"Komunidade Kolmera Hetan Mate Isin Ho Idade 70 Ba Leten"

.

Notisia Husi TVTL - Sesta-Kalan, 14 Setembru 2012

Komunidade parte Kolmera hakfodak wainhira hetan mate isin mane ida, ho idade 70 resin, iha Edifisiu Clubo Sport Tasi ibun, to’o oras ne’e seidauk hatene motivu husi mate ne’e.

Iha sesta-feira ne’e, maizumensu tuku hitu ho balun dader, komunidade parte Kolmera hakfodak ho mate isin ida ne’ebe hetan iha Edifisiu Sportin nia kotuk.

Katuas ho idade 70 resin ne’e mate sein motivu klaru, hafoin akontesementu ne’e, ekipa Forensik PNTL to’o kedas iha fatin akontesemetnu.

Tuir testamunha balun iha kinta-feira (13/9), nia rasik sei hetan matebian iha tasi ibun, dirasaun Palasiu do Governo ho kondisaun diak, tamba ne’e, nia mos senti hakfodak wainhira hetan vitima ho kondisaun mate.

Iha parte seluk, Manuel nuudar kolega hateten, durante ne’e nia koinese matebian hanesan ema diak, maibe nia la dun hatene klaru kona ba familia.

Hafoin hetan mate isin Polisia Forensik lori kedas ba Hospital Nasional Guido Valadares hodi submete ba prosesu autopsia antes intrega hikas ba familia.
.