Jornal Timor Post - Kinta-feira, 13 Setembru 2012
Don Alberto Ricardo da Silva hateten, nia triste tebes maske ukun an tinan 10 ona maibe Timoroan barak kontinua moris iha kiak nia laran.
"Hau hateke ba situasaun Timor ninian ba autodeterminasaun to'o ohin loron neé, hau preokupante tebe-tebs," Hateten Don Alberto Ricardo da Silva, wainhira partisipa iha aniversariu Caritas Dioseze Dili ba dala 36, ne'ebe hala'o iha Edifisiu Caritas Diosezana, Katedral, Dili, Kuarta 912/9).
Amu Bispu hateten, nia laran dodok tebes, dala barak ba halo viazen iha parte sul ou parte sentral Timor Leste, nia haree rai tetuk barak tebe-tebs, maibe kuitadu agora soko maka tinan ba tinan buras tan, ai ema sunu tesi no la dezenvolve buat ida.
"Hau sai padre foun ba iha Ossu (Viqueque) ne'ebe oras ne'e sai tan katuas tiha ona, agora sai tan Bispo ona, hau haree povu kiak nafatin deit, la avansa ida," dehan Bispu Ricardo.
Lider Katoliku Timor Leste ne'e mos hateten katak, atu dezenvolve rai Timor Leste presiza serviso maka'as, labele pendente de'it ba izmola no ajudus husi parseiru sira, maibe hahu husi ida-idak ninia uma laran, tenki badinas kuda modo, uza rai tetuk hodi halo to'os no natar, nune'e, Timor labele hein de'it ema seluk atu ajuda.
"Hau hanoin atu dezenvolve ita nia rain presiza produs ho masimu, kada familia ida tenki produs buat ruma hodi nune'e produtu ne'ebe fa'an nia folin bele tun para ema sosa, se mai nafatin husi rai liur, ne'e folin sa'e tan, ita nia saude mos la sa'e ida," Ricardo sujere.
Amo Bispo mos husu ba ema hotu ne'ebe saude diak, presiza tulun ajuda sira ne'ebe alejadu no defisiente prinsipalmente fo edukasaun ba sira.
.
Sem comentários:
Enviar um comentário
Nota: só um membro deste blogue pode publicar um comentário.