“Forensik Australia Husu Mill U$57 Halo Testu DNA Ba Ruin Saudozo Mauhudo”

.

Jornal Independente - Kinta-feira, 18 Outubru 2012 

Kompania Forensik Australia husu osan hamutuk mill U$57 atu halo testu DNA ba ruin Saudozo Mauhudo, entertantu kompania forensic ida seluk husu osan mill U$46 dollar Amerikanu.

 Sekretariu Estadu Antigo Kombatentes Libertasaun Nasional, Julio Sarmenti ‘Meta Malik’ dehan, rejultadu negosiasaun entre governu ho kompania rua iha Australia ho pressu diferente ba prosesu teste DNA ruin saudozo Mauhudo. 

“Rezultadu ba Australia mai ho proposta rua, ida mai ho orsamentu mill U$57 no parte ida seluk mill U$46,” dehan Sekretariu Estadu Antigo Kombatentes Libertasaun nasional Julio Sarmento iha PN (17/10). 

 Maske nune’e, tuir nia Governu seidauk iha desizaun final atu lori ruin saudozo Mauhudu nian ba Ausralia tanba to’o agora familia seidauk kolabora atu fo ran ba teste DNA ne’e.

 “Horesik mosu iha Jornal Familia lakohi kolabora, ne’e halo ami atu halo said alos,” dehan meta Malik.

 Sekretariu Estadu ne’e hateten tan katak, kuandu familia lakohi kolabora ho estadu atu halo teste DNA, Governu sei rai ruin Saudozo iha fatin ruma hodi hein kolaborasaun familia nian. 

.

PM Xanana Fo Orientasaun: "La Sama Ho Ekipa Forensik Australia Ba Kehe Ruin Saudozo Mauhudu"

.

Notisia Husi TVTL - Tersa-Kalan, 11 Setembru 2012

Primeiru Ministru (PM) Kay Rala Xanana Gusmao fo orientasaun ba Vice Primeiru Ministru Fernando La Sama hamutuk ho ekipa Froensiko husi Australia ba kee ruin saudozo Mahudu iha Kinta-feira semana ne’e.

Informasaun ne’e, fo sai husi Vice Primeiru Ministru Fernando La Sama de Araujo Tersa-feira semana ne’e iha uma fukun Parlamentu Nasional hfoin simu orientasaun husi Primeiru Ministru xanana Gusmao iha loron 2 fulan Setembru liu ba.

Tuir La Sama katak, iha kinta-feira ne’e, nia rasik sei akompania husi ekipa forensic husi Australia hamutuk ho Ministeriu Solidaridade Sosial sei ba kehe ruin saudozo Mahudu, ne’ebe tuir informasaun Sefe Suku Saniri Agustu Datubuti ne’ebe lokaliza iha Distritu Bobonaro.

Entertantu, hafoin kehe ruin refere sei submete ba testu DNA hodi nune’e bele konprova.

.

"Mate-ruin Kofi Hetan Iha Tibar, Familia Ezizi Teste DNA"

.

Notisia Husi TVTL - Tersa-Kalan, 11 Setembru 2012

Materuin Tiago Kofi ne’ebe deskonfia oho husi milisia pro Jakarta iha tinan 1999, kehe hetan iha area Tibar Distritu Likisa.

Feen husi Tiago hato’o asuntu ne’e ba ekipa TVTL Terca-feira semana ne’e iha area Tibar Dili.

Feen matebian Juana informa katak, nia laen deskonfia oho husi milisia pro Jakarta iha tinan 1999, depois de konsulta popular.

"Iha 5 de Setembru ema asal iha dioseze, monetu ne’e ami iha familia gamutuk nain 8 mak iha igreja, depois milisia sira ba asalta ami, no sira hatama hau nia laen hamutuk ho mane seluk nain 7 hatama iha kontainer," dehan Juana.

Familia mate bian husu ba governu, ekipa forensiku no PNTL atu halo teste DNA ba matebian nia ruin antes lori ba iha wekuse.

Familia matebian informa tan katak, oras ne’e dadaun ruin Tiago Kofi rai hela iha fatin Bidau hodi hein prosesu funeral.
.