Figueira da Foz nian maka “ segunda oportunidade” ke Timor fo’o ba Portugal.

“Hau dehan katak ida ne’e segunda oportunidade ke ami fo’o ba estaleiros Portugal nian. Hau hein katak hosi autoridade sira iha Portugal no empresa mista ne’e ke sei servisu ho professionalismu boot liu tan, integridade boot liu tan ba benefisiu Timor nian nomos ba benefesiu estaleiros nian, (servisu) ho jestaun ida ke diak nomos jestaun intelijente ida”, Ramos-Horta dehan ba Lusa, no nia la fo’o kulpa (sala) ba sekretariu-jeral Fretilin nian Mari Alkatri ke halo negosiu ba prosesso ida ne’e.

 “Timor-Leste sai vítima ida, Dr. Mari Alkatiri ema ida ke bebeik fo’o privilejiu ba relasaun sira ho Portugal”, nia dehan.

Ramos haktuir tan katak, ami koalia barak kona ba dimensaun ekonomika, ami halo reuniaun barak, ami halo fóruns”, iha Comunidade dos Países de Língua Portuguesa nia leet maibe ho projetus Oecusse nian  maka Dr. Mari Alkatiri materializa saída maka ami koalia no nia lori emprezas portuguesas mai Timor no nia enkomenda ró (Haksolok), ke fasilmente bele enkomenda iha Coreia do Sul ka iha China.

Prezidente da República dehan tan “ Halo iha ne'e (Portugal) no Timor hetan lohi kedas" no Xefe Estadu fo’o rekomendasau ida ba autoridades Portugal nian hodi “ la repete tan espriensia triste  ida’e”.

Timor-Leste halo investimento ida de 12 milhões de euros hodi sosa 95% estaleiros Figueira da Foz nian. Estaleirus ida ne’e hetan insolvensia no iha deit servisu ida, konstrusaun ró Haksolok, projektu  Mari Alkatiri nian, planu maka ró ida ne’e halo ligasaun hosi Díli- Ataúro nomos halo ligasaun ba Oecussi maibé projetu ida ne'e ke hahu iha 2014 to'o agora seidauk remata.

Mari Alkatiri hetan kritikas barak iha Timor-Leste  hosi organizasaun sivil balun nomos hosi populasaun tanba "investe osan barak ona no resultado zero no ró Haksolok sei hetan dodok iha estaleiros iha Figueira da Foz" maibe líder Fretilin nian fo’o ona garantias ba Timoroan sira katak ró Haksolok sei mai Timor iha tinan 2023.

Nota do blogue: Foto da minha grande amiga MTV, eu chamo-lhe Baixa há quase 40 anos. Ela foi com a família visitar o Haksolok há uns meses a meu pedido. Sempre juntas, Baixa. Muito obrigada.