"Governu Soe Aimoruk Liu Prazu Kontainer 3"

,

Jornal Independente - Kinta-Feira, 05 Junu 2014

Governu liu husi Ministeriu Saude (MS) no Serbisu autonomu Medikamentu Ekipa Saude (SAMES) iha tempu badak sei soe ai-moruk ne'ebe liu ona prazu hamutuk kontainer tolu (3) iha lixu Tibar.

Diretor SAMES Odete Belo hatete, tuir planu iha tempu badak Ministeriu Saude hamutuk ho SAMES sei ba soe ai-moruk liu prazu ne'e iha Lixu fatin Tibar, tanba labele uza ona ba publiku nia presiza.

"Ai-moruk konmtainer tolu (3) hirak ne'e hau hato'o ona ba Vise Primeiru Ministru katak, aimoruk hirak ne'e mesak oralit ne'ebe kompras, la sala tinan 2011 ou 2012," dehan diretor SAMES ba jornalista sira iha armajen.

Odete esplika liu tan katak, ai-moruk liu prazu ne'e item ida ho naran oralit ne'ebe uluk MS sosa iha tinan 2011 to'o 2012 nian, iha momentu ne'eba lakonsege fahe hotu ba iha Distritu klinika no ospital sira iha teritoriu laran tomak.

Ai-moruk ne'e liu prazu tamba iha momentu ne'eba, klinika no ospital rezista kazu denge ho diarea as tebes, entaun MS mos kompra halo barak. Iha fatin ketak, Diretor Nasional Apoiu Serbisu Hospital no Enkaminamentu (DNASHE), Horasio Sarmento da Costa hatete, ai-moruk kontainer tolu liu ona prazu iha armazen servisu Autonomu Medikamentu I Ekipamentu da saude (SAMES) ne'e iha tempu Governu anterior (AMP) nian.

Bainhira husu kona ba montante orsamentu hira mak gasta ba sosa ai-moruk refere?,Nia dehan, nia parte lahatene tamba sosa iha governu anterior.

Entertantu, hataan ba kestaun ne'e, Prezidenti Komisaun F PN, Virgilio Hornai hatete, kuandu soe ona ai-moruk tanba liu prazu, signifika katak laiha planu. "

Karik ai-moruk hirak ne'e mak kompra ho orsamentu duni entaun ida ne'e labele soe, tanba se ita hakarak kompras tenke iha planu ne'ebe diak, nune'e bele hatene atu sosa ai-moruk ne'e ho osan hira," dehan nia horsheik.

 Nia kritika tamba kestaun osan sosa ai-moruk la ho pkanu, ne'ebe liu fali nesesidade. "Hau sei kontantu ba SAMES atu hetan lolos lista ba informasaun tipu ba varidade ai-moruk.

,