“Deskonfia Diretor Eskola Baku Aluna Baixa Ospital”

.

Jornal Independente - Kuarta-Feira, 19 Setembru 2012

Aluna terseira ano husi eskola pre-sekundaria no 4 Fatumeta Maria Judit tenki lori halai ba klinika Bairo-Pite, tanba deskonfia hetan baku husi diretor eskola.

Tuir Vitima Maria Judith ne’ebe hhetan baku hateten, mestre ne’e haruka sira entrega hotu sira nia telemovel, maibe nia pasta tau hela iha meza leten, depois nia hakat ba foti pasta ne’e, mestre ne’e baku

kedas iha nia kotuk laran.

“Hau foin ba foti hau nia pasta mestre ne’e fo kedas basa maka’as mai hau nia kotuk laran no halo hau nia oin nakukun kedas,” dehan Judit.

Iha fatin hanesan, tuir sasin, Maria Eliana hateten, diretor ne’e baku aluna tanba deskonfia lori telefone kamera ho filme aat iha laran.

Eliansa esplika, momentu mestri ne’e halo pasa rebista ba alunsu sira nia pasta, alunsu hotu entrega sira nia telemovel ba professor, maibe derepenti professor ne’e bolu vitima Judit, seidauk koalia hotu nia baku kedas iha kotuk laran.

Entertantu, Diretor Eskola pre-sekundaria no 4 Fatumeta Domingos Obe rezeita akuzasaun ne’e.

Nia dehan, nunka baku aluna ne’e, nia rekoilla deit aluna sira nia telemovel no ameasa atu bolu alunus ne’ebe uza telemovel tau filem at iha laran atu bolu inan-aman hodi hatn iha eskola, husi ameasa ne’e mak aluna ne’e dezmaia iha fatin.

“Hau la baku nia, hau ameasa deit atu bolu sira nia inan-aman atu mai hatan iha eskola, tanba ne’e mak nia dezmaia,” Domingos rezeita.

Nune’e, familia aluna Crisono Pedro nu’udar maun ba vitima ne’e sente triste ho hahalok professor ne’e nian, nuudar edukador tuir lolos laos baku alunu to’o baixa, maibe iha meknismu seluk hodi eduka alunus sira.

Kazu ne’e nia hato’o ona ba parte Ministeriu edukasaun (ME) atu mai hare direta kondisaun alunus nian.

.