“Deskonfia Funsionariu Publiku Balun Falsifika Invoice”

.

Jornal Independente - Tersa-feira, 30 Outubru 2012 

Vise Primeiru Ministru Fernando La Sama de Araujo preokupa ho funsionariu publiku balun falsifika invoice no nota bainhira sosa sasan ba instituisaun governu. 

Maski lakohi temi funsionariu husi ministeriu ne’ebe, maibe La Sama dehan, iha funsionariu balun ne’ebe kona-kali kon ho restaurante no loza nain sira hodi aumenta presu nune’e sir abele hetan osan balun. 

La Sama dehan, Ministeriu Financas organiza ona hodi identifika aktu ne’ebe mak deskonfia halo husi funsionariu publiku. 

 “Husi financas rasik sei organiza, sei portifika servisu dirasaun impostu atu kontrola ema ida ne’ebe simu fatura falsu sira ne’e hotu fasil atu detekta,” dehan La sama iha sentru konvensaun horsehik. 

Vice Primeiru Ministru ne’e preokupa tanba aktu ki’ik sira ne’e afeta tebes ba despezas estadu nian, tanba osan hasai barak maibe rezultadu ki’ik. 

 “Osan ne’ebe ita hasai ne’e nia rejultadu la hanesanho gastu, tanba buat sira ne’e lao hela, maibe ita sei halo funu ida hasoru hahalok sira ne’e,” deklara Vise PM La Sama.

.

FERNANDO LA SAMA DESCOBRIU QUE KKN É A CAUSA DA POBREZA

.

Jornal Nacional Diário - Quarta-feira, 17 de outubro de 2012 - TRADUÇÃO DE TIMOR HAU NIAN DOBEN 

O vice-primeiro-ministro para os Assuntos Sociais, Fernando La Sama de Araújo, descobriu que o KKN (acrónimo indonésio para corrupção, conluio e nepotismo) que surgiu no país é o motivo de muitos timorenses continuarem pobres. 

 " Eu tento de comparar um bocado Timor-Leste com os outros países, às vezes em Timor as pessoas dizem que é por causa do aparecimento do KKN é que nós continuámos pobres, " explicou ontem o vice-primeiro-ministro, Fernando La Sama, no salão do ministério dos Negócios Estrangeiros, na Praia Dos Coqueiros, Díli. 

Devido a este fenómeno, o vice-primeiro-ministro, La Sama, apelou a todos os timorenses que ocupam cargos no Estado, para não praticarem a corrupção, conluio e o nepotismo, porque vão enfraquecer o Estado, que foi erguido por todos os timorenses. 

O ex-presidente do Parlamento Nacional sublinhou que, em Timor-Leste há a necessidade de se extinguirem práticas más, como a de uma pessoa ocupar um alto cargo numa instituição, e consequentemente apenas e toda a família dele é que trabalha nesta organização. 

 "Como o vice-ministro e o primeiro-ministro já falaram várias vezes no Conselho de Ministros, muitas vezes, nós falamos ali assim. O primeiro-ministro exige aos membros do governo para produzirem nos seus locais de trabalho," afirmou La Sama. 

Nesta ocasião La Sama apelou também aos funcionários públicos para se controlarem individualmente e procurarem aumentar a produtividade e trabalharem como deve de ser. 

.

FRETILIN Preokupa Kargu La-Sama; “Orsamentu Passa”

.

Jornal Timor Post - Kuarta-feira, 17 Outubru 2012 

Reprejetante povu iha uma fukun Parlamentu Nasional (PN), husi Bancada FRETILIN preokupa ho pojisaun Vice Primeiru Ministru (VPM), Fernando La Sama de Araujo, tanba assume mos kargu nuudar koordenador ba asuntu sosiais. 

 Tuir Bancada FRETILIN, kargu refere duplifika ho funsaun Ministeriu Solidaridade Sosial (MSS). Maske nune’e, orsamentu retifikativu ba Vice Primeiru Ministru (VPM) konsege pasa iha plenaria PN ho total Rihun U$ 101. Deputadu FRETILIN, Antonino Bianco hateten, ho preokupasaun ba kargu La Sama nian ne’e, mak nia parte mos konsidera orsamentu ne’ebe aprova la partinente, nia lembra, uluk VPM rua iha kuartu Governu gasta osan oituan kompara ho agora. 

 “Osan ne’e aumenta fali iha bens e servisu, ida ne’e atu lori halo saida,” hateten Bianco iha nia intervensaun iha debate orsamentu retifikativu iha sesaun espesialidade, Tersa (16/10). Nune’e mos, preokupasaun hanesan hato’o husi Deputada Josefa Pereira husi bancada FRETILIN.

 “Senor Vice Primeiru Ministru ninian kompetensia ne’ebe saida los, tanba iha tan ona Ministru social, maibe assume tan koordenador ba asuntu sosiais ninian,” dehan Josefa. 

Entertantu iha okajiaun ne’e, Primeiru Ministru Kay Rala xanana Gusmao, esplika, kargu VPM ne’ebe trata mos ba asuntu social la’os liga de’it ba parte ida, maibe nia fo ijemplu, kna’ar ne’e liga hotu ba edukasaun, Saude Solidaridade Sosial.

 Xanana sublina, objetivu prinsipal husi knaar ne’e mak atu integradu, no fo solusaun ba problema ruma ne’ebe trasfersal. 

 Nia hatutan, kona-ba total orsamentu ne’ebe aprova ona ba VPM hasai husi salariu ba iha bens de servisu, ne’e iha nesesidade, para atu ekipa sira Gabinete VPM bele responde ba funsaun ne’ebe iha.

.

Forensik Ke'e Rate: "Deskonfia Ruin Mauhudo"

.

Jornal Independente - Sesta-feira, 14 Setembru 2012

Ekipa forensik Polisia Nasional Timor Leste horsehik (13/9) ke'e rate iha suku Sanirin hodi foti mate ruin ne'ebe deskonfia nudar ruin heroi boot Muhudu.

Marka Prezensa iha ke'e rate ne'e, Vice Primeiru Ministru Fernando La Sama ho Sekretariu Kombatente Luta Libertasaun nasional (Meta Malik), Sekretariu Estadu Dezenvolvimentu Lokal Samuel Mendonca no autoridade sira.

Vice Primeiru Ministru La sama hatete, Governu ho PNTL liu husi ekipa forensik ke'e hikas rate ne'ebe mak deskonfia hakoi Mahudo tanba estadu iha responsablidade ba nia eroi sira ne'ebe lakon no mate tanba defende nasaun.

Governu ne'ebe ukun sei la ignora luta ne'ebe mak Mauhudo halo ba nia nasaun hamutuk ho Heroi sira seluk.

Tanba ne'e La sama dehan, Governu sei serviso hamutuk ho familia atu aselera halo teste DNA hodi identifika identidade lolos husi ruin ne'e.

"Kazu ne'e espesial, ami hatete ba imi katak, ami sei apoia hodi aselera testu DNA," dehan la sama bainhira akompania hodi ke'e rate ne'ebe deskonfia hakoin saudozo Mauhudo iha Suku Sanarin, Sub-Distritu Balibo, Distritu Bobonaro.

Entertantu, Komandante PNTL Operasaun Armando Monteiro hatete, ruin ne'ebe mak deskonfia Mauhudo nia ruin sei halo teste hodi identifika lolos.

Testu ne'ebe mak sei hala'o, Armando dehan, teste anti mortem ne'ebe foti deklarasaun husi sasin sira kona ba faktus antes saudozo ne'e mate.

.

ME halo ona planu no tau ona osan ba merenda escolar, ba alunu ida hamutuk $0.15 centimu/ loron

.

Joãozito Viana

Vice Primeiro Ministro, Senhor Fernando Lasama de Araujo hateten katak, Ministerio Edukasaun halo ona planu no tau ona osan ba merenda escolar ne'ebe ho montante osan ba kada alunus ida hamutuk $0.15 Sentimu/ loron.

Hau bele imajina, ho osan $0.15 sentimu ne'e tuir lolos ita atu sosa tipu aihan saida deit hodi merenda escolar ba ita nia oan e alin sira? Ho osan $0.15 sentimu so bele sosa "pisang goreng ida" ka bele halo "sasoro/ etu-molik deit (tuir hau nia-lian Baikenu).

" Alokasaun ida ne'ebe ba hau, hatudu politica governu ne'e la-seriu no la-fear tanba merenda escolar sei labele atinzi rekijitus minimu nutrisaun nian.

Karik merenda escolar tanba barak mak ba iha escola publiku, nune'e ukun-nain sira ladun iha interese. Signifika, merenda escolar ne'e sei konsumu husi povu-nia oan, eh... povu nia-oan sei konsumu etu-molik husi politika ida ne'e.

Deskulpa, maibe hau bele imajina se los mak atu ukun rai doben ne'e iha futuru. Klaru katak, laos sira mak konsumu $0.15 kada loron...!!!

Nota: O vice primeiro-ministro, Lasama de Araújo, anunciou que o Ministro da Educação já tem um plano para a merenda escolar . O montante alocado é de 15 cêntimos diários para cada aluno.
O que vão dar de comer aos meninos timorenses com estas migalhas envenenadas? Já experimentaram alimentar os vossos filhos com 15 cêntimos diários? Vocês metem nojo aos cães! Lisa
.

"Eis Prezidenti PN 'Lu-Olo no La Sama' Fo Seminar Ba Membru Parlamentu Nasional"

.

Jornal Nacional Diario - Kuarta-feira, 12 Setembru 2012

Eis Prezidenti Parlamentu Nasional (PN) iha primeira Leguslatura, Francisco Guterres 'Lu-Olo' no eis Prejidenti II Lejislatura Fernando La sama de Araujo realiza seminar ida ba membru Parlamentu Nasional sira.

Objetivu husi seminar ne'e mak fahe esperensia ba membru deputado foun sira kona ba funsaun deputado ninian.

Primeiru Vice Prezidenti Parlamentu Nasional Adriano do Nascimento hateten, iha seminar ne'e eis Prezidenti parlamentu nasional nain rua ne'e koalia liu kona ba kompetencia Prezidenti PN no Kompetensia meza i iha asuntu seluk mos sira sei koalia kona ba mandatu, dever ho diretu deputadu nian.

"Ita hatene sira nain rua hanesan eis Prezidenti Parlamentu nasional, ne'e duni sira iha esperensia barak kona ba servisu PN," dehan Aderito ba Jornalista sira, Tersa (11/9) iha uma fukun PN.

Nia esplika, husi seminar ne'e mos bele loke deputadu foun sira nia hanoin kona ba lalaok servisu deputado nian, tanba iha deputado foun barak mak maioria seidauk hatene lolos funsaun deputado nian.

.

PM Xanana Fo Orientasaun: "La Sama Ho Ekipa Forensik Australia Ba Kehe Ruin Saudozo Mauhudu"

.

Notisia Husi TVTL - Tersa-Kalan, 11 Setembru 2012

Primeiru Ministru (PM) Kay Rala Xanana Gusmao fo orientasaun ba Vice Primeiru Ministru Fernando La Sama hamutuk ho ekipa Froensiko husi Australia ba kee ruin saudozo Mahudu iha Kinta-feira semana ne’e.

Informasaun ne’e, fo sai husi Vice Primeiru Ministru Fernando La Sama de Araujo Tersa-feira semana ne’e iha uma fukun Parlamentu Nasional hfoin simu orientasaun husi Primeiru Ministru xanana Gusmao iha loron 2 fulan Setembru liu ba.

Tuir La Sama katak, iha kinta-feira ne’e, nia rasik sei akompania husi ekipa forensic husi Australia hamutuk ho Ministeriu Solidaridade Sosial sei ba kehe ruin saudozo Mahudu, ne’ebe tuir informasaun Sefe Suku Saniri Agustu Datubuti ne’ebe lokaliza iha Distritu Bobonaro.

Entertantu, hafoin kehe ruin refere sei submete ba testu DNA hodi nune’e bele konprova.

.

“La Sama Konkorda Sosa Elikoptru Ba F-FDTL”

,

Jornal Independente - Sesta-Feira, 31 Agustu 2012

Posiblidade nakloke atu Governu prevee orsamentu, iha orsamentu Jeral Estadu (OJE) tinan fiskal 2013 nian atu sosa elikoptru, tanba Vice Primeiru Ministru La Sama mos konkorda ho planu ne'e.

Vice Primeiru Ministru La sama hateten, Komando F-FDTL tenki hanoin ba ekipamentu ka nesesidade saida mak forsa sira presiza iha sira nia esrviso loro-loron.

"Ami (Governu) tenki tetu osan iha ne'ebe para rejolve buat sira ne'e," tenik nia, iha Palasiu Governu (30/8).

La Sama dehan, Maijor Jeneral Lere iha responsablidade tomak ba instituisaun F-FDTL atu oinsa bele dezenvolve ba oin ho diak liu tan.

Prosesu atu hola elikoptru ba F-FDTL ne'e nesesidade duni ba forsa sira hodi hala'o sira nia serviso, maibe kona ba parte oinsa atu aloka osan hodi sosa ekipamentu ne'e kompetensia ba governu hodi tuur hamutuk deskute mak foin aloka osan.

Ba kestaun ne'e, antes ne'e mos, Xefe Estadu Maior F-FDTL, Maijen lere Anan Timur deklara katak, F-FDTL presiza tebes fasilidade ba instituisaun ne'ebe nia lidera hodi hala'o servisu diak liu tan.

Nune'e mos, Sekretariu Estadu defeza (SED) Julio Tomas Pinto hateten, kona ba kestaun ne'e, sei iha hela prosesu laran, maibe intensaun atu sosa elikoptru ba F-FDTL tama ona iha planu no hein de'it diskusaun husi Governu.

.